Shehnaaz Gill: सलमानच्या ‘कभी ईद कभी दिवाली’ चित्रपटातील शहनाजचा लूक आला समोर, पहा Viral Video
'कभी ईद कभी दिवाली' (Kabhi Eid Kabhi Diwali) या चित्रपटाच्या सेटवरील एक व्हिडीओ सोशल मीडियावर लीक झाला आहे. या व्हिडीओमध्ये चित्रपटातील शहनाजचा लूक पहायला मिळतोय. अवघ्या काही तासांतच हा व्हिडीओ सोशल मीडियावर व्हायरल झाला आहे.
पंजाबी गायिका, अभिनेत्री आणि ‘बिग बॉस 13’ फेम शहनाज गिलने (Shehnaaz Gill) अद्याप बॉलिवूडमध्ये पदार्पण केलं नसलं तरी तिची लोकप्रियता एखाद्या मोठ्या अभिनेत्रीपेक्षा कमी नाही. गेल्या काही दिवसांपासून शहनाजच्या बॉलिवूड पदार्पणाच्या जोरदार चर्चा आहेत. बॉलिवूडचा भाईजान अर्थात सलमान खान (Salman Khan) तिला लाँच करतोय. ‘कभी ईद कभी दिवाली’ (Kabhi Eid Kabhi Diwali) या बहुचर्चित चित्रपटात ती महत्त्वपूर्ण भूमिका साकारणार असल्याची चर्चा होती. मात्र यावर सलमान किंवा शहनाजने कोणतीच अधिकृत माहिती दिली नव्हती. आता ‘कभी ईद कभी दिवाली’ या चित्रपटाच्या सेटवरील एक व्हिडीओ सोशल मीडियावर लीक झाला आहे. या व्हिडीओमध्ये चित्रपटातील शहनाजचा लूक पहायला मिळतोय. अवघ्या काही तासांतच हा व्हिडीओ सोशल मीडियावर व्हायरल झाला आहे.
या व्हायरल व्हिडीओमध्ये शहनाज व्हॅनिटी व्हॅनमधून बाहेर येताना दिसतेय. शहनाजच्या दाक्षिणात्य लूकने नेटकऱ्यांचं लक्ष वेधलं आहे. हाफ साडी, मोठी वेणी आणि त्याला माळलेला गजरा असा तिचा लूक आहे. हा व्हिडीओ क्लिअर नसला तरी नेटकऱ्यांनी तिच्या लूकवर लाइक्स आणि कमेंट्सचा वर्षाव केला आहे.
पहा व्हिडीओ-
View this post on Instagram
सलमान आणि शहनाजसोबत यामध्ये अभिनेता आयुष शर्मा आणि पूजा हेगडेसुद्धा भूमिका साकारणार आहेत. अलीकडेच शहनाज बाबा सिद्दिकीच्या इफ्तार पार्टीत दिसली होती. या पार्टीदरम्यान तिचा शाहरुख खानला भेटतानाचा व्हिडिओ सोशल मीडियावर व्हायरल झाला होता. या इफ्तार पार्टीला सलमान खानसुद्धा हजर होता. नंतर शहनाजने सलमानचीही भेट घेतली. सलमानची बहीण अर्पिता खानने आयोजित केलेल्या ईद पार्टीलाही शहनाज हजर होती. यावेळीही तिचा आणि सलमानचा व्हिडीओ सोशल मीडियावर व्हायरल झाला होता.
शहनाज गिल अनेक वर्षांपासून पंजाबी इंडस्ट्रीत काम करतेय पण तिला खरी ओळख बिग बॉस 13 मुळे मिळाली. शहनाज आणि सिद्धार्थची मैत्री इतकी गाजली की चाहत्यांना या दोघांना ‘सिदनाज’ असं नाव दिलं होतं. 2 सप्टेंबर 2021 रोजी सिद्धार्थचा हृदयविकाराच्या तीव्र झटक्याने निधन झालं.
