Sonakshi Sinha: अखेर झहीर इक्बालने दिली प्रेमाची कबुली; सोनाक्षी सिन्हाला म्हणाला I Love You

गेल्या काही महिन्यांपासून अभिनेत्री सोनाक्षी सिन्हा (Sonakshi Sinha) आणि अभिनेता झहीर इक्बाल (Zaheer Iqbal) यांच्या अफेअरच्या जोरदार चर्चा आहेत. या दोघांनी अद्याप याबद्दल कोणतीही माहिती दिली नसली तरी सोशल मीडियावर ते एकमेकांच्या पोस्टवर मोकळेपणे व्यक्त होताना दिसतात. सोनाक्षीने नुकताच तिचा वाढदिवस साजरा केला. या वाढदिवसाच्या शुभेच्छा देताना झहीरने तिच्यावरील प्रेम व्यक्त केलं आहे. त्यामुळे हे दोघं रिलेशनशिपमध्ये (Relationship) असल्याच्या चर्चांना पुन्हा उधाण आलंय. 2 जून रोजी सोनाक्षीचा वाढदिवस होता. यानिमित्त झहीरने तिच्यासाठी खास बर्थडे पोस्ट लिहिली आहे.

सोनाक्षीसोबत मस्करी करतानाचा एक व्हिडीओ त्याने इन्स्टाग्राम अकाऊंटवर पोस्ट केला आहे. हा व्हिडीओ विमानातील असून त्यात सोनाक्षी बर्गर खाताना दिसतेय. तर झहीर तिला हसवण्याचा प्रयत्न करतोय. या दोघांमधील बाँडींग पाहून नेटकऱ्यांनी रिलेशनशिपबद्दल कमेंट करण्यास सुरुवात केली आहे. ‘हॅपी बर्थडे Sonzzz. आय लव्ह यू तुला खूप सारं फूड, फ्लाइट्स आणि लाफ्टर मिळो’, असं कॅप्शन झहीरने या व्हिडीओला दिलं आहे.

हे सुद्धा वाचा

Salman Khan: ‘सलमान खानला धमकी दिली होती, पण…’ लॉरेन्स बिश्नोईच्या चौकशीतून महत्त्वाची माहिती समोर

Maharashtrachi Hasyajatra: ‘महाराष्ट्राची हास्यजत्रा’ काही काळासाठी घेणार ब्रेक; कारण..

Dharmendra: “मैं चुप हूँ, बिमार नहीं”; तब्येतीविषयी अफवा पसरवणाऱ्यांना धर्मेंद्र यांनी खडसावलं

Perfume Ad: ‘बलात्कार म्हणजे विनोद वाटतो का?’, परफ्युमच्या जाहिरातीवर भडकले सेलिब्रिटी

पहा व्हिडीओ-

View this post on Instagram

A post shared by Zaheer Iqbal (@iamzahero)

याआधीही सोनाक्षीने इन्स्टाग्रामवर एका व्यक्तीसोबत फोटो पोस्ट केले होते. या फोटोंमध्ये सोनाक्षीसोबत असलेला मिस्ट्री मॅन कोण आहे, असा प्रश्न नेटकऱ्यांनी त्यावेळी उपस्थित केला होता. विशेष म्हणजे तिच्या हातात डायमंडची अंगठी दिसत असल्याने तिने गुपचूप साखरपुडा उरकला की काय, असाही अंदाज नेटकऱ्यांनी वर्तवला होता. सोनाक्षीने कॅप्शनमध्ये शेवटी EZI असं लिहिल्याने अनेकांनी झहीर इक्बालच्या नावाचा अंदाज वर्तवला होता. ‘EZI म्हणजे झहीर इक्बाल का?’, असा प्रश्न एकाने विचारला होता. तर दुसऱ्याने लिहिलं, ‘EZI: E म्हणजे Engagement, Z म्हणजे Zaheer आणि I म्हणजे Iqbal.’

पहा फोटो-

View this post on Instagram

A post shared by Sonakshi Sinha (@aslisona)

सोनाक्षी आणि झहीर या दोघांनीही सलमान खानच्या प्रोजेक्टमधून बॉलिवूडमध्ये पदार्पण केलं. सोनाक्षीने 2020 मध्ये ‘दबंग’ या चित्रपटातून पदार्पण केलं, तर झहीरने 2019 मध्ये ‘नोटबुक’ या चित्रपटातून पदार्पण केलं.