Valentines Day 2023 : ‘प्रपोज करुन झालं होतं, पण…’, व्हॅलेंटाईन डेच्या निमित्तने हेमांगी कवी हिने ताज्या केल्या जुन्या आठवणी

Valentines Day 2023 : आज व्हॅलेंटाईन डे म्हणजे प्रेमाचा दिवस… आज अनेकांनी आपल्या आवडत्या व्यक्तीवर असलेलं प्रेम व्यक्त केलं आणि जुन्या आठवणी शेअर केल्या. सेलिब्रिटींनी देखील व्हॅलेंटाईन डेचं निमित्त साधत आपल्या आवडत्या व्यक्तीवर असलेलं प्रेम सोशल मीडियाच्या माध्यमातून व्यक्त केलं. अभिनेत्री हेमांगी कवी (hemangi kavi) हिने देखील व्हॅलेंटाईन डेच्या निमित्ताने पतीसाठी खास पोस्ट लिहिली. सध्या अभिनेत्रीची पोस्ट सोशल मीडियावर तुफान व्हायरल होत आहे. हेमांगीचा पहिला व्हॅलेंटाईन डे, अंगठी आणि अभिनेत्रीच्या आयुष्यातील अनेक आठवणी… या पोटस्टच्या माध्यमातून समोर आल्या आहेत.

हेमांगीची व्हॅलेंटाईन डे निमित्त खास फेसबूक पोस्ट?

‘हे माझं पहीलं Valentine gift. १४ फेब्रुवारी २००७! मुलुंडच्या Pizza Hut मध्ये साजरा केला होता पहीला वहीला valentine day. आयुष्यात पहील्यांदा Pizza खाल्ला होता… नाही…त्याने खाऊ घातला होता. हीच माझी त्यादिवशीची propose ring होती आणि पुढे जाऊन हीच माझी engagement ring ही झाली.

पुढे अभिनेत्री म्हणाली, ‘खरंतर Propose तर करून झालं होतं. मी हो ही म्हणून झालं होतं. पण लग्नाच्या आधी साखरपुडा करायचाच असतो म्हणून लग्नाच्या काही तासांपुर्वी साखरपुड्याचे कपडे घालून एकमेकांना अंगठी घालण्याची विधीपुर्वक औपचारिक्ता पार पाडली. पण साखरपुड्याची अंगठी म्हणून मी हीच घालणार हे आधीच सांगितलं होतं. कशाला हवी उगाच दुसरी अंगठी! (अशी समजूतदार बायको मिळायला भाग्यच लागतं हो’

‘तेव्हा बोटात असलेली तीच अंगठी काढून एका नव्या feeling सह माझ्या होणाऱ्या नवऱ्याने पुन्हा माझ्या बोटात घातली. मी त्याला त्याच्यासाठी बनवलेली अंगठी घातली आणि झाला आमचा साखरपुडा! तेव्हापासून आजतागायत ही माझ्या बोटात आहे. आम्ही एकमेकांना उगाचच काहीही gift करत नाही कामाच्याच गोष्टी gift करतो. दिवस ही साजरा होतो. गरज ही भागते आणि आठवण ही राहते. आजही आम्ही असच काहीतरी खरेदी करणार आहोत. तुम्हीही करा!’ असं म्हणत अभिनेत्रीने खास शुभेच्छा दिल्या आहेत.

हेमांगी कायम तिच्या भूमिकेमुळे चर्चेत असते. सोशल मीडियाच्या माध्यमातून हेमांगी अनेक मुद्द्यांवर स्वतःचं मत मांडताना दिसते. पण आता व्हॅलेंटाईन डेच्या निमित्ताने पोस्ट केल्यामुळे हेमांगी चर्चेत आली आहे.