Mahesh Babu: बॉलिवूडला मी परवडणार नाही म्हणणाऱ्या महेश बाबूने घेतली बिल गेट्सची भेट; पहा फोटो
महेश बाबूने या भेटीचा फोटो सोशल मीडियावर पोस्ट केला आहे. बिल गेट्स अत्यंत नम्र आणि प्रेरणादायी असल्याचं त्याने म्हटलंय. मे महिन्यापासून महेश बाबू त्याच्या कुटुंबीयांसोबत विविध ठिकाणी फिरायला जात आहे.
तेलुगू चित्रपटसृष्टीतील सुपरस्टार महेश बाबू (Mahesh Babu) सध्या पत्नी नम्रता शिरोडकरसोबत (Namrata Shirodkar) न्यूयॉर्कमध्ये सुट्ट्यांचा आनंद घेत आहे. नुकतंच या दोघांनी मायक्रोसॉफ्टचे सहसंस्थापक बिल गेट्स (Bill Gates) यांची भेटली. महेश बाबूने या भेटीचा फोटो सोशल मीडियावर पोस्ट केला आहे. बिल गेट्स अत्यंत नम्र आणि प्रेरणादायी असल्याचं त्याने म्हटलंय. मे महिन्यापासून महेश बाबू त्याच्या कुटुंबीयांसोबत विविध ठिकाणी फिरायला जात आहे. मुलगी सितारा आणि मुलगा गौतम यांच्यासोबत ते आधी युरोपला फिरत होते. नंतर अमेरिकेला गेले. आता न्यूयॉर्कमधील एका रेस्तराँमध्ये महेश आणि नम्रताची भेट बिल गेट्स यांच्याशी झाली. यावेळी दोघांनी त्यांच्यासोबतच्या फोटोची संधी सोडली नाही.
‘बिल गेट्स यांना भेटून आनंद झाला. या जगाने पाहिलेल्या महान दूरदर्शी व्यक्तींपैकी ते एक आहेत आणि तरीही ते सर्वात नम्र आहे. खरोखर एक प्रेरणादायी व्यक्तिमत्त्व,’ असं महेशने लिहिलं. याआधी महेशने सोशल मीडियावर नम्रतासोबतचेही काही रोमँटिक फोटो पोस्ट केले.
पहा फोटो-
View this post on Instagram
काही दिवसांपूर्वी महेश बाबू त्याच्या बॉलिवूड पदार्पणाविषयीच्या वक्तव्यामुळे चर्चेत आला होता. “बॉलिवूडला मी परवडू शकणार नाही”, असं त्याने म्हटलं होतं आणि त्याचं हे विधान चांगलंच चर्चेत आलं होतं. बॉलिवूडला कमी लेखल्याबद्दल त्याच्यावर टीकासुद्धा झाली होती. “हिंदी फिल्म इंडस्ट्रीला मी परवडू शकणार नाही, त्यामुळे हिंदी चित्रपटांवर मी माझा वेळ का वाया घालवू”, असं तो म्हणाला होता. महेशचा ‘सरकारू वारी पाटा’ हा चित्रपट काही दिवसांपूर्वीच प्रदर्शित जाला. या चित्रपटाने जगभरात 200 कोटींहून अधिकचा गल्ला जमवला आहे. यामध्ये त्याने किर्ती सुरेशसोबत भूमिका साकारली होती. किर्ती आणि महेशने पहिल्यांदाच एकत्र काम केलं.
