Pradeep Patwardhan: ‘..अन् काळजात धस्स झालं’, हेमांगी कवीने सांगितला प्रदीप पटवर्धन यांच्याविषयीचा ‘तो’ खास किस्सा

अभिनेते प्रदीप पटवर्धन (Pradeep Patwardhan) यांनी वयाच्या 52व्या वर्षी जगाचा निरोप घेतला. मुंबईतल्या (Mumbai) राहत्या घरी त्यांचं हृदयविकाराच्या झटक्याने निधन झालं. त्यांच्या निधनाने संपूर्ण मराठी मनोरंजन विश्वावर दु:खाचा डोंगर कोसळला आहे. अनेकांनी सोशल मीडियावर पोस्ट लिहित शोक व्यक्त केला. अभिनेत्री हेमांगी कवीनेही (Hemangi Kavi) इन्स्टाग्रामवर प्रदीप पटवर्धन यांच्याविषयी पोस्ट लिहिली आहे. लहानपणीचा एक किस्सा तिने या पोस्टमधून सांगितला आहे. ‘मी पहिल्यांदा कुठल्या अभिनेत्याला आताच्या भाषेत ‘सेलिब्रिटी’ला पाहिलं असेल तर ते प्रदीप पटवर्धन होते,’ असं म्हणत तिने त्यांच्या पहिल्या भेटीचा हा खास किस्सा सांगितला.

हेमांगी कवीची पोस्ट-

‘मी पहिल्यांदा कुठल्या अभिनेत्याला आताच्या भाषेत ‘सेलिब्रिटी’ला पाहिलं असेल तर ते प्रदीप पटवर्धन होते. कळव्यात कुलकर्णी नावाचे डेंटिस्ट आहेत. अगदी माझ्या घराच्या किचनच्या खिडकीसमोर त्यांचं क्लिनिक. दुपारची 4 ची वेळ होती आणि माझ्या आईने चहा करत असताना उंचपुऱ्या देखण्या पुरुषाला क्लिनिकमध्ये शिरताना पाहिलं. मला आईने बोलवून घेतलं आणि सांगितलं अगं त्या क्लिनिकमध्ये प्रदीप पटवर्धन शिरलेत बहुतेक. मी म्हटलं ह्या काही काय? एवढा मोठा माणूस इथं कशाला येईल? आई म्हणाली अगं नाही तेच आहेत. शहानिशा करायला म्हणून मी गेले क्लिनिकजवळ आणि तेवढ्यात क्लिनिकचं दार उघडून एक प्रचंड हँडसम व्यक्तिमत्व माझ्या डोळ्यासमोर चालत आलं. पहिला अभिनेता ज्याला मी इतकं जवळून पाहिलं होतं. काळजात धस्स झालं. काय बोलावं काय करावं सुचेना. आठ-नऊ वर्षाची मी त्यांना बघून घाबरून पळून आले आणि आईला सांगितलं अगं तेच आहेत! दुसऱ्या दिवशी शाळेत मी जाम शायनिंग मारली होती. मग त्यानंतर अनेक वेळा त्यांना त्या क्लिनिकमध्ये जाताना येताना पाहिलं. खूप वर्षांनी या क्षेत्रात आल्यावर त्यांच्यासोबत काम करायची संधीही मिळाली. जेव्हा त्यांना पहिल्यांदा भेटले तेव्हा हा किस्सा त्यांना सांगितला. मी म्हटलं “मी तुम्हाला पाहिलं होतं लहानपणी”. त्यावर पट्या काका म्हणाले “कुणाच्या लहानपणी? माझ्या की तुझ्या?” मी म्हटलं “अहो माझ्या” तर त्यांच्या विशिष्ट अशा स्टाईलमध्ये मानेला झटका देऊन म्हणाले “हा मग ठिके, मी उगाच घाबरलो!” माझ्या तेव्हा लक्षात आलं नाही पण घरी आल्यावर कळलं त्यांना काय म्हणायचं होतं! असा मिश्किल, हँडसम आणि टायमिंगचा बादशाह पट्या काका उर्फ प्रदीप पटवर्धन! आठशे खिडक्या नवशे दारंवरचा तुमचा डान्स म्हणजे ओहोहो! व्हिल मिस यू,’ अशी पोस्ट हेमांगीनं लिहिली.

हे सुद्धा वाचा

Liger: पुष्पवृष्टी, खास गुजराती जेवण अन् चाहत्यांकडून भरभरून प्रेमाचा वर्षाव; विजय देवरकोंडा-अनन्या पांडेचं गुजरातमध्ये जंगी स्वागत

Pradeep Patwardhan: नाटकांवर नितांत प्रेम करणारा हरहुन्नरी कलाकार हरपला; प्रदीप पटवर्धन यांचा नाटक अन् नोकरीचा किस्सा

Aamir Khan: ‘महाभारत’च्या प्रोजेक्टविषयी आमिरने व्यक्त केली भीती; म्हणाला “मी त्या यज्ञासाठी तयार नाही”

Pradeep Patwardhan: “कलाकाराचं ग्लॅमर संपल्यानंतर प्रेक्षकांनी त्याला विसरू नये”; प्रदीप पटवर्धन यांचे भावूक उद्गार

View this post on Instagram

A post shared by Hemangi Kavi-Dhumal (@hemangiikavi)