एक दिवस आधीच वडिलांना भेटली अन् आज… वडिलांच्या टोकाच्या निर्णयाने मलायका हादरली; काय घडलं होतं?

मलायका अरोरा हे कायमच चर्चेत राहणारे एक नाव आहे. मलायका अरोराची जबरदस्त अशी फॅन फॉलोइंग बघायला मिळते. विशेष म्हणजे गेल्या काही दिवसांपासून मलायका ही सतत विदेशात जाताना दिसत आहे. आता मलायका अरोरा हिच्यावर दु:खाचा डोंगर कोसळल्याचे बघायला मिळतंय. मलायका अरोरा हिच्या वडिलांनी राहत्या इमारतीच्या सहाव्या मजल्यावरून उडी घेत आत्महत्या केली. ज्यावेळी मलायका अरोरा हिच्या वडिलांनी आत्महत्या केला, त्यावेळी घरात तिची फक्त आईच होती. हैराण करणारे म्हणजे एक दिवस अगोदरच मलायका अरोरा ही तिच्या आई वडिलांना भेटण्यासाठी त्यांच्या घरी पोहोचली होती.

मलायका अरोरा ही अकरा वर्षांची असतानाच तिच्या आई वडिलांचा घटस्फोट झाला. मात्र, त्यानंतर तब्बल 39 वर्षांनंतर तिच्या आई वडिलांनी एकत्र राहण्यास सुरूवात केली. मलायकाच्या आई वडिलांनी बांद्रामध्ये एकत्र घर घेतले आणि तिथेच दोघे राहत होते. मात्र, अचानक मलायकाच्या वडिलांनी इतके मोठे पाऊल उचलले.

मलायका अरोरा हिने काही दिवसांपूर्वीच एक मुलाखत दिली. मलायका अरोरा हिने तिच्या मुलाखतीमध्ये तिच्या आई वडिलांच्या घटस्फोटाबद्दल मोठे भाष्य केले. मलायका अरोरा ही म्हणाली की, मी अकरा वर्षांची असतानाच माझ्या आई वडिलांचा घटस्फोट झाला. त्यांच्या घटस्फोटचा खूप वेगळा परिणाम माझ्यावर झाला.

पुढे मलायका अरोरा म्हणाली की, माझ्या आईनेच आमचा सांभाळ केला. माझ्या आई वडिलांच्या घटस्फोटानंतर मी खूप जास्त मजबूत बनले. मी जवळून बघितले आहे की, एखाद्या महिलेचा घटस्फोट झाल्यानंतर तिला काय काय गोष्टींना सामोरे जावे लागते, मलायका हिने पहिल्यांदाच तिच्या आई वडिलांच्या नात्यावर भाष्य केले होते.

मलायका अरोरा आणि तिची बहीण दोघीजणी आई वडिलांची भेट घेण्यासाठी कालच त्यांच्या घरी पोहोचल्या होत्या. मलायका ही आई वडिलांच्या घरी कायमच जात. कालच मलायका ही भेटीला गेली आणि आज तिच्या वडिलांनी आत्महत्येसारखे मोठे पाऊल उचलले. ज्यावेळी मलायका अरोरा हिच्या वडिलांनी आत्महत्या केली, त्यावेळी मलायका ही पुण्यात होती. वडिलांच्या आत्महत्येबद्दल कळताच तिने बांद्रा गाठला.