Malaika Arora: डीप नेक ट्रान्सपरंट गाऊनमध्ये मलायकाचा सुपरबोल्ड अंदाज; व्हिडीओ व्हायरल होताच झाली ट्रोल
'मिस इंडिया 2022'च्या अंतिम फेरीला मलायकासोबत क्रिती सनॉन आणि नेहा धुपिया यांनीसुद्धा हजेरी लावली होती. रेड कार्पेटवर या अभिनेत्रींचा ग्लॅमरस अंदाज पहायला मिळाला. मात्र या सगळ्यात मलायकानेच सर्वांचं लक्ष वेधलं.
मिस इंडिया 2022 (Miss India 2022) ही सौंदर्यस्पर्धा नुकतीच पार पडली. रविवारी मुंबईत या सौंदर्यस्पर्धेची अंतिम फेरी आयोजित करण्यात आली होती. यावेळी बॉलिवूडमधील काही सेलिब्रिटींनीही हजेरी लावली. अंतिम फेरीसाठी अभिनेत्री मलायका अरोरा (Malaika Arora) परीक्षक होती. या कार्यक्रमाला मलायकाचा अत्यंत ग्लॅमरस आणि बोल्ड अंदाज पहायला मिळाला. फॅशन आयकॉन म्हणून मलायका ओळखली जाते. वयाची चाळीशी ओल्यांडल्यानंतरही तिचं फिटनेस तरुणींनाही थक्क करणारं आहे. मात्र मलायकाला अनेकदा तिच्या कपड्यांमुळे ट्रोलिंगचा सामना करावा लागतो. मलायकाने शिअर लाँग गाऊन (shimmery gold gown) परिधान केला होता. मात्र हा गाऊन इतका ट्रान्सपरंट होता की अंतर्वस्त्रही दिसू लागल्याने नेटकऱ्याने तिला ट्रोल केलं.
‘मिस इंडिया 2022’च्या अंतिम फेरीला मलायकासोबत क्रिती सनॉन आणि नेहा धुपिया यांनीसुद्धा हजेरी लावली होती. रेड कार्पेटवर या अभिनेत्रींचा ग्लॅमरस अंदाज पहायला मिळाला. मात्र या सगळ्यात मलायकानेच सर्वांचं लक्ष वेधलं. डीप नेक गोल्डन शिअर गाऊन परिधान करत मलायकाने रेड कार्पेटवर हजेरी लावली होती. रेड कार्पेटवरील तिचे काही व्हिडीओ सोशल मीडियावर व्हायरल झाले आहेत.
पहा व्हिडीओ 1-
View this post on Instagram
पहा व्हिडीओ 2-
View this post on Instagram
तुझा फॅशन सेन्स अत्यंत चुकीचा आहे, असं एकाने म्हटलं. तर केंडल जेनरला फॉलो करण्याचा प्रयत्न केलास, मात्र तू स्वस्तातली केंडल दिसतेय, असं दुसऱ्याने लिहिलं. चालताना मलायकाचा गाऊन उचलण्यासाठीही तिला इतरांची मदत घ्यावी लागली. त्यावरूनही नेटकऱ्यांनी तिला ट्रोल केलं. मिस इंडिया या सौंदर्यस्पर्धेत कर्नाटकाच्या सिनी शेट्टीने बाजी मारली. 21 वर्षीय सिनीने राजस्थानच्या रुबल शेखावत आणि उत्तरप्रदेशच्या शिनाटा चौहानला मात दिली. मिस इंडियानंतर आता मिस वर्ल्ड 2022 मध्ये सिनी भारताचं प्रतिनिधीत्व करणार आहे.
