Vijay Deverakonda: विजय देवरकोंडाची एक झलक पाहण्यासाठी तुंबड गर्दी; पहा साऊथ ॲक्टरचा मराठी अंदाज
हा व्हिडिओ पाहून असा अंदाज व्यक्त केला जात होता की तो हैदराबादमधील असेल, जिथे विजयचे असंख्य चाहते आहेत. पण विजय देवरकोंडा आता संपूर्ण भारतात सुपरस्टार बनला आहे आणि याचा पुरावा म्हणजे हा त्याचा व्हायरल व्हिडिओ आहे.
विजय देवरकोंडा (Vijay Deverakonda) आणि अनन्या पांडे (Ananya Panday) हे त्यांच्या आगामी ‘लायगर’ (Liger) या चित्रपटाच्या प्रमोशनसाठी सर्वतोपरी प्रयत्न करत आहेत. या दोघांचा एक व्हिडिओ सध्या सोशल मीडियावर तुफान व्हायरल होत आहे. हा व्हिडिओ पाहून असा अंदाज व्यक्त केला जात होता की तो हैदराबादमधील असेल, जिथे विजयचे असंख्य चाहते आहेत. पण विजय देवरकोंडा आता संपूर्ण भारतात सुपरस्टार बनला आहे आणि याचा पुरावा म्हणजे हा त्याचा व्हायरल व्हिडिओ आहे. हा व्हिडीओ हैदराबादचा नसून नवी मुंबईतील एका कार्यक्रमाचा आहे. लायगर या चित्रपटाच्या प्रमोशनसाठी विजय आणि अनन्या हे नवी मुंबईतील एका मॉलमध्ये पोहोचले होते.
मॉलमध्ये चित्रपटाचं प्रमोशन
रविवारी अनन्या आणि विजयसह संपूर्ण लायगरची टीम प्रमोशनसाठी नवी मुंबईतील एका मोठ्या मॉलमध्ये पोहोचली होती. यावेळी आपल्या आवडत्या कलाकाराची एक झलक पाहण्यासाठी चाहत्यांनी मोठी गर्दी केली होती. या जमावाचा व्हिडिओ सोशल मीडियावर चांगलाच व्हायरल होत आहे. या व्हिडिओच्या बॅकग्राऊंडमध्ये लायगरची गाणी ऐकू येत आहेत. अनेक पापाराझींनी हा व्हिडिओ सोशल मीडियावर शेअर केला आहे. कार्यक्रमाच्या सुरुवातीला मॉलमध्ये जमलेल्या गर्दीला विजयलाच शांत होण्याचं आवाहन करावं लागलं.
व्हिडीओ 1-
“Namaskar Mumbai Kasa ahe tumhi loka” ??
He spoke marathi and Hindi throughout ???feels sooo nostalgic ?? Dead dead deaddddddd ?#VijayDeverakonda #Liger pic.twitter.com/XzvmPEmswO
— ~Aditi? (@tazbu_forever) July 31, 2022
चाहत्यांचा अक्षरश: पूर
असं म्हटलं जात आहे की, विजयासाठी मुंबईत आलेली ही रेकॉर्डब्रेक गर्दी होती. याआधी अशी गर्दी फक्त बिग बॉसमधील हिना खान आणि शिल्पा शिंदेच्या मॉल टास्कमध्ये दिसली होती. पण तो मॉल मुंबईतील एका अशा जागी होता, जिथे लोक सहज जाऊ शकत होते. पण पहिल्यांदाच मुंबईपासून थोडं दूर नवी मुंबईत कार्यक्रम असूनही विजय आणि अनन्याला पाहण्यासाठी चाहते मोठ्या संख्येने उपस्थित होते.
व्हिडीओ 2-
#VijayDeverakonda #liger#LigerHuntsFromAug25th pic.twitter.com/ofQ0mD9ofZ
— Sky (@vd4lyf) July 31, 2022
विजय देवरकोंडाचं बॉलिवूड पदार्पण
दाक्षिणात्य चित्रपटसृष्टीतील सुपरस्टार विजय देवरकोंडा लायगर या चित्रपटातून हिंदी चित्रपटसृष्टीत पदार्पण करणार आहे. बॉलिवूडमध्ये पदार्पण करण्यापूर्वीच त्याची बॉलिवूड सेलिब्रिटींमध्ये चर्चा होत आहे. कॉफी विथ करण एपिसोडमध्ये जान्हवी कपूरने सांगितलं होतं की, तिला विजय देवराकोंडासोबत चित्रपट करायचा आहे. लायगर या चित्रपटात बॉक्सिंग चॅम्पियन माइक टायसनदेखील झळकणार आहे. हा चित्रपट 25 ऑगस्टला प्रदर्शित होत आहे.
