Dunki Movie | ‘डंकी’ चित्रपटातील शाहरुख खानचा लूक आला समोर, पाहा व्हायरल VIDEO

मुंबई : शाहरुख खान (Shah Rukh Khan) सध्या लंडनमध्ये डंकी या चित्रपटाच्या शूटिंगमध्ये व्यस्त आहे. डंकी चित्रपटाला दिग्दर्शन राजकुमार हिरानी करत आहेत. काही दिवसांपूर्वीच शाहरुखने त्याच्या डंकी चित्रपटाविषयी (Dunki Movie) माहिती दिली होती. याशिवाय शाहरुख खानचे अनेक बॅक टू बॅक सिनेमे येणार आहेत. यामुळे शाहरुखच्या चाहत्यांसाठी यंदाचे वर्ष एखाद्या परवणीपेक्षा कमी नक्कीच नसणार आहे. लंडनला शूटिंगसाठी पोहोचलेल्या शाहरुख खानचा एक व्हिडिओ सोशल मीडियावर (Social Media) तूफान व्हायरल होतो आहे, ज्यामध्ये तो कारमध्ये बसलेला दिसत आहे.

इथे पाहा शाहरुख खानचा व्हायरल होणारा व्हिडीओ

शाहरुखच्या डंकी चित्रपटाचे शूटिंगसाठी लंडन सुरू

शाहरुख डंकी चित्रपटाच्या शूटिंगसाठी लंडनमध्ये आहे. शूटिंगदरम्यान शाहरुख खानचा एक व्हिडिओ सोशल मीडियावर व्हायरल होत आहे. सेलिब्रिटी पापाराझी मंगलानीनेही आपल्या इन्स्टाग्रामवर हा व्हिडीओ शेअर केला आहे. व्हायरल होत असलेल्या या व्हिडिओमध्ये शाहरुख खान चाहत्यांपासून लपून कारमध्ये बसल्याचे स्पष्ट दिसत आहे. गर्दीपासून दूर जाण्याचा प्रयत्न करत आहे आणि एकदम फास्ट गाडीमध्ये बसतो आहे.

लाल रंगाच्या जॅकेटमध्ये शाहरुखचा जबरदस्त लूक

व्हायरल होत असलेल्या व्हिडीओमध्ये आपण पाहू शकतो की, शाहरुख खानने लाल रंगाचे जॅकेट घातले आहे आणि त्यामध्ये त्याचा लूक अत्यंत जबरदस्त दिसतोयं. मात्र हा लूक त्याच्या कोणत्या चित्रपटाचा आहे की नाही हे अघ्याप कळू शकले नाहीयं. हा व्हिडिओ शेअर करताना, मंगलानीने कॅप्शनमध्ये लिहिले आहे की ‘राजकुमार हिरानी यांच्या डंकी चित्रपटाच्या शूटमधील शाहरुख खानचा हा लूक आहे.

काही दिवसांपूर्वीच जवान चित्रपटातील शाहरुखचा लूक शेअर

शाहरुख खान आपल्या लूक लपवत आणि चाहत्यांपासून लपून जाताना हे काही पहिल्यांदाचे अजिबात नसून या अगोदरही अनेकदा शाहरुख चाहत्यांपासून लपून जाताना दिसला आहे. याआधीही शाहरुख खान अनेक प्रसंगी चाहत्यांपासून आपला लूक लपवताना दिसला आहे. नेता शाहरुख खानने काही दिवसांपूर्वीच जवान चित्रपटातील त्याचा लूक शेअर केला होता. त्याचा तो लूक पाहून चाहते अधिकच उत्साही झाल्याचे दिसते आहे. आता शाहरूकचे चाहते डंकी चित्रपटाची वाट पाहताना दिसत आहेत.