टीव्ही अभिनेत्री उर्फी जावेद हिला जीवे मारण्याची धमकी देणाऱ्याला अटक

मुंबई : अभिनेत्री उर्फी जावेद हिला काही दिवसांपूर्वीच बलात्कार करून जीवे मारण्याची धमकी देण्यात आली होती. उर्फीने सोशल मीडियावर याची माहिती आपल्या चाहत्यांसोबत शेअर करत काही फोटोही शेअर केले होते. उर्फीने तिला धमकी देणाऱ्या व्यक्तीचे नावही सांगून टाकले होते. विशेष म्हणजे जीवे मारण्याची धमकी देणाऱ्या व्यक्तीला मी ओळख असल्याचे देखील उर्फीने पोस्टमध्ये म्हटले होते. आता मुंबई पोलिसांनी उर्फी जावेद हिला बलात्कार करून जीवे मारण्याची धमकी देणाऱ्या व्यक्तीला अटक केलीये.

टीव्ही अभिनेत्री उर्फी जावेद ही तिच्या कपड्यांमुळे कायमच चर्चेत राहते. अनेकदा लोक तिच्या कपड्यांमुळे तिच्यावर टीका देखील करतात. काहींना उर्फीची हटके स्टाईलही आवडते. उर्फी कायमच सोशल मीडियावर बोल्ड फोटो शेअर करते.

उर्फीला तिच्या कपड्यांमुळे अनेकांनी फोनवरही धमक्या देण्यास सुरुवात केली आहे. उर्फी जावेदला काही दिवसांपूर्वी ब्रोकर नवीन गिरी याने व्हॉट्सअॅपवर मेसेज करून बलात्कार करण्याची आणि जीवे मारण्याची धमकी दिली होती.

आता गोरेगाव पोलिसांनी या व्यक्तीला अटक केलीये. अभिनेत्रीने याप्रकरणी गोरेगाव पोलीस ठाण्यात तक्रार केली आहे. तक्रारीनंतर गोरेगाव पोलिसांनी धमकी देणाऱ्या व्यक्तीला बिहारमधून अटक केलीये.

गोरेगाव पोलिसांनी आरोपी नवीनला आयटी कायद्याच्या कलम 354, (ए), 354 (डी), 509, 506 अन्वये अटक केली असून, त्याची रवानगी कारागृहात केली आहे.