Sign In

By signing in or creating an account, you agree with Associated Broadcasting Company's Terms & Conditions and Privacy Policy.

तिहार जेलमधून सुकेशचं पत्र, जॅकलिनसोबत प्रेमाची कबुली, ‘होय, आम्ही रिलेशनशीपसोबत होतो!’

बॉलीवूड अभिनेत्री जॅकलिन फर्नांडिस आणि 200 कोटी रुपयांच्या खंडणी प्रकरणाचा कथित सूत्रधार सुकेश चंद्रशेखर यांचे खाजगी फोटो व्हायरल झाले होते. आता सुकेश चंद्रशेखर यांने या फोटोंबाबत मौन सोडलं आहे. दिल्लीच्या तिहार तुरुंगात असलेल्या सुकेश चंद्रशेखरने गुरुवारी तुरुंगातूनच एक नोट जारी केलीय ज्यामध्ये तो जॅकलिनच्या समर्थनार्थ मैदानात उतरला.

तिहार जेलमधून सुकेशचं पत्र, जॅकलिनसोबत प्रेमाची कबुली, 'होय, आम्ही रिलेशनशीपसोबत होतो!'
Jacquline
Follow us
| Updated on: Feb 04, 2022 | 4:49 PM

मुंबई : बॉलीवूड अभिनेत्री जॅकलिन फर्नांडिस (Jacqueline Fernandez )आणि 200 कोटी रुपयांच्या खंडणी प्रकरणाचा कथित सूत्रधार सुकेश चंद्रशेखर (Sukesh Chandrasekhar) यांचे खाजगी फोटो व्हायरल झाले होते. आता सुकेश चंद्रशेखर यांनी या फोटोंबाबत मौन सोडलं आहे. दिल्लीच्या तिहार तुरुंगात असलेल्या सुकेश चंद्रशेखरने गुरुवारी तुरुंगातूनच एक नोट जारी केलीय ज्यामध्ये तो जॅकलिनच्या समर्थनार्थ मैदानात उतरला. इतकंच नाही तर या नोटमध्ये सुकेशने आपण आणि जॅकलीन रिलेशनशिपमध्ये असल्याची कबुली दिलीय. आमचं एकमेकांवर खूप प्रेम होतं. या नात्याचा उद्देश कोणत्याही आर्थिक अपेक्षांशी संबंध नव्हता, असं म्हणत सुकेशने जॅकलिनचा बचाव केला. जेव्हापासून सुकेश आणि जॅकलिनचे फोटो व्हायरल झाले होते, तेव्हापासून जॅकलिन आरोपीच्या पिंजऱ्यात उभी होती.

सुकेशने त्याच्या नोटमध्ये लिहिलंय की, “त्याचे खाजगी फोटो असे सोशल मीडियावर व्हायरल झाल्यानंतर खूप वाईट वाटलं. त्याचा मला खूप त्रास झाला. असं कृत्य करणं कोणाच्याही गोपनीयतेचे आणि वैयक्तिक स्पेसचं उल्लंघन आहे. जॅकलिन आणि मी रिलेशनशिपमध्ये होतो हे मी आधीच सांगितलं आहे. हे नातं कोणत्याही आर्थिक फायद्यावर आधारित नव्हते”

जॅकलिनच्या समर्थनार्थ सुकेश मैदानात

सुकेशने लिहिलेल्या नोटमध्ये जॅकलिनचा बचाव केला आहे. जॅकलिनचा खंडणी प्रकरणाशी कोणताही संबंध नसल्याचं तो म्हणाला आहे. मी प्रत्येकाला विनंती करतो की तिला चुकीच्या पद्धतीने प्रोजेक्ट करणे थांबवा कारण ज्याने कुणी कोणतीही अपेक्षा न करता फक्त प्रेम केलं असेल त्याच्यासाठी हे सोपे नसतं. मी आधी म्हटल्याप्रमाणे, सध्या सुरू असलेल्या मनी लाँड्रिंग प्रकरणात तिचा कोणताही सहभाग नाही.

सुकेशने आपल्या नोटमध्ये आणखी काय काय म्हटलंय?

या नोटमध्ये सुकेशने जॅकलिनला दिलेल्या भेटवस्तू खंडणीच्या पैशातून घेतल्या नसल्याचंही स्पष्ट केलं आहे. जेव्हा एखादा माणूस प्रेमात असतो तेव्हा तो खूप निस्वार्थी मनाने आपल्या प्रेमासाठी वाटेल ते करत असतो. मी तिला काही भेटवस्तू दिल्या. साधारण एक प्रेमी युगुल एकमेकांसाठी जे करतं तेच मी केलं. मी वेगळं काही केलं नाही. नातेसंबंधातील प्रिय व्यक्तीसाठी सर्वसाधारण जे लोकं करतात, मी ही तेच केलंय. मला समजत नाही की ही गोष्ट इतकी मोठी का केली जातीय. तसंच, यापैकी काहीही कथित गुन्ह्यातून मिळालेलं नाही याची मी पुन्हा खात्री देतो. सगळ्य़ा गोष्टी मी माझ्या कमाईतून घेतलेल्या आहेत. लवकरच न्यायालयात सिद्ध होईल, असंही सुकेशने आपल्या नोटमध्ये म्हटलं आहे.

