Janhvi Kapoor स्मृती इराणी यांना असं काय म्हणाली, ज्यामुळे तिला मागावी लागली माफी?
जान्हवी कपूर हिने माफी मागितल्यानंतर खुद्द स्मृती इराणी पोस्ट शेअर करत म्हणाल्या, 'ही आजकालची मुलं…', जान्हवी कपूर आणि स्मृती इराणी यांच्या व्हिडीओची आजही तुफान चर्चा
Janhvi Kapoor : ‘धडक’ सिनेमातून बॉलिवूडमध्ये पदार्पण करत अभिनेत्री जान्हवी कपूर हिने चाहत्यांना घायाळ केलं. अनेक सिनेमांमध्ये मुख्य भूमिका साकारत जान्हवीने अनेकांच्या मनात घर केलं . आज जान्हवी स्वतःचा २६ वा वाढदिवसस मोठ्या थाटात साजरा करत आहे. याच दरम्यान अभिनेत्रीचा एक व्हिडीओ सोशल मीडियावर तुफान व्हायरल आहे. व्हिडीओ प्रचंड जुना असला तरी सर्वत्र जान्हवीच्या व्हिडीओची चर्चा रंगत आहे. सध्या व्हायरल होत असलेला व्हिडीओ भाजप नेत्या स्मृती इराणी यांनी स्वतःच्या इन्स्टाग्रामवर काही वर्षांपूर्वी पोस्ट केला होता. सध्या हा व्हिडीओ जुना असला तरी सर्वांचं लक्ष वेधून घेत आहे. हा व्हिडीओ २०१९ मधील आहे.
स्मृती इराणी आणि जान्हवी कपूर यांच्या एका भेटीचा हा व्हिडीओ आहे. या भेटीदरम्यान जान्हवीने स्मृती यांना आण्टी म्हणून हाक मारली. त्यानंतर जान्हवीने प्रेमाने त्यांची माफी देखील मागितली. याबाबत स्मृती यांनी इन्स्टाग्रामवर एक पोस्ट केली आहे. शिवाय कॅप्शनमध्ये ‘ही आजकालची मुलं…’असं देखील म्हटलं आहे.
View this post on Instagram
जान्हवी हिच्यासोबत व्हिडीओ पोस्ट करत स्मृती इराणी म्हणाल्या होत्या की, “कुणीतरी मला गोळी मारावी असा क्षण, जेव्हा जान्हवी कपूरने वारंवार आण्टी म्हटल्यानंतर प्रेमाने माफी मागितली आणि तुम्हाला म्हणावं लागलं – इट्स ओके बेटा’, ही आजकालची मुलं…” #आण्टीकिसकोबोला अनेक वर्षांनंतर हा व्हिडीओ जान्हवीच्या वाढदिवसाच्या दिवशी पुन्हा चर्चेत आला आहे.
जान्हवीचे आगामी सिनेमे
जान्हवीच्या कामाबद्दल सांगायचं झालं तर, सध्या अभिनेत्री नितेश तिवारी यांच्या ‘बवाल’ सिनेमात झळकणार आहे. सिनेमात जान्हवी अभिनेता वरुण धवन याच्यासोबत मुख्य भूमिका साकारताना दिसत आहे. सिनेमा २०२३ मध्ये प्रदर्शित होणार आहे. शिवाय जान्हवी ‘दोस्ताना 2’ आणि ‘मिस्टर एन्ड मिसेज माही’ सिनेमातून देखील चाहत्यांच्या भेटीस येणार आहे.
फार कमी कालावधीत जान्हवीने बॉलिवूडमध्ये स्वतःचं स्थान भक्कम केलं आहे. मोठ्या पडद्यावर कायम सक्रिय असणारी जान्हवी सोशल मीडियावर देखील सक्रिय असते. सोशल मीडियावर जान्हवीच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी जान्हवी स्वतःचे फोटो आणि व्हिडीओ इन्स्टाग्रामवर पोस्ट करत असते. आज जान्हवीचा वाढदिवस असल्यामुळे अभिनेत्रीचे चाहते तिला शुभेच्छा देत आहेत.
