सलमानच्या कडेकर असलेल्या या मुलाला ओळखलंत का? ‘भाईजान’च्याच अभिनेत्रीला करतोय डेट
सलमान खानने बॉलिवूड इंडस्ट्रीत अनेकांना लाँच केलं. फोटोत दिसणाऱ्या या चिमुकल्या मुलालाही सलमानने इंडस्ट्रीत संधी दिली. मात्र पहिल्या चित्रपटातून तो स्वत:ची विशेष छाप सोडू शकला नाही. हा अभिनेता सध्या सलमानच्याच एका अभिनेत्रीला डेट करतोय.
बॉलिवूडचा ‘भाईजान’ अर्थात अभिनेता सलमान खान हा इंडस्ट्रीतील अनेकांसाठी गॉडफादर ठरला आहे. सलमानने अनेक अभिनेते आणि अभिनेत्रींना बॉलिवूडमध्ये लाँच केलंय. यात काही कलाकार असेही आहेत, जे अगदी लहानपणापासून सलमानला ओळखतात. त्याच्या अंगाखांद्यावर ते खेळले आणि सलमानने त्यांना इंडस्ट्रीत लाँच केल्यानंतर ते प्रसिद्ध अभिनेते बनले आहेत. अशाच एका कलाकाराचा फोटो सोशल मीडियावर पहायला मिळत आहे. या फोटोमध्ये सलमानच्या कडेवर असलेल्या या चिमुकल्या मुलाला ओळखणं कठीणच आहे. खुद्द सलमानने हा फोटो त्याच्या एक्स (ट्विटर) अकाऊंटवर पोस्ट केला होता.
झहीरला बॉलिवूडमध्ये लाँच करण्यापूर्वी 2018 मध्ये सलमानने हा फोटो पोस्ट केला होता. मुलासोबतचा हा फोटो पोस्ट करत सलमानने लिहिलं होतं, ‘या मुलाला उद्या लाँच करणार आहोत. उद्या पाहुयात हा मुलगा आज कसा दिसतो ते.’ फोटोत सलमानच्या कडेवर असलेला हा मुलगा ‘दबंग’मधील अभिनेत्री सोनाक्षी सिन्हाला डेट करतोय. या मुलाचं नाव झहीर इक्बाल असं आहे. ‘नोटबुक’मध्ये त्याने भूमिका साकारली होती. मोहनिश बहल यांची मुलगी प्रनुतन बहलसोबत तो झळकला होता.
Being Launched Tomorrow … KAL dekhte hai yeh ladka AAJ kaise dikhta hai … pic.twitter.com/2VpmWvD9J8
— Salman Khan (@BeingSalmanKhan) May 30, 2018
अभिनेता झहीर इक्वाल रतन्सी त्याच्या रिलेशनशिप स्टेटसमुळेही चर्चेत आला होता. अभिनेत्री सोनाक्षी सिन्हाला तो डेट करत असल्याच्या चर्चा होत्या. 2022 मध्ये तिच्या वाढदिवसानिमित्त पोस्ट लिहून त्याने चर्चांवर शिक्कामोर्तब केला होता. झहीर 35 वर्षांचा असून त्याच्या कुटुंबीयांचा दागिन्यांचा व्यवसाय आहे. इक्बाल रतन्सी यांचा तो मुलगा आहे. इक्बाल हे अभिनेता सलमान खानचे खास मित्र आहेत. तर इक्बाल यांचा भाऊ सनम रतन्सी हे बॉलिवूडमधील प्रसिद्ध सेलिब्रिटी स्टायलिस्ट आहेत. अगदी लहानपणापासून झहीर सलमानचा चाहता आहे आणि त्यालाच तो मार्गदर्शक म्हणतो. सलमानची बहीण अर्पिता खानसोबत त्याने शालेय शिक्षण पूर्ण केलं.
View this post on Instagram
सलमाननेच झहीरला बॉलिवूडमध्ये लाँच केलं. 2019 मध्ये ‘नोटबुक’ या चित्रपटातून त्याने मोठ्या पडद्यावर पदार्पण केलं. यामध्ये अभिनेते मोहनिश बहल यांची मुलगी प्रनुतन बहल हिने झहीरसोबत मुख्य भूमिका साकारली होती. ‘नोटबुक’ या चित्रपटाची निर्मिती सलमान खानने केली होती. मात्र बॉक्स ऑफिसवर त्याला फारसं यश मिळालं नाही. सोनाक्षीच्या आधी झहीरचं नाव दीक्षा सेठ आणि सना सईद या अभिनेत्रींशी जोडलं गेलं होतं.