सुकेशने जॅकलिनला आतापर्यंत कोणकोणत्या भेटवस्तू दिल्या?

सुकेश चंद्रशेखरने कथितरित्या जॅकलिनला अनेक लक्झरी भेटवस्तू दिल्या आहेत. ज्यात जिम वेअरसाठी गुच्ची आउटफिट्स, गुच्ची शूज, रोलेक्स घड्याळ, 15 जोड्या महागडे कानातले, 5 बिर्किन बॅग, हर्मीस ब्रेसलेट आणि एलव्ही बॅग यांचा समावेश होता. या प्रकरणात दाखल झालेल्या आरोपपत्रानुसार त्याने जॅकलिनला एक मिनी कूपर गाडीही दिली होती, जी तिने परत केली. जॅकलिनची अमेरिकेत राहणारी बहीण गेराल्डिन फर्नांडिस हिलाही त्याने बीएमडब्ल्यू कार भेट दिल्याचे या आरोपपत्रात म्हटले आहे. आरोपपत्रानुसार त्याने जॅकलिनच्या आईला एक पोर्चे कार देखील दिली.

सुकेश चंद्रशेखर कोण आहे?

200 कोटींच्या मनी लाँड्रिंग प्रकरणात कॉनमॅन सुकेश चंद्रशेखरचे (Sukesh Chandrasekhar) बॉलिवूड सेलिब्रिटींसोबतचे कनेक्शनही समोर येत आहे. आतापर्यंत या प्रकरणात जॅकलिन फर्नांडिस आणि नोरा फतेही यांच्या नावानंतर आणखी अभिनेत्रींची नावे समोर आली आहेत. टाईम्स ऑफ इंडियाच्या रिपोर्टनुसार, या प्रकरणाची चौकशी करत असलेल्या अंमलबजावणी संचालनालयाने (ईडी) सांगितले की, त्याचे श्रद्धा कपूर आणि शिल्पा शेट्टीसह अनेक बॉलिवूड सेलिब्रिटींशीही संबंध आहेत.

संबंधित बातम्या

Video : ‘पुष्पा’ सिनेमातील ‘ती’ स्टाईल शहनाजची, अल्लू अर्जुनने तर कॉपी केलीय, खरं नाही वाटत?, व्हिडीओ बघाच…!

Gangubai Kathiwadi : बहुप्रतिक्षित ‘गंगुबाई काठियावाडी’चा ट्रेलर आऊट, प्रेक्षकांचा तुफान प्रतिसाद, दोन तासात दीड मिलियन पार

कालच लग्नाचा वाढदिवस साजरा, आज पोस्टर शेअर करत रितेश-जिनिलियाची ‘गुडन्यूज’

'तुम्ही कितीही तारीफ करा.. तो फक्त वाट पाहातोय', शिरसाटांचा दावा काय?
'तुम्ही कितीही तारीफ करा.. तो फक्त वाट पाहातोय', शिरसाटांचा दावा काय?.
...असं बोललो नाही, भास्कर जाधवांच्या मनात काय? आधी नाराजी मग सारवासारव
...असं बोललो नाही, भास्कर जाधवांच्या मनात काय? आधी नाराजी मग सारवासारव.
चॉपरने केक कापणं बर्थडे बॉयच्या अंगाशी, व्हिडीओ होतोय तुफान व्हायरल
चॉपरने केक कापणं बर्थडे बॉयच्या अंगाशी, व्हिडीओ होतोय तुफान व्हायरल.
'संजय राऊत सध्या जोकरच्या भूमिकेत'; भाजपच्या बड्या मंत्र्याची टीका
'संजय राऊत सध्या जोकरच्या भूमिकेत'; भाजपच्या बड्या मंत्र्याची टीका.
'शिवसेना अन् ठाकरेंचा संबंध नाही, एक दिवस असा असेल मातोश्रीत फक्त...'
'शिवसेना अन् ठाकरेंचा संबंध नाही, एक दिवस असा असेल मातोश्रीत फक्त...'.
VIDEO : 'बोललं की माझं तोंड दिसतं', अजितदादांनी बांधकाम विभागाला झापलं
VIDEO : 'बोललं की माझं तोंड दिसतं', अजितदादांनी बांधकाम विभागाला झापलं.
सरपंच हत्या प्रकरणातील फरार आरोपी कृष्णा आंधळेची संपत्ती जप्त होणार?
सरपंच हत्या प्रकरणातील फरार आरोपी कृष्णा आंधळेची संपत्ती जप्त होणार?.
नाराजीच्या चर्चांनंतर भास्कर जाधव म्हणाले, 'पण ही वस्तुस्थिती...'
नाराजीच्या चर्चांनंतर भास्कर जाधव म्हणाले, 'पण ही वस्तुस्थिती...'.
मुंडेंविरोधात सुरेश धस पुन्हा आक्रमक, कृषी विभागाच्या सचिवाला थेट पत्र
मुंडेंविरोधात सुरेश धस पुन्हा आक्रमक, कृषी विभागाच्या सचिवाला थेट पत्र.
बापरे... भरधाव शिवशाही बसचं पुढचं टायर निघालं, 50 हून अधिक प्रवासी...
बापरे... भरधाव शिवशाही बसचं पुढचं टायर निघालं, 50 हून अधिक प्रवासी....