‘भ्रष्टाचार करु नका आणि होऊही देऊ नका..’, असं का म्हणाला आकाश ठोसर?
सैराट' फेम अभिनेता आकाश ठोसर याचं भ्रष्टाचारविरोधात मोठं विधान. सध्या सर्वत्र अभिनेत्याच्या वक्तव्याची चर्चा... एवढंच नाही तर, अभिनेत्याने ‘बाल शिवाजी’ सिनेमाबद्दल देखील केलं मोठं वक्तव्य... आकाश लवकरच ‘बाल शिवाजी’ सिनेमाच्या माध्यमातून येणार चाहत्यांच्या भेटीस...
!['भ्रष्टाचार करु नका आणि होऊही देऊ नका..', असं का म्हणाला आकाश ठोसर? 'भ्रष्टाचार करु नका आणि होऊही देऊ नका..', असं का म्हणाला आकाश ठोसर?](https://images.tv9marathi.com/wp-content/uploads/2023/11/akash-thosar.jpg?w=1280)
मुंबई | 5 नोव्हेंबर 2023 : ‘सैराट’ फेम अभिनेता आकाश ठोसर कायम कोणत्या न कोणत्या कारणामुळे चर्चेत असतो. अभिनेता लवकरच ‘बाल शिवाजी’ सिनेमाच्या माध्यमातून चाहत्यांच्या भेटीस येणार आहे. सिनेमाची जोरदार तयारी सुरु असल्याची माहिती देखील समोर येत आहे. दरम्यान, आकाश याने भ्रष्टाचारविरोधात लक्षवेधी विधान केलं आहे. सध्या सर्वत्र आकाश ठोसर याची चर्चा रंगली आहे. ‘तुम्ही जागृत राहा, भ्रष्टाचार करु नका आणि होऊही देऊ नका…’ असं म्हणत अभिनेत्याने सर्वत्र होत असलेल्या भ्रष्टाचाराचा विरोध केलं आहे. इंडियन बँकेच्या वतीने रविवारी आयोजित करण्यात आलेल्या वॉकेथॉनमध्ये सैराट फेम मराठी अभिनेता आकाश ठोसर सहभागी झाला होता.
वॉकेथॉनमध्ये आकाश याने भ्रष्टाचारविरोधात मोठं विधान केलं आहे. ‘इंडियन बँकेचे आभार की ते भ्रष्टाचारविरोधात बोलत आहेत. अशाच छोट्या-छोट्या पावलांनी सुरुवात होते. यावर आपण बोललं पाहिजे. तुम्ही जागृत राहा, भ्रष्टाचार करु नका आणि होऊही देऊ नका…’
![Image](https://images.tv9marathi.com/wp-content/uploads/2023/11/happy-birthday-Athiya-Shetty.jpg)
![Image](https://images.tv9marathi.com/wp-content/uploads/2023/11/Winner-Elvish-Yadav-1.jpg)
![Image](https://images.tv9marathi.com/wp-content/uploads/2023/11/aparna-kanekar.jpg)
![Image](https://images.tv9marathi.com/wp-content/uploads/2023/11/Mukesh-Ambani-Security.jpg)
पुढे अभिनेत्याने त्याच्या आगामी सिनेमाबद्दल देखील मोठी माहिती दिली आहे. ‘बाल शिवाजी नावाचा माझा नवा सिनेमा येत आहे. महाराजांच्या मोठेपणीच्या लढाया आपण ऐकल्या-वाचल्या आहेत. पण १४-१५ वर्षांच्या शिवरायांचं आयुष्य आम्ही या सिनेमात दाखवतोय. शिवरायांवरचे अनेक सिनेमे आले असतील, पण शिवरायांच्या आयुष्यातील हा टप्पा दाखवलेला नाही, म्हणून मी देखील खूप उत्सुक आहे.’ असं देखील अभिनेता म्हणाला.
View this post on Instagram
आकाश सोशल मीडियावर देखील कायम सक्रिय असतो. सोशल मीडियावर अभिनेत्याची चाहत्यांची संख्या देखील फार मोठी आहे. आकाश याच्या प्रत्येक फोटोवर चाहते लाईक्स आणि कमेंटचा वर्षाव करत असतो. एवढंच नाही तर, चाहत्यांच्या संपर्कात राहण्यासाठी आकाश कायम स्वतःचे फोटो आणि व्हिडीओ सोशल मीडियावर पोस्ट करत असतो.
अभिनेत्याने आतापर्यंत अनेक सिनेमांमध्ये महत्त्वाची भूमिका साकारत चाहत्यांचं मनोरंजन केलं. ‘सौराट’ सिनेमातून प्रसिद्धीझोतात आलेल्या आकाश याने ‘झुंड’, ‘एफयू’, ‘घर बंदूक बिरयानी’ सिनेमात देखील महत्त्वाची भूमिका साकारली होती. आता अभिनेत्याच्या आगामी सिनेमाच्या प्रतीक्षेत चाहते आहेत. आता चाहते देखील आकाश ठोसर याच्या ‘बाल शिलाजी’ सिनेमाच्या प्रतीक्षेत आहेत.