‘चक दे इंडिया’ फेम अभिनेत्री लवकरच अडकणार लग्नबंधनात; 11 वर्षांपासूनच्या नात्याची नवी सुरुवात
चक दे इंडिया या चित्रपटातील तिच्या भूमिकेनं प्रेक्षकांचं विशेष लक्ष वेधलं होतं. आता पुन्हा एकदा ती चर्चेत आली आहे. यामागचं कारण म्हणजे ती लवकरच लग्नबंधनात अडकणार आहे. 11 वर्षांच्या रिलेशनशिपनंतर चित्राशी लग्नगाठ बांधणार आहे.
मुंबई: शाहरुख खानच्या ‘चक दे इंडिया’ या चित्रपटात बऱ्याच अभिनेत्रींनी भूमिका साकारल्या होत्या. हॉकीच्या टीममधील खेळाडूंची भूमिका साकारणाऱ्या या अभिनेत्रींना चित्रपटातून बरीच प्रसिद्धी मिळाली. त्यापैकीच एक आहे अभिनेत्री चित्राशी रावत. चक दे इंडिया या चित्रपटातील तिच्या भूमिकेनं प्रेक्षकांचं विशेष लक्ष वेधलं होतं. आता पुन्हा एकदा ती चर्चेत आली आहे. यामागचं कारण म्हणजे ती लवकरच लग्नबंधनात अडकणार आहे. 11 वर्षांच्या रिलेशनशिपनंतर चित्राशी लग्नगाठ बांधणार आहे.
चक दे इंडियानंतर चित्राशीने ‘FIR’ सारख्या मालिकांमध्येही भूमिका साकारल्या होत्या. या मालिकेत तिने इन्स्पेक्टर ज्वालामुखी चौटालाची भूमिका साकारली होती. आता ती बॉयफ्रेंड ध्रुवादित्य भगवानानीशी लग्नगाठ बांधण्यासाठी सज्ज झाली आहे.
चित्राशीचा मेहंदीचा कार्यक्रम नुकताच पार पडला. या कार्यक्रमाला इंडस्ट्रीतील तिच्या मित्रमैत्रिणींनीही हजेरी लावली होती. डेलनाज इराणी, सयांतनी घोष, श्रुती उल्फत यांसारख्या सेलिब्रिटींनी चित्राशीच्या मेहंदी कार्यक्रमाचे फोटो शेअर केले होते.
View this post on Instagram
चित्राशी आणि ध्रुवादित्य यांचं लग्न छत्तीसगडमधील बिलासपूर इथं पार पडणार आहे. “आम्हाला देहरादूनमध्ये कोर्ट मॅरेज करायचं होतं. आम्ही ठरवलं होतं की साध्या सोप्या पद्धतीने लग्न करूयात, पैसे वाचवुयात आणि त्या पैशातून ट्रॅव्हल करुयात. मात्र कुटुंबीयांनी लग्नसोहळा आयोजित करण्यासाठी आग्रह धरला. ध्रुव आणि मी या लग्नसोहळ्याकडे एक सोहळा म्हणून नाही तर कुटुंबीय आणि मित्रपरिवारासोबत केलेला उत्सव म्हणून पाहतोय”, असं चित्राशी तिच्या लग्नाबद्दल म्हणाली.
