सलमान खान याच्या एक्स गर्लफ्रेंडचं घटस्फोटाबद्दल मोठं वक्तव्य, ‘जग बदललं आहे, त्यामुळे…’

अभिनेता सलमान खान याने आतापर्यंत अनेक अभिनेत्रींना डेट केलं आहे. पण वयाच्या 58 व्या वर्षी देखील अभिनेत्री एकटात आयुष्य जगत आहे. सांगायचं झालं, सलमान खान याच्या एक्स गर्लफ्रेंड कायम कोणत्या न कोणत्या कारणामुळे चर्चेत असतात. आता भाईजानची एक्स गर्लफ्रेंड आणि अभिनेत्री सोमी अली हिने वाढणाऱ्या घटस्फोटांबद्दल मोठं वक्तव्य केलं आहे. दरम्यान, अभिनेत्री झीनत अमान यांनी लग्नाआधी तरुणांना लिव्हइन रिलेशनशिपमध्ये राहण्याचा सल्ला दिला होता. यावर सोमी अली हिने झीनत अमान यांचं समर्थन केलं आहे.

सोमी अली म्हणाली, ‘जेव्हा मी विद्याचलमधील माऊंट मेरी येथे राहत होतो, तेव्हा झीनत माझ्या शेजारी होत्या. जॅकी श्रॉफ आणि आयेशाही शेजारी राहत होते. तेव्हा शुटिंगसाठी जात असताना आमची भेट व्हायची. नुकताच झीनत यांना अनेकांनी ट्रोल केलं. कारण त्यांनी लग्नाआधी तरुणांना लिव्हइन रिलेशनशिपमध्ये राहण्याचा सल्ला दिला होता.’

‘माझा लिव्हइन रिलेशनशिपसाठी विरोध नाही. 100 टक्के मी झीनत यांनी दिलेल्या सल्ल्याचं समर्थन करते. कारण जेव्हा तुम्ही लिव्हइन रिलेशनशिप राहाता तेव्हा तुम्ही एकमेकांना ओळखू लागता. प्रत्येकाची स्वतःची वैशिष्ट्ये आहेत. एखाद्या व्यक्तीला तुम्हाला आवडणाऱ्या किंवा न आवडणाऱ्या सवयी असू शकतात. तुम्ही एकमेकांच्या आवडी – निवडी जाणून घेऊ शकता…’

हे सुद्धा वाचा

‘या’ अभिनेत्रींनी मोडला श्रीमंत पुरुषांचा संसार, त्यानंतर केलं लग्न, एकीची सवत तर प्रसिद्ध अभिनेत्री

Amitabh Bachchan : विवाहित असतानाही ‘या’ अभिनेत्यासोबत होतं अमिताभ बच्चन यांच्या लेकीचं अफेअर!

घटस्फोटानंतर अभिनेत्रीचं दुसरं लग्न, सावत्र मुलगीच नाहीतर, स्वतःचा मुलगाही नाही म्हणत आई, कारण…

मैं सस्ता दिखता है क्या?, ऑरी याची मिनिटांची कमाई लाखोंमध्ये, इनकम सोर्स जाणून भारतीच्या भुवया उंचावल्या

‘तरुणांनी लिव्हइन रिलेशनशिपमध्ये राहिल्यानंतर लग्नाचा निर्णय घ्यायला हवा. कारण त्यामुळे दिवसागणिक वाढत असलेला घटस्फोटाचा दर कमी होण्यास मदत होऊ शकते. सध्याच्या घडीला भारत, पाकिस्तान आणि अन्य देशांमध्ये घटस्फोटाचा दर वाढत आहे..

‘झीनत उच्च शिक्षित आणि स्पष्ट मत मांडणाऱ्या महिलांपैकी एक आहेत. त्यांनी दिलेल्या सल्ल्याचा नकार करणाऱ्यांना मला एक गोष्ट सांगायची आहे. आपण आता 2024 मध्ये जगत आहोत, 1950 मध्ये नाही. आता जग बदललं आहे. एक महिला लिव्हइन रिलेशनशिपमध्ये राहू शकते…’ असं देखील सोमी अली म्हणाली.

काय म्हणाल्या होत्या झीनत अमान?

झीनत अमान म्हणाल्या होत्या, ‘माझं वैयक्तिक मत आहे की, जर तुम्ही एखाद्या नात्यात असाल तर मी असा सल्ला देईन की लग्न करण्यापूर्वी तुम्ही लिव्ह इन रिलेशनशिपमध्ये राहा. मी माझ्या मुलांनाही हाच सल्ला दिला होचा. तेही लिव्ह इनमध्ये रहात होते / रहात आहेत. तुमचं एकमेकांशी जुळतं का, ताळमेळ आहे का ? या सगळ्या गोष्टी फार महत्त्वाच्या आहेत. पण भारतात ‘लिव्ह इन रिलेशनला’ पाप मानले जातं..’ असं देखील झीनत म्हणाल्या होत्या.