होंठ लाल करवाना चाहती हैं, प्रसिद्ध अभिनेत्रीला असं का म्हणाला मुनव्वर फारुकी?

‘बिग बॉस 17’चा विजेता आणि प्रसिद्ध कॉमेडियन मुनव्वर फारुकी कायम कोणत्या न कोणत्या कारणामुळे चर्चेत असतो. आता देखील मुनव्वर फारुकी याचा एक व्हिडीओ सोशल मीडियावर तुफान व्हायरल होत आहे. व्हिडीओमध्ये मुनव्वर फारुकी आणि प्रसिद्ध अभिनेत्री अदिती राव हैदरी यांच्यासमध्ये बोलणं सुरु आहे. सांगायचं झालं तर, नुकताच अदिती नेटफ्लिक्सवरील मुशायरा रोस्ट मध्ये सहभागी झाली होती. अदिती हिच्यासोबत ‘हीरामंडी’ सीरिजमधील अन्य अभिनेत्री देखील होत्या.

मुशायरा रोस्टमध्ये अदिती ‘बिग बॉस’ विनर मुनव्वर फारुकी याला रोस्ट करताना दिसली. अदिती हिने मुनव्वर फारुकी याला शायराना अंदाजात रोस्ट केलं. त्यानंतर मुनव्वर फारुकी याने देखील अभिनेत्रीला विनोदी अंदाजात उत्तर दिलं. सध्या दोघांचा व्हिडीओ सोशल मीडियावर तुफान व्हायरल होत आहे.

व्हिडीओमध्ये दिसत असल्याप्रमाणे, अदिती सर्वात आधी मुनव्वर याला प्रेमाने बोलावते. पुढे शायरी करत अदिती म्हणते, ‘डोंगरी की शान, रिऍलिटी शो की पहचान, फिर भी इसे देखकर के मन करता है कह दूं भैय्या जी लगा दो एक पान…’ यावर ‘हीरामंडी’ फेम अभिनेत्री हसू लागतात.

यावर मुनव्वर फारुकी म्हणतो, ‘पॉझिटीव्हीटी देखो वो होंठ लाल करवाना चाहती है…’ यावर संजीदा म्हणते भौय्या जी बोलकर… सध्या सर्वत्र व्हिडीओची चर्चा रंगली आहे. व्हिडीओमध्ये मुनव्वर फारुकी आणि अदिती यांच्यासोबत अभिनेत्री मनिषा कोईराला, सोनाक्षी सिन्हा, संजीदा शेख, शर्मिन सेगल देखील दिसत आहे.

व्हिडीओ सध्या सोशल मीडियावर तुफान व्हायरल होत आहे. चाहते देखील व्हिडीओवर लाईक्स आणि कमेंटचा वर्षाव करत आहेत. चाहत्यांना देखील अदिती आणि मुनव्वर यांचा विनोदी अंदाज आवडला आहे.

सध्या अभिनेत्री ‘हीरामंडी’ सीरिजच्या प्रमोशनमध्ये व्यस्त आहेत. 1 मे रोजी सीरिज नेटफ्लिक्स प्रदर्शित झाली आहे. सोशल मीडियावर आणि चाहत्यांमध्ये सध्या सर्वत्र फक्त आणि फक्त ‘हीरामंडी’ सीरिजची चर्चा रंगली आहे. पण दिग्दर्शक संजय लीला भन्साळी दिग्दर्शित ‘हीरामंडी’ सीरिजला चाहत्यांकडून संमिश्र प्रतिसाद मिळत आहे.