Love Life | ‘या’ पुरुषासाठी ऐश्वर्या राय – मनीषा कोईराला यांच्यामध्ये वाद; ‘लव्ह अफेअर’मधील बिगफाइट !
Love Life | जेव्हा ऐश्वर्या राय - मनीषा कोईराला यांच्यातील भांडणं चव्हाट्यावर आली; ‘प्रत्येक महिन्यात वेगळ्या पुरुषासोबत…’ऐश्वर्या हिने मनीषा हिच्यावर केले गंभीर आरोप
मुंबई : 6 सप्टेंबर 2023 | इंडस्ट्रीमध्ये कायम चर्चेत असणारा विषय म्हणजे सेलिब्रिटींची अफेअर… प्रेम प्रकरणांमुळे अनेक सेलिब्रिटींमध्ये खटके उडाले. ज्यानंतर सेलिब्रिटी कधीही एकमेकांसोबत दिसले नाहीत. पण त्यांच्यातील वाद आजही चाहत्यांमध्ये चर्चेत असतात. अभिनेत्री ऐश्वर्या राय आणि अभिनेत्री मनीषा कोईराला यांच्यामध्ये देखील वाद आहेत. एका पुरुषामुळे ऐश्वर्या राय – मनीषा कोईराला यांच्यातील नात्यात कटूता आली. आज ऐश्वर्या पती अभिषेक बच्चन आणि मुलगी आराध्या बच्चन यांच्यासोबत आनंदी आहे. पण एक काळ असा होता जेव्हा एकाच पुरुषाच्या प्रेमात ऐश्वर्या राय – मनीषा कोईराला दोघी असल्याच्या चर्चांना उधाण आलं. यावर ऐश्वर्या राय – मनीषा कोईराला यांनी वक्तव्य देखील केलं होतं.
ऐश्वर्या आज अभिषेक बच्चन याच्यासोबत वैवाहित जीवनाचा आनंद घेत असली तरी, अभिनेत्री तिच्या अफेअर्समुळे कायम चर्चत असते. पण अभिषेक याच्यासोबत लग्न करण्याआधी अभिनेत्रीने अभिनेता सलमान खान आणि विवेक ओबेरॉय याला देखील डेट केलं आहे. दोघांसोबत देखील अभिनेत्रीचं नातं लग्नापर्यंत पोहोचलं नाही. (Aishwarya Rai Manisha Koirala Fight)
दरम्यान, करियरच्या सुरुवातीच्या दिवसांमध्ये ऐश्वर्या एका व्यक्तीसोबत रिलेशनशिपमध्ये होती. रिपोर्टनुसार, एक काळ होता, जेव्हा ऐश्वर्या एका प्रसिद्ध मॉडेलला डेट करत होती. त्याचं नाव आहे राजीव मूलचंदानी… राजीव आणि ऐश्वर्या यांच्या नात्याचा खुलासा खुद्द अभिनेत्री मनीषा कोईराला हिने एका मुलाखतीत केला होता.
सांगायचं झालं तर, राजीव मूलचंदानी याला मनीषा हिने डेट केलं आहे. मनीषा हिने राजीव मूलचंदानी याच्यासोबत असलेल्या नात्याची कबुली देखील दिली आहे. पण ऐश्वर्या हिने कधीही राजीव मूलचंदानी याच्यासोबत असलेल्या नात्याचा स्वीकार केला नाही. यामुळे ऐश्वर्या राय – मनीषा कोईराला वाद देखील झाले होते.
‘ऐश्वर्या हिला सोडून राजीव याने माझी निवड केली.’ असं मनीष म्हणाली होती. यावर सडेतोड उत्तर देत ऐश्वर्याने राजीव मूलचंदानी याच्यासोबत असलेल्या नात्याला मैत्रीचं नाव दिलं. एवढंच नाही तर, ‘प्रत्येक महिन्यात वेगळ्या पुरुषासोबत दिसते..’ असं वक्तव्य करत ऐश्वर्याने मनीषा हिच्यावर निशाणा साधला..
मनीषा हिच्याबद्दल सांगायचं झालं तर, अभिनेत्री आज सर्वकाही असूनही एकटं आयुष्य जगत आहे. मनीषा हिचं नाव एक दोन नाही तर, तब्बल १२ सेलिब्रिटींसोबत जोडण्यात आलं. पण कोणासोबतही आभिनेत्रीचं नातं लग्नापर्यंत पोहोचलं नाही. अभिनेत्रीने उद्योजकासोबत लग्न केलं, पण अभिनेत्रीचा दोन वर्षांत घटस्फोट झाला.
