आलियाने गुड न्यूज देताच राखी सावंतने अनोख्या अंदाजात साजरा केला जल्लोष

मुंबई- अभिनेता रणबीर कपूर आणि आलिया भट्ट हे आई-बाबा झाले आहेत. आज (6 नोव्हेंबर) आलियाने गोंडस मुलीला जन्म दिला. ही गुड न्यूज मिळताच सर्वसामान्यांसोबतच सेलिब्रिटींनीही आलिया-रणबीरवर शुभेच्छांचा वर्षाव केला आहे. अशातच ड्रामा क्वीन राखी सावंत कशी मागे राहणार? राखीनेही तिच्या अनोख्या अंदाजात रणबीर-आलियाला शुभेच्छा दिल्या आहेत. तिचा हा मजेशीर व्हिडीओ सोशल मीडियावर व्हायरल होत आहे.

रविवारी सकाळी आलियाला मुंबईतील एच. एन. रिलायन्स रुग्णालयात दाखल करण्यात आलं. त्याच्या काही तासांतच तिने मुलीला जन्म दिल्याची गोड बातमी कळाली. आलियानेही सोशल मीडियावर पोस्ट लिहित चाहत्यांना ही आनंदाची बातमी सांगितली.

हे सुद्धा वाचा

Kantara: बॉलिवूडच्या तिन्ही चित्रपटांच्या एकत्रित कमाईपेक्षा ‘कांतारा’ची कमाई अधिक

Alia Bhatt: मुलीचं नाव ‘हे’ ठेवून आलिया भट्ट पूर्ण करणार का शोमध्ये दिलेलं वचन?

आलियाला मुलगी होताच रणबीरचा ‘तो’ खास व्हिडीओ होतोय व्हायरल

कथित बॉयफ्रेंड ओरहानविषयी अखेर जान्हवी कपूरने सोडलं मौन; म्हणाली..

राखी सावंतनेही जल्लोष साजरा केला. पापाराझींसोबत बोलताना तिने ताट आणि चमचा वाजवत गाण गायलं. इतकंच नव्हे तर तिचा बॉयफ्रेंड आदिलनेही पापाराझींमध्ये मिठाई वाटत रणबीर-आलियाला शुभेच्छा दिल्या.

View this post on Instagram

A post shared by Viral Bhayani (@viralbhayani)

“घरात लक्ष्मी आली, आलियाला मुलगी झाली. ज्या दिवसाची प्रतीक्षा होती, अखेर तो दिवस उजाडला आहे. आलियाने गोंडस परीला जन्म दिला आहे. नीतू जी आणि संपूर्ण कपूर कुटुंबीयांना शुभेच्छा”, अशा शब्दांत राखीने आनंद व्यक्त केला.

या वर्षी एप्रिल महिन्यात रणबीर-आलियाने लग्नगाठ बांधली. त्यानंतर जून महिन्यात आलियाने गरोदर असल्याचं जाहीर केलं होतं. गरोदरपणात आलियाने ‘ब्रह्मास्त्र’ या चित्रपटाचं जोरदार प्रमोशन केलं. ‘ब्रह्मास्त्र’ या चित्रपटाच्या सेटवरच रणबीर-आलिया एकमेकांच्या प्रेमात पडले होते. जवळपास पाच-सहा वर्षे एकमेकांना डेट केल्यानंतर त्यांनी लग्नाचा निर्णय घेतला.