कंगना रणौतचं तरुण खासदाराबद्दल मोठं वक्तव्य; म्हणाली, ‘मला पाहिल्यानंतर ते आता…’

बॉलिवूड अभिनेत्री आणि खासदार कंगना रणौत स्टारर Emergency सिनेमा लवकरच मोठ्या पडद्यावर प्रदर्शित होणार आहे. सध्या कंगना सिनेमाच्या प्रमोशनमध्ये व्यस्त आहेत. सिनेमासाठी अनेक ठिकाणी मुलाखती देखील देत आहेत. दरम्यान, एका मुलाखतीत कंगना यांनी खासदार चिराग पासवान यांच्याबद्दल विचारण्यात आलं. सांगायचं झालं तर, कंगना रणौत आणि चिराग पासवान यांनी खासदारकीची शपथ घेतल्यानंतर दोघांचे अनेक फोटो आणि व्हिडीओ सोशल मीडियावर व्हायरल झाले.

चिराग – कंगना यांचे फक्त फोटो – व्हिडीओ व्हायरल झाले नाहीत तर, दोघांच्या नात्याबद्दल अनेक चर्चा देखील रंगल्या. अशात नुकताच झालेल्या मुलाखतीत कंगना यांनी चिराग पासवान यांच्यासोबत व्हायरल झालेल्या फोटोबद्दल विचारण्यात आलं. यावर अभिनेत्रीने मोठा खुलासा केला आहे.

चिराग पासवान यांच्याबद्दल कंगना म्हणाल्या, ‘कमीत कमी आम्हाला संसदेत तरी सोडा… मी चिराग यांना गेल्या अनेक वर्षांपासून ओळखते. आम्ही चांगले मित्र आहोत. त्यांनी मला एक – दोनवेळा विनोदाने हसवलं आहे. तेव्हापासून अनेक चर्चा रंगल्या आहेत. आता मला पाहिल्यानंतर चिराग स्वतःच रस्ता बदलतात…’ असं देखील कंगना म्हणाल्या.

चिराग पासवान यांच्याबद्दल सांगायचं झालं तर, चिराग पासवान मोदी सरकारमधील सर्वात तरुण कॅबिनेट मंत्री आहेत. कॅबिनेट मंत्री चिराग पासवान आहेत. लोक जनशक्ती पक्षाचे प्रमुख आणि हाजीपूरचे लोकसभा खासदार चिराग पासवान हे मोदी सरकारच्या तिसऱ्या कार्यकाळातील सर्वात तरुण कॅबिनेट मंत्री बनले आहेत.

चिराग पासवान यांनी अभिनय विश्वात देखील स्वतःचं नशीब आजमावलं होतं. ‘मिले ना मिले हम’ सिनेमात चिराग पासवान झळकले होते. सिनेमात चिराग पासवान यांच्यासोबत अभिनेत्री कंगना रनौत यांनी भूमिका साकारली होती. 2011 मध्ये सिनेमा प्रदर्शित झाला होता. पण सिनेमा बॉक्स ऑफिसवर फेल ठरला.

चिराग – कंगना यांचा सिनेमा तेव्हा फ्लॉप ठरला पण दोघांनी देखील खासदारकीची शपथ घेतल्यानंतर सोशल मीडियावर सिनेमातील अनेक सीन व्हायरल झाले. चिराग पासवान यांच्याबद्दल सांगायचं झालं तर, ते रामविलास पासवान यांचे पूत्र आहेत.