कथित बॉयफ्रेंड ओरहानविषयी अखेर जान्हवी कपूरने सोडलं मौन; म्हणाली..
जान्हवी एक्स बॉयफ्रेंडलाच पुन्हा करतेय डेट? चर्चांवर दिलं उत्तर
मुंबई- बॉलिवूडच्या दिवाळी पार्ट्यांदरम्यान अभिनेत्री जान्हवी कपूर ही ओरहान अवत्रमणीसोबत पहायला मिळाली. हे दोघं एकेकाळी एकमेकांना डेट करायचे असं म्हटलं जायचं. मात्र आता पुन्हा एकदा या दोघांचं पॅचअप झाल्याचं कळतंय. ओरहान आणि जान्हवी यांचं खरंच अफेअर आहे का, यावर आता अभिनेत्रीने मौन सोडलं आहे. नुकत्याच दिलेल्या एका मुलाखतीत जान्हवीने ओरहानविषयीच्या भावना व्यक्त केल्या आहेत.
जान्हवी आणि ओरहानला बऱ्याचदा एकत्र पाहिलं गेलंय. जान्हवीने हॅलोवीन पार्टीलासुद्धा त्याच्यासोबत हजेरी लावली होती. या दोघांनी एकत्र विविध देशांमध्ये फिरायलासुद्धा गेले होते. सोशल मीडियावरही दोघं एकमेकांच्या पोस्टवर कमेंट्स करताना दिसतात.
‘न्यूज 18’ला दिलेल्या मुलाखतीत जान्हवी म्हणाली, “ओरीला (ओरहान) मी खूप वर्षांपासून ओळखते. ती एक अशी व्यक्ती आहे, जिच्यासोबत मी फक्त छान वेळच घालवला नाही तर त्याने नेहमीच माझी साथ दिली आहे. मीसुद्धा नेहमीच त्याची साथ दिली आहे. तो जेव्हा सोबत असतो, तेव्हा मला खूप कम्फर्टेबल वाटतं आणि मी त्याच्यावर खूप विश्वास करते. असा मित्र भेटणं खूप दुर्मिळ असतं, जो तुमच्या पाठिशी खंबीरपणे उभा राहील. तो खूप चांगला मित्र आहे.”
View this post on Instagram
फक्त जान्हवीच नाही तर सारा अलीखान, अनन्या पांडे, शनाया कपूर, इब्राहिम खान, न्यासा यांचाही तो खूप चांगला मित्र आहे. स्टारकिड्ससोबत नेहमीच वावरत असलेल्या ओरहानने अनेकदा नेटकऱ्यांचं लक्ष वेधलं आहे. सोशल मीडियावरही त्याचे खूप फॉलोअर्स आहेत.
View this post on Instagram
ओरहान हा पेशाने प्रशिक्षित अॅनिमेटर आहे. सारा अली खान त्याची क्लासमेट होती. ग्रॅज्युएशन पार्टीतील या दोघांचा एकत्र फोटोसुद्धा आहे. अजय देवगण आणि काजोल यांची मुलगी न्यासाचाही तो खास मित्र आहे.
