Bigg Boss OTT 2 मध्ये होणार मिया खलीफा हिची एन्ट्री! ॲडल्ट स्टारला मोठी ऑफर

मुंबई | अभिनेता सलमान खान याचा बहुप्रतीक्षित शो ‘बिग बॉस ओटीटी २’ (Bigg Boss OTT 2) लवकरच प्रेक्षकांच्या भेटीस येणार आहे. शोची तारीख जशी जवळ येत आहे, त्याच प्रमाणे चाहत्यांची उत्सुकता देखील शिगेला पोहोचली आहे. ‘बिग बॉस ओटीटी २’ मध्ये अनेक बदल करण्यात आले आहेत. पहिल्या सीझनच्या होस्टची जबाबदारी दिग्दर्शक करण जोहर याच्यावर होती. पण आता सलमान खान शोच्या होस्टची भूमिका बजाबणार आहे. निर्मात्यांनी शोचं एंथम सॉन्ग आणि प्रोमो प्रदर्शित केला आहे. आता शोमध्ये कोणते स्पर्धक असतील याकडे प्रेक्षकांचं लक्ष लागलं आहे. प्रत्येक आठवड्याला काही तरी नवी टास्कच्या माध्यमातून शो ऑल टाईम हिट बनवण्यासाठी निर्माते सज्ज झाले आहेत.

शो प्रेक्षकांच्या पसंतीस पडावा म्हणून ॲडल्ट स्टार मिया खलिफा, कॉमेडियन कुणाल कामरा, शिल्पा शेट्टीचा पती राज कुंद्रा तसेच श्रीलंकन ​​गायक योहानी यांच्याशीही संपर्क साधण्यात आल्याची माहिती समोर येत आहे. पण अद्याप निर्मात्यांकडून कोणतीही अधिकृत घोषणा करण्यात आलेली नाही. पण सध्या चर्चा रंगत आहे ती म्हणजे मिया खलिफा हिची…

‘बिग बॉस ९’ ज्याप्रमाणे अभिनेत्री सनी लिओनी हिला ॲडल्ट इंडस्ट्रीमधून रिऍलिटी शोमध्ये आणलं होतं, त्याच प्रमाणे मिला खलिफा हिच्याबाबत होणार असल्याची चर्चा रंगत आहे. फक्त मिया खलिफा नाही तर, अभिनेत्री शिल्पा शेट्टी हिचा पती राज कुंद्रा याला देखील ‘बिग बॉस ओटीटी 2’ साठी ऑफर देण्यात आली आहे.

राज कुंद्रा याचं पॉर्नोग्राफी प्रकरणात नाव आल्यानंतर त्याला अटक करण्यात आली होती. पॉर्नोग्राफी प्रकरणात राज तीन महिने तुरुंगात होता. अशात जर तो शोमध्ये आला तर, राजला त्याच्यावर आलेला प्रसंग सांगण्यासाठी आणि प्रेक्षकांची मने जिंकण्यासाठी संधी मिळेल अशी शक्यता निर्मात्यांकडून वर्तवण्यात आल्याची चर्चा रंगत आहे.

मिया खलिफा, राज कुंद्रा यांच्यासोबतच ‘बिग बॉस ओटीटी 2’ साठी दिग्‍गज पंजाबी गायक Daler Mehndi यांना देखील ऑफर देण्यात आली आहे. सध्या सर्वत्र ‘बिग बॉस ओटीटी 2’ची चर्चा सुरु आहे. आता ‘बिग बॉस ओटीटी 2’ प्रेक्षकांचं मनोरंजन करण्याच यशस्वी ठरतो की नाही हे पाहणं महत्त्वाचं ठरणार आहे.

‘बिग बॉस ओटीटी 2’ शोची सुरुवार १७ जून पासून होणार आहे. ‘बिग बॉस ओटीटी 2’ प्रेक्षकांनी जियो सिनेमावर पाहता येणार आहे. यावेळी ‘बिग बॉस ओटीटी 2’मध्ये जंगल थीम असणार आहे. पहिल्या सीझनची विजेती अभिनेत्री दिव्या अग्रवाल होती. आता ‘बिग बॉस ओटीटी 2’ची ट्रॉफी कोण घरी घेवून जातं पाहणं मजेशीर असणार आहे.