प्रियांका चोप्रा लेकीसह पोहोचली सिद्धिविनायक मंदिरात; शेअर केले बाप्पाचं दर्शन घेतानाचे खास फोटो
मालतीला तू लहानपणापासूनच भारतीय संस्कृतीविषयी शिकवताना पाहून खूप चांगलं वाटतंय. आपल्या संस्कृतीचं महत्त्व तुझ्या फॉलोअर्ससोबत शेअर केल्याबद्दल धन्यवाद, असे कमेंट्स नेटकऱ्यांनी या फोटोवर दिले आहेत.
बॉलिवूडची 'देसी गर्ल' अर्थात अभिनेत्री प्रियांका चोप्रा पती निक जोनास आणि मुलगी मालतीसोबत अमेरिकेहून भारतात आली. निकसोबत ती मुकेश आणि नीता अंबानी यांच्या कार्यक्रमात सहभागी झाली. त्यानंतर मुलीसोबत नुकतीच ती सिद्धिविनायक मंदिरात पोहोचली.
'मालती मेरीची भारताची पहिली ट्रिप सिद्धिविनायकाच्या आशीर्वादाशिवाय पूर्ण होऊ शकत नाही', असं कॅप्शन देत तिने दर्शन घेतानाचे फोटो इन्स्टाग्रामवर पोस्ट केले आहेत. प्रियांका आणि मालतीच्या या फोटोंवर चाहत्यांकडून लाइक्स आणि कमेंट्सचा वर्षाव होतोय.
मालतीला तू लहानपणापासूनच भारतीय संस्कृतीविषयी शिकवताना पाहून खूप चांगलं वाटतंय. आपल्या संस्कृतीचं महत्त्व तुझ्या फॉलोअर्ससोबत शेअर केल्याबद्दल धन्यवाद, असे कमेंट्स नेटकऱ्यांनी या फोटोवर दिले आहेत.
प्रियांकाने 2018 मध्ये निक जोनासशी लग्न केलं. गेल्या वर्षी जानेवारीमध्ये प्रियांका आणि निक सरोगसीच्या माध्यमातून आई-बाबा झाले.
मुंबईत आल्यानंतर प्रियांकाने निकसोबतच्या 'डेट नाईट'चेही फोटो पोस्ट केले.