Heist Story | शाहरुख खान-नयन ताराच्या आगामी चित्रपटाची कथा चोरीवर आधारित, ‘मनी हाईस्ट’पासून घेतलीय प्रेरणा!
आजकाल बॉलिवूड किंग शाहरुख खान (Shah Rukh Khan) दक्षिण भारतीय चित्रपटांचे लोकप्रिय दिग्दर्शक अटली कुमार यांच्या आगामी चित्रपटामुळे चर्चेत आहे. हा एक पॅन इंडिया चित्रपट आहे, ज्यात शाहरुख मुख्य भूमिकेत दिसणार आहे, दररोज या चित्रपटाबद्दल काही अपडेट येत राहतात.
मुंबई : आजकाल बॉलिवूड किंग शाहरुख खान (Shah Rukh Khan) दक्षिण भारतीय चित्रपटांचे लोकप्रिय दिग्दर्शक अटली कुमार यांच्या आगामी चित्रपटामुळे चर्चेत आहे. हा एक पॅन इंडिया चित्रपट आहे, ज्यात शाहरुख मुख्य भूमिकेत दिसणार आहे, दररोज या चित्रपटाबद्दल काही अपडेट येत राहतात आणि आता पुन्हा एकदा या चित्रपटाबद्दल मनोरंजक बातम्या चर्चेत आहेत, ज्यामुळे शाहरुखचा हा चित्रपट आणखी हिट बनणार आहे. शाहरुखच्या चाहत्यांसाठी ही आनंदाची बातमी असणार आहे.
मनी हाईस्टद्वारे प्रेरित असणार कथा?
रिपोर्ट्सनुसार, शाहरुखचा हा चित्रपट स्पॅनिश हाईस्ट क्राईम ड्रामा सीरीज मनी हाईस्टने प्रेरित आहे आणि असे सांगितले जात आहे की जेव्हा किंग खानला हे कळले की, तो लोकप्रिय वेब सीरीज फिल्म ‘इन्स्पायर्ड’चा भाग बनणार आहे, तेव्हा तो खूप खूश झाला.
चित्रपटाची कथा काय?
चित्रपटातील एका विशेष वळणावर, शाहरुखचे नकारात्मक पात्र एक टीम तयार करते आणि सर्वात मोठा बँक दरोडा अंमलात आणते. हा एक दरोडा असेल ज्याबद्दल कोणीही कधीही ऐकले नसेल. असे सांगितले जात आहे की, चित्रपटाचा हाच विशेष ट्रॅक असेल जो चित्रपटाची पार्श्वभूमी तयार करेल. यामुळे शाहरुखच्या दोन पात्रांमध्ये आमनेसामना असेल. शाहरुख या चित्रपटात दुहेरी भूमिकेत दिसणार आहे. जिथे शाहरुख एका पात्रात खलनायकाची भूमिका साकारेल, दुसरी भूमिका असेल एका पोलीस अधिकाऱ्याची. हा चित्रपट अनेक भाषांमध्ये प्रदर्शित होईल. या चित्रपटाचे चित्रीकरण पुण्यात सुरू झाले आहे.
‘पठाण’च्या शुटिंगमध्ये व्यस्त
आजकाल शाहरुख खान यशराज फिल्म्सचे दिग्दर्शक सिद्धार्थ आनंद यांच्या ‘पठाण’ चित्रपटाचे शूटिंग पूर्ण करण्यात व्यस्त आहे. त्याचे शेवटचे वेळापत्रक स्पेनमध्ये असणार आहे, ज्यात चित्रपटाची नायिका दीपिका पदुकोणही त्याच्यासोबत सहभागी होईल. या शूटिंग शेड्यूलला जाण्यापूर्वी शाहरुख काही दिवसांसाठी त्याच्या होम प्रॉडक्शन चित्रपटाचे शूटिंग पुण्यात सुरू करणार आहे. मिळालेल्या माहितीनुसार, या चित्रपटाचे दिग्दर्शक अटली यांनी त्यांच्या टीमसह गेल्या अनेक दिवसांपासून पुण्यात तळ ठोकून आहेत.
दुहेरी भूमिका चर्चेत
दिग्दर्शक अॅटलीचा चित्रपट एक अॅक्शन थ्रिलर असल्याचे म्हटले जाते ज्यात शाहरुख खान दुहेरी भूमिकेत आहे. तो एका भूमिकेत गुन्हेगार बनला आहे आणि दुसऱ्या भूमिकेत कायद्याचा रक्षक आहे. याआधी शाहरुखने ‘डुप्लीकेट’, ‘पहेली’, ‘डॉन’ आणि ‘फॅन’ या आणखी चार चित्रपटांमध्ये दुहेरी भूमिका केल्या आहेत, त्यापैकी फक्त ‘डॉन’ बॉक्स ऑफिसवर यशस्वी ठरला आहे. रेड चिलीज त्यांच्या नवीन दुहेरी भूमिकेच्या चित्रपटासंदर्भात एका कंपनीशी अनेक महिन्यांपासून चर्चेत आहे आणि चित्रपटाच्या बजेटशी संबंधित अडकलेले प्रकरण अद्याप पूर्ण झालेले नाही.
‘पठाण’ चित्रपटाचा फर्स्ट लूक रिलीज झाल्यानंतर शाहरुख खानचा चित्रपट व्यवसायातील आत्मविश्वास पुन्हा वाढेल. शाहरुख त्याच्या ‘पठाण’ चित्रपटाचे शूटिंग पूर्ण करून स्पेनहून परतल्यावर या चित्रपटाचे शूटिंग पूर्ण करेल. अटलीच्या या चित्रपटाव्यतिरिक्त, अशीही चर्चा आहे की त्याला दिग्दर्शक राजकुमार हिरानी यांची एक कथा देखील आवडली आहे, ज्याचे शूटिंग पुढील वर्षाच्या मध्यापर्यंत सुरू होऊ शकते.
हेही वाचा :
