सर्जरी नाही केली, तरी गोरी कशी झाली? ट्रोलर्सना काजोलचं स्पष्ट उत्तर

Bollywood actress Kajol: बॉलिवूडच्या दिग्गज अभिनत्री तनुजा यांनी अनेक हीट सिनेमे बॉलिवूडला दिला. तनुजा यांच्यानंतर लेक काजोल हिने देखील बॉलिवूडवर राज्य केलं. आज काजोल बॉलिवूडपासून दूर असली तरी कायम कोणत्या न कोणत्या कारणामुळे चर्चेत असते. काजोल हिच्या करियरबद्दल सांगायचं झालं तर, अभिनेत्रीने ‘बेखुदी’ सिनेमातून अभिनयास सुरुवात केली. पण ‘बाजीगर’ सिनेमातून अभिनेत्रीच्या लोकप्रियतेत मोठी वाढ झाली. त्यानंतर काजोल हिने कधीच मागे वळून पाहिलं नाही.

काजोल हिने अभिनयाच्या जोरावर चाहत्यांच्या मनावर आणि बॉलिवूडवर राज्य केलं. पण अभिनेत्रीला आजही तिच्या सावळ्या रंगामुळे ट्रोल केलं जातं. ज्यावर अभिनेत्रीने ट्रोल करणाऱ्यांना स्पष्ट शब्दात उत्तर दिलं आहे. सांगायचं झालं तर, काजोल सोशल मीडियावर कायम स्वतःचे फोटो आणि व्हिडीओ पोस्ट करत असते. अशात कमेंटकर अभिनेत्रीला अनेक जण ट्रोल करत असतात. ‘असं काय केलं, ज्यामुळे तू इतकी गोरी झालीस?’

एका मुलाखतीत काजोल हिने ट्रोलर्सना स्पष्ट शब्दात उत्तर दिलं. अभिनेत्री म्हणाली, ‘या सर्व गोष्टी आता सामान्य झाल्या आहेत आणि याचा मला काहीही फरक पडत नाही…’ त्वचा आणि रंगाबाबत प्रश्न विचारणाऱ्या लोकांना उत्तर देताना अभिनेत्री म्हणाली, तिने तिच्या त्वचेवर कोणतीही शस्त्रक्रिया केलेली नाही. आता ती फक्त सूर्यप्रकाशापासून दूर राहते. त्यामुळे स्किन टॅन होत नाहीत.

हे सुद्धा वाचा

रोड रोमियोंकडून छेडछाड, ऐश्वर्या राय सर्व महिलांना म्हणते, ‘माझं शरीर, माझी योग्यता…’

‘मुस्लिम मुलासोबत कधीच लग्न…’, दुसऱ्या लग्नासाठी सानिया मिर्झाला खास सल्ला

आमदाराच्या लेकीचा दिलखेच अंदाज, तिच्या ग्लॅमरपुढे बॉलिवूडच्या प्रसिद्ध अभिनेत्री फेल

नवऱ्याने फसवणूक केल्यानंतर कपूर कुटुंबाची सून म्हणते, ‘संसार केला फक्त मुलांसाठी कारण…’

पुढे काजोल म्हणाली, ‘स्किन व्हाइटनिंग सर्जरी नाही, फक्त घरात राहण्याची सर्जरी आहे…’ एवढंच नाही तर, एकदा काजोल सोशल मीडियावर एक फोटो पोस्ट करत म्हणाली, ‘त्या सर्वांसाठी जे मला कायम विचारत असतात इतकी गोरी कशी झाली…’ शिवाय अभिनेत्री #sunblocked #spfunbeatable या हॅशटॅगचा देखील वापर केला होता.

काजोल आता बॉलिवूडमध्ये सक्रिय नसली तरी कायम कोणत्या न कोणत्या कारणामुळे चर्चेत असते. अभिनेत्री सोशल मीडियावर देखील कायम सक्रिय असते. सोशल मीडियावर काजोल हिच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते.