Kangana Ranaut | कंगना राणावत हिने स्वत: लाच म्हटले थेट ‘बेवकूफ’, चाहत्यांना बसला धक्का, अभिनेत्रीला नेमके झाले तरी काय?

मुंबई : बाॅलिवूड अभिनेत्री कंगना राणावत (Kangana Ranaut) ही नेहमीच चर्चेत असते. कायमच कंगना राणावत हिच्या निशाण्यावर बाॅलिवूड अभिनेते आणि अभिनेत्री असतात. काही दिवसांपूर्वीच प्रियांका चोप्रा हिने बाॅलिवूडबद्दल मोठा खुलासा करत म्हटले होते की, मला एका कोपऱ्यात ढकलण्याचे काम हे बाॅलिवूडमध्ये (Bollywood) सुरू होते. मला चित्रपटामध्ये काम दिले जात नव्हते. एक घाणेरडे राजकारण हे बाॅलिवूडमध्ये सुरू होते. शेवटी या राजकारणाला कंटाळूनच मी थांबण्याचा निर्णय घेतला. प्रियांका चोप्रा (Priyanka Chopra) हिच्या या विधानानंतर सर्वांनाच मोठा धक्का बसला. यावेळी प्रियांका चोप्रा हिच्या सपोर्टमध्ये कंगना राणावत उतरली होती.

इतकेच नाही तर प्रियांका चोप्रा हिचा सपोर्ट करत कंगना राणावत हिने करण जोहर याला टार्गेट करत खडेबोल सुनावले होते. काही दिवसांपूर्वीच रणबीर कपूर हा कंगना राणावत हिच्या निशाण्यावर होता. गेल्या काही दिवसांपासून कंगना राणावत ही सोशल मीडियावर चांगलीच सक्रिय दिसते. नुकताच तिने एक पोस्ट शेअर केलीये.

कंगना राणावत हिने शेअर केलेल्या पोस्टमुळे सध्या ती चर्चेत आहे. कंगना राणावत हिने ती पोस्ट तिच्या इंस्टाग्राम स्टोरीवर शेअर केलीये. या पोस्टमध्ये कंगना राणावत हिने स्वत: लाच बेवकूफ देखील म्हटले आहे. इतकेच नाही तर या पोस्टमध्ये कंगना राणावत हिने एयरपोर्ट लूकला कायमचा रामराम केला आहे.

इतकेच काय तर तिने थेट फॅशन इंडस्ट्रीवर निशाणा साधला आहे. कंगना राणावत हिने, सेलिब्रिटीज आंतरराष्ट्रीय ब्रँड्सचे कपडे परिधान करतात आणि प्रचंड नफा मिळवतात अशा ट्रेंडवर टीका केली. कंगना राणावत हिने यावेळी असेही सांगितले आहे की, मोठ्या ब्रँड्सना प्रोत्साहन देण्याऐवजी भारतीय कुशल हस्तकला व्यावसायिकांनी बनवलेल्या स्वदेशी कपड्यांना प्रोत्साहन देणार आहे.

विशेष म्हणजे यासोबतच कंगना राणावत हिने एक फोटो देखील शेअर केले आहे जो 2018 मधील तिचा विमानतळावरील दिसत आहे. या फोटोला कंगनाने कॅप्शन दिले आहे की, ‘विमानतळाच्या लूकचा बेवकूफ ट्रेंड सुरू करण्यासाठी फक्त या व्यक्तीलाच जबाबदार धरले जाऊ शकते. आता कंगना राणावत हिची ही पोस्ट सोशल मीडियावर तूफान व्हायरल होताना दिसत आहे. नेटकरी यावरून कंगनाला टार्गेट करताना दिसत आहेत.