राखी सावंतची प्रकृती सर्जरीनंतर खालावली, पहिल्या पतीचा धक्कादायक दावा
Rakhi Sawant : सर्जरी झाल्यानंतर देखील खालावली राखी सावंतची प्रकृती, सर्जरी करून काढण्यात आलेला ट्यूमर तपासणीसाठी पाठवण्यात आलाय..., चाहत्यांनी देखील व्यक्त केली चिंता, रितेश याने दिली मोठी माहिती
बॉलिवूडची ड्रामा क्वीन गेल्या काही दिवसांपासून प्रकृतीमुळे चर्चेत आहे. राखीवर सध्या रुग्णालयात उपचार सुरु आहेत. नुकताच राखीचं ऑपरेशन झालं आहे. राखीच्या यूट्रसमध्ये ट्यूमर होता, तो सर्जरी करून काढण्यात आला आहे. सर्जरी करून काढण्यात आलेला ट्यूमर आता तपासणीसाठी पाठवण्यात आलं आहे. राखीचं तब्बल तीन तास ऑपरेशन सुरु होतं. राखीचं ऑपरेश यशस्वी झालं आहे. पण अद्याप संकट टळलेलं नाही… असं वक्तव्य राखी सावंतच्या पहिल्या पतीने केलं आहे. काही महिने राखीला बेडरेडस्ट करायला सांगितलं आहे. एवढंच नाहीतर, आणखी 15 दिवस राखी डॉक्टरांच्या निगराणीखाली असणार आहे.
राखीचा पहिला पती रितेशने दिलेल्या माहिती नुसार, ‘ट्यूमर तपासणीसाठी पाठवण्यात आला आहे. कॅन्सरचा ट्यूमर असेल तर, किमो आणि अन्य उपचार सुरु करावे लागतील. कॅन्सरचं निदान व्हायला नको म्हणून आम्ही सगळे प्रार्थना करत आहोत. जर कॅन्सरचं निदान झालं तर, राखीला उपचारासाठी परदेशात घेऊन जाणार… राखीची मी एक पती म्हणून नाहीतर, मित्र म्हणून काळजी घेईल…’ सध्या सर्वत्र राखीच्या प्रकृतीची चर्चा होत आहे.
View this post on Instagram
राखीला मिळत आहे जीवेमारण्याची धमकी…
राखीला जीवेमारण्याची धमकी मिळत असल्याचा दावा देखील रितेश याने केला आहे. राखीला सतत जीवेमारण्याची धमकी मिळत आहे. राखीसोबत मला देखील जीवेमारण्याची धमकी मिळत आहे. पोलीस सध्या याप्रकरणी चौकशी करत आहेत. धक्कादायक गोष्ट म्हणजे रितेशने आदिल खानवर आरोप लावले आहेत.
आदिलचं नाव न घेत रितेश म्हणाला, ‘मला माहिती आणि आमचा शत्रू कोण आहे. जेव्हा माझ्याकडे पुरावे असतील तेव्हा मी त्या व्यक्तीबद्दल बोलेल.’ गेल्या काही दिवसांपासून राखी तिच्या खासगी आयुष्यामुळे तुफान चर्चेत आली आहे. सोशल मीडियावर देखील राखीचे अनेक फोटो आणि व्हिडीओ व्हायरल होत आहेत.
राखीच्या प्रकृतीबद्दल सांगायचं झालं तर, 15 मे रोजी राखी हिच्या छातीत त्रास होऊ लागल्यामुळे अभिनेत्रीला रुग्णालयात दाखल करण्यात आलं. राखी हिला रुग्णालयात दाखल करण्यात आलं तेव्हा तिचा पहिला पती रितेश देखील तिच्यासोबत होता. रितेश गेल्या काही दिवसांपासून राखीची काळजी घेताना दिसत आहे.
