Sarsenapati Hambirrao: जणू सह्याद्रीचा कडा, श्वास रोखुनी खडा; ‘सरसेनापती हंबीरराव’चा अंगावर काटा आणणारा ट्रेलर
प्रवीण तरडेंनीच (Pravin Tarde) चित्रपटाची कथा, पटकथा आणि संवाद लिहिले आहेत. त्याचसोबत त्यांनी दिग्दर्शनाचीही जबाबदारी सांभाळली आहे. या चित्रपटात अभिनेता गश्मीर महाजनी हा छत्रपती शिवाजी महाराजांच्या भूमिकेत दिसणार आहे.
‘महाराजांचं स्वराज्य अठरा पगड जातीजमातींनी मिळून उभं केलं. हिंदवी स्वराज्यासाठी जो मरणासमोर हटून उभा राहिला तो मरहट्टा.. वीर मराठा..’, असं म्हणत गेल्या वर्षी ‘सरसेनापती हंबीरराव’ (Sarsenapati Hambirrao) या ऐतिहासिक मराठी चित्रपटाचा टीझर प्रदर्शित झाला. चित्रपटाच्या जबरदस्त टीझरने प्रेक्षकांची उत्सुकता वाढवली. आता या चित्रपटाचा अंगावर काटा आणणारा ट्रेलर प्रेक्षकांच्या भेटीला आला आहे. या चित्रपटाच्या निमित्ताने मराठ्यांच्या इतिहासातील एक सोनेरी पान उलगडणार आहे. लेखक, दिग्दर्शक, अभिनेते प्रवीण तरडे (Pravin Tarde) हे ‘सरसेनापती हंबीरराव’ यांची भूमिका साकारत आहेत. येत्या 27 मे रोजी हा चित्रपट प्रेक्षकांच्या भेटीला येणार आहे. (Marathi Movie)
हा मराठीतला बिग बजेट चित्रपट असेल, असं प्रवीण तरडेंनी म्हटलं होतं. चित्रपटाच्या ट्रेलरमध्ये जबरदस्त ग्राफिक्स आणि व्हिज्युअल इफेक्ट्सची झलक पहायला मिळते. प्रवीण तरडेंच्या पत्नीनेही यात महत्त्वपूर्ण भूमिका साकारली आहे. ट्रेलरमधील दमदार संवादही विशेष लक्ष वेधून घेतात. गेल्या दोन वर्षांपासून या चित्रपटाची प्रतीक्षा प्रेक्षक करत आहेत. लॉकडाउनमुळे चित्रपटाच्या शूटिंगमध्ये बरेच अडथळे आले होते. त्यामुळे प्रदर्शनालाही विलंब झाला. मात्र अखेर हा चित्रपट प्रदर्शनासाठी सज्ज झाला आहे.
पहा ट्रेलर-
पहा टीझर-
प्रवीण तरडेंनीच चित्रपटाची कथा, पटकथा आणि संवाद लिहिले आहेत. त्याचसोबत त्यांनी दिग्दर्शनाचीही जबाबदारी सांभाळली आहे. या चित्रपटात अभिनेता गश्मीर महाजनी हा छत्रपती शिवाजी महाराजांच्या भूमिकेत दिसणार आहे. हंबीरराव मोहिते हे छत्रपती शिवाजी महाराज आणि छत्रपती संभाजी महाराज यांचे सेनापती होते. चाणाक्ष बुद्धिमत्तेच्या जोरावर त्यांनी स्वराज्याला श्रीमंती मिळवून देण्यास मोठी मदत केली होती. या चित्रपटात हंबीररावांच्या नजरेतून मराठा साम्राज्य प्रेक्षकांच्या पहायला मिळणार आहे.
