Kareena Kapoor: माता सीता यांच्यासोबत स्वतःची तुलना, वादाच्या भोवऱ्यात अडकली करीना, अनेकांमध्ये संताप
Kareena Kapoor: माता सीता यांच्यासोबत तुलना करून वादाच्या भोवऱ्यात अडकली करीना कपूर, व्हिडीओ सर्वत्र व्हायरल, अनेकांनी व्यक्त केला संताप, सध्या सर्वत्र फक्त आणि फक्त करीना कपूर हिच्या वक्तव्याची चर्चा...
अभिनेत्री करीना कपूर हिला आज कोणत्या ओळखीची गरज नाही. अभिनेत्रीने अनेक सिनेमांमध्ये महत्त्वाची भूमिका साकारत चाहत्यांचं मनोरंजन केलं आहे. पण अभिनेत्री आता असं काही बोलली ज्यामुळे अनेकांनी करीनाला ट्रोल केलं आहे. नुकताच झालेल्या एका कार्यक्रमात करीना हिने स्वतःची तुलना माता सीता यांच्यासोबत केली आहे. ज्यामुळे अभिनेत्री वादाच्या भोवऱ्यात अडकली आहे .
सध्या करीना कपूर हिचा एक व्हिडीओ सोशल मीडियावर तुफान व्हायरल होत आहे. व्हिडीओमध्ये अभिनेत्री माता सीता यांच्याबद्दल बोलताना दिसत आहे. अभिनेत्री म्हणाली, ‘माता सीता यांच्या शिवाय रामायण पूर्ण होऊ शकत नाही, त्याच प्रमाणे करीना कपूर शिवाय रोहित शेट्टी याचा सिनेमा पूर्ण होऊ शकत नाही…’ सध्या व्हिडीओ तुफान व्हायरल होत आहे.
View this post on Instagram
अभिनेत्रीच्या व्हिडीओवर नेटकरी कमेंट करत प्रतिक्रिया देत आहेत. एक नेटकरी म्हणाला, ‘कमाल उदाहरण आहे, आजपर्यंत हे ऐकलं नाही…’, दुसरा नेटकरी म्हणाली, ‘ही काय वायफळ बडबड करत आहे…’, तिसरा नेटकरी म्हणाला, ‘स्वतःची तुलना देवासोबत करत आहे…’, अन्य एक नेटकरी म्हणाला, ‘हे रोहित यानेच शिकवलं असेल…’, सध्या सर्वत्र करीना हिच्या वक्तव्याची चर्चा रंगली आहे.
करीना हिच्या आगामी सिनेमाबद्दल सांगायचं झालं तर, अभिनेत्री लवकरच रोहित शेट्टी दिग्दर्शित ‘सिंघम अगेन’ सिनेमातून चाहत्यांच्या भेटीस येणार आहे. सिनेमात करीना हिच्यासोबत अजय देवगन, दीपिका पादुकोण, अक्षय कुमार, रणवीर सिंग, अर्जुन कपूर आणि टायगर श्रॉफ महत्त्वाच्या भूमिकेत दिसणार आहे. चाहते देखील सिनेमाच्या प्रतीक्षेत आहेत.
करीना कपूर खान
करीना कपूर फक्त तिच्या प्रोफेशनल आयुष्यामुळे नाही तर, खासगी आयुष्यामुळे देखील कायम चर्चेत असते. करीना हिने अनेक वर्ष अभिनेता सैफ अली खान याला डेट केल्यानंतर लग्न केलं. लग्नानंतर अनेकांनी अभिनेत्रीला ट्रोल केलं. पण दोघांनी कोणत्याच गोष्टीकडे अधिक लक्ष न देता फक्त स्वतःच्या भावनांना महत्त्व दिलं. करीना आणि सैफ यांच्या नात्याबद्दल देखील अनेक चर्चा रंगलेल्या असतात.
सैफ याच्यासोबत लग्न केल्यानंतर करीना हिने दोन मुलांना जन्म दिला. करीना – सैफ यांच्या मोठ्या मुलाचं नाव तैमून अली खान, तर दुसऱ्या मुलाचं नाव जेह अली खान असं आहे. करीना कायम मुलांसोबत देखील फोटो सोशल मीडियावर पोस्ट करत असते.
