Bigg Boss 16: अर्चना गौतममुळे सलमानचा पारा चढला; थेट शोमधून काढणार बाहेर?
'बिग बॉस'च्या स्पर्धकांवर चिडला सलमान; अर्चना गौतमच्या वागणुकीनंतर घेणार मोठा निर्णय?
मुंबई: ‘बिग बॉस 16’ हा शो सध्या चांगलाच गाजतोय. या आठवड्यात एकीकडे अर्चना गौतम आणि विकास मानकतला यांच्यात जोरदार भांडण झालं. तर दुसरीकडे सौंदर्या शर्मा आणि श्रीजिता डे यांनी लिपलॉक केल्याचं पहायला मिळालं. बिग बॉसच्या घरातील स्पर्धक दर आठवड्याला असं काही करतात, ज्यामुळे वीकेंड का वार एपिसोडमध्ये त्यांना सलमान खानचा ओरडा खावा लागतो. या आठवड्यात सलमान हा अर्चना गौतमची चांगलीच शाळा घेणार आहे.
अर्चनावर भडकला सलमान
‘वीकेंड का वार’ या एपिसोडचा प्रोमो सोशल मीडियावर शेअर करण्यात आला आहे. यामध्ये सलमान अर्चनावर खूप भडकला आहे. “तू भांडणात थेट आई-वडिलांवर जातेस”, असं सलमान तिला म्हणतो. त्यावर अर्चना म्हणते, “हे सर्वजण माझ्या मागे लागतात.” अर्चनाला सुनावताना सलमान पुढे म्हणतो, “याच गोष्टींमुळे तुझ्या प्रतिमेच्या चिंधड्या उडाल्या आहेत. सर्वांच्या विरोधात जाऊन जर मी तुला पुन्हा बिग बॉसच्या घरात आणू शकतो, तर तुला घराबाहेर काढण्याचीही ताकद माझ्याकडे आहे.”
अर्चना गौतम आणि विकास मानकतला या दोघांमध्ये जोरदार भांडण झालं होतं. अर्चना किचनमध्ये काम करत असताना विकास तिथे चहा बनवण्यासाठी येतो. या दोघांमध्ये वादाला सुरुवात होते. हे भांडण अखेर हाणामारीवर येऊन पोहोचतं. त्यानंतर अर्चना रागाच्या भरात त्याच्यावर पाणी फेकते. तिथे जवळच प्रियांका चौधरी उभी असते. या घटनेत कोणालाही दुखापत होऊ शकली असती.
Salman in previous episodes :- na @BiggBoss or nahi me aapko bahar nikal sakte, sirf janta nikal sakti
Salman in promo :- me aapko bahar nikalne ki taqat rakhta hu??
Audience be like- ham kya samje??#ArchanaGautam #BiggBoss16 #Bb16 @EndemolShineIND courtesy – @ColorsTV pic.twitter.com/eHAfqFQF2Y
— ?️rchu Updates ? (@Tur_Tur092) December 29, 2022
वीकेंड का वार एपिसोडमध्ये सलमान हा निम्रत कौरलाही समजावताना दिसतो. अब्दु जेव्हापासून पुन्हा बिग बॉस घरात आला आहे, तेव्हापासून तो निम्रत आणि साजिद खान यांच्यापासून लांबच राहतोय. यामुळे निम्रत नाराज असते. त्यामुळे वीकेंडच्या एपिसोडमध्ये सलमान निम्रतची तुलना सुम्बुलशी करताना दिसतो.
निम्रत कौर आणि अर्चना गौतमशिवाय सलमान या आठवड्यात शालीन भनोटवरही भडकतो. हा प्रोमो पाहिल्यानंतर सलमान अर्चनाला बिग बॉसच्या घराबाहेर काढणार का, असा प्रश्न चाहत्यांमध्ये उपस्थित झाला आहे.
