Sara Tendulkar: सर्वच मुली जे सांगणं टाळतात, ते सचिनची कन्या असं बोलून गेली…
Sara Tendulkar: सारा आणि क्रिकेटपटू शुभमन गिलच्या डेटिंगच्या मध्यंतरी चर्चा होत्या. या अफवांनंतर गिलने आपण सिंगल असल्याचा दावा केला होता. गिलने इन्स्टावर लोकांशी संवाद साधला होता. तेव्हा एका प्रश्नाला उत्तर देताना त्याने हा दावा केला होता.
मुंबई: मास्टर ब्लास्टर सचिन तेंडुलकर (Sachin Tendulkar) यांची मुलगी सारा तेंडुलकर (Sara Tendulkar) नेहमी काही ना काही कारणामुळे चर्चेत असते. सोशल मीडियावर (social media) सतत सक्रिय असल्याने ती नेहमीच चर्चेत असते. सोशल मीडियावरील तिच्या फोटोंना नेटकऱ्यांचा चांगला प्रतिसादही मिळत असतो. तिचे इन्स्टाग्रामवरील डान्सचे फोटो तर नेहमीच चर्चेत असतात. सारा तेंडुलकरची लाईफस्टाईल प्रचंड ग्लॅमरस आहे. तिने तिच्या इन्स्टावर एक व्हिडिओ पोस्ट केला आहे. त्यात तिने तिच्या मनातील एक गोष्ट जाहीर केली आहे. खरंतर ही तिच्या एकटीच्या मनातील गोष्ट नाही. तर तिच्या वयातील सर्वच मुलींच्या मनातील ही गोष्ट आहे. सेलिब्रिटी असूनही तिने ही गोष्ट शेअर करून सर्वच मुलींच्या भावनाच जणू काही सोशल मीडियावर व्यक्त केल्या आहेत. त्यामुळे तिच्या या व्हिडीओला चांगला प्रतिसादही मिळत आहे.
सारा नेमकं काय म्हणाली?
साराने या व्हिडीओत ती लग्न कधी करणार आहे, याचा खुलासा केला आहे. इन्स्टाग्रामवर तिने हा व्हिडीओ पोस्ट केला आहे. त्यात ती तिची मैत्रीण अलिशासोबत दिसत आहे. आपल्या मैत्रीणीवर भरपूर पैसे खर्च करत असल्याचं तिनं म्हटलं आहे. आपल्या मैत्रीणीच्या आधीच लग्न करणार असल्याचंही तिने म्हटलं आहे. आपली राहणीमान अत्यंत साधी असल्याचंही तिने या व्हिडीओत म्हटलं आहे. सारा या व्हिडीओत मनमोकळेपणाने बोलताना दिसत आहे. साराचा हा व्हिडीओ सोशल मीडियावर चांगलाच व्हायरल होत आहे.
सोशल मीडियावर अॅक्टिव्ह
सारा सोशल मीडियावर प्रचंड अॅक्टिव्ह असते. तिचे इन्स्टाग्रामवर 2.2 मिलियन फॉलोअर्स आहेत. तिने मॉडेलिंगच्या क्षेत्रात पाऊलही ठेवलं आहे. ती बॉलिवूडमध्येही येण्याची शक्यता आहे. तिने नुकतीच क्लोदिंग ब्रॉन्डसाठी मॉडेलिंग केली होती. त्यामुळे ती चर्चेत आली होती. साराने गिफ्टसह तिचा फोटो इन्स्टावर टाकला आहे. त्यावर तिचे फॅन्स कमेंटचा पाऊस पाडत आहेत. एका यूजर्सने मस्त म्हटलंय. तर दुसऱ्याने क्या बात है, असं म्हणत दाद दिली आहे.
ब्रेकअपच्या चर्चा
सारा आणि क्रिकेटपटू शुभमन गिलच्या डेटिंगच्या मध्यंतरी चर्चा होत्या. या अफवांनंतर गिलने आपण सिंगल असल्याचा दावा केला होता. गिलने इन्स्टावर लोकांशी संवाद साधला होता. तेव्हा एका प्रश्नाला उत्तर देताना त्याने हा दावा केला होता. गिल आणि साराने इन्स्टावर एकमेकांना अनफॉलो केल्याचा अनेक मीडियांचा दावा आहे.
View this post on Instagram
