Drishyam 2: ‘मंडे टेस्ट’मध्ये पास झाला अजय देवगणचा ‘दृश्यम 2’; कमावले इतके कोटी रुपये
आमिर-हृतिकवर भारी पडला अजय देवगण; बॉक्स ऑफिसवर 'दृश्यम 2'ची जादू कायम
मुंबई: सस्पेन्स आणि थ्रिलरने परिपूर्ण असा अजय देवगणचा ‘दृश्यम 2’ हा चित्रपट बॉक्स ऑफिसवर धुमाकूळ घालतोय. प्रदर्शनाच्या चौथ्या दिवशीही या चित्रपटाची नॉन-स्टॉप कमाई सुरू आहे. चौथ्या दिवशी दुहेरी आकड्यात कमाई केल्याने ‘मंडे टेस्ट’मध्ये हा चित्रपट पास झाला आहे. 2015 मध्ये ‘दृश्यम’ हा चित्रपट प्रदर्शित झाला होता. सात वर्षांनंतर त्याचा हा सीक्वेल प्रेक्षकांच्या भेटीला आला आहे. हे दोन्ही चित्रपट मल्याळम चित्रपटाचे हिंदी रिमेक आहेत.
सात वर्षांनंतर विजय साळगावकर यांचं कुटुंब परतलं आहे. त्याच्या कुटुंबाची ही कथा पाहण्यासाठी प्रेक्षक थिएटरमध्ये गर्दी करत आहेत. पहिल्या वीकेंडचे बरेच शो हाऊसफुल झाले होत. त्यानंतर सोमवारीसुद्धा या चित्रपटाला प्रेक्षकांकडून चांगला प्रतिसाद मिळाला.
‘दृश्यम 2’ने सोमवारी 11.50 कोटी रुपयांचा गल्ला जमवला आहे. त्यामुळे पहिल्या चार दिवसांच्या कमाईचा आकडा हा 75.64 कोटी रुपयांवर पोहोचला आहे. कमाईची हीच गती कायम राहिली तर पहिल्याच आठवड्यात ‘दृश्यम 2’ हा 100 कोटींचा टप्पा गाठेल, अशी शक्यता वर्तवण्यात येत आहे.
#Drishyam2 at *national chains*… *Day 4* biz… ⭐️ #PVR: 2.65 cr ⭐️ #INOX: 2.15 cr ⭐️ #Cinepolis: 1.13 cr ⭐️ Total: ₹ 5.93 cr Note: VERY STRONG HOLD on crucial Monday… Evening and night shows witnessed super growth. pic.twitter.com/VYScz3Kz53
— taran adarsh (@taran_adarsh) November 22, 2022
या आठवड्यात शुक्रवारी वरुण धवन आणि क्रिती सनॉन यांचा ‘भेडियाँ’ हा चित्रपट प्रदर्शित होत आहे. या चित्रपटाचा ‘दृश्यम 2’च्या कमाईवर किती परिणाम होतो, हे पाहणं औत्सुक्याचं ठरणार आहे. ‘दृश्यम 2’सोबत सध्या अमिताभ बच्चन यांचा ‘उंचाई’ हा चित्रपटसुद्धा थिएटरमध्ये आहे. मात्र त्याची कमाई फारशी होताना दिसत नाही.
प्रदर्शनाच्या दुसऱ्या दिवशी ‘दृश्यम 2’च्या कमाईत 40 तर तिसऱ्या दिवशी 25 टक्क्यांची वाढ पहायला मिळाली. सोशल मीडियावरही या चित्रपटाची जोरदार चर्चा आहे. यामध्ये अजय देवगणसोबतच तब्बू, इशिता दत्ता, अक्षय खन्ना, श्रिया सरन यांच्या भूमिका आहेत.
