सोनाक्षी सिन्हाचा होणारा नवरा झहीरचं सलमान खान सोबत खास कनेक्शन
Sonakshi Sinha Marriage | सोनाक्षी सिन्हा हिचं लग्न... कोण आहे सोनाक्षी सिन्हा हिचा होणारा नवरा झहीर इक्बाल? अभिनेता सलमान खान याच्यासोबत खास कनेक्शन..., सध्या सर्वत्र फक्त आणि फक्त सोनाही - झहीर यांच्या लग्नाची चर्चा... पण कुटुंबियांकडून समोर येतेय नाराजी?
अभिनेत्री सोनाक्षी सिन्हा गेल्या काही दिवसांपासून खासगी आयुष्यामुळे चर्चेत आहे. 23 जून रोजी अभिनेत्री बॉयफ्रेंड झहीर इक्बाल याच्यासोबत लग्न करणार असल्याच्या चर्चांनी जोर धरला आहे. रिपोर्ट्सनुसार, लग्नाच्या पाहुण्यांच्या यादीत जवळचे मित्र, कुटुंब आणि हीरामंडीच्या संपूर्ण टीमला निमंत्रण पाठवण्यात आलं आहे. दोघांच्या लग्नाची पत्रिका एका मॅगझीनच्या मुखपृष्ठासारखी आहे. पत्रिकेत सुरुवातील अफवा खऱ्या आहेतय… असं लिहिल्याची माहिती समोर येत आहे.
कोण आहे अभिनेत्रीचा होणार पती झहीर इक्बाल
झहीर इक्बाल याचा जन्म 10 डिसेंबर 1988 मध्ये झाला आहे. त्याचं पूर्ण नाव झहीर इक्बाल रतनसी अलं आहे. झहीर याने मुंबई स्कॉटिश स्कूलमधून शिक्षण पूर्ण केलं आहे. ज्वेलर्स कुटुंबातून आलेले, त्याचे वडील इक्बाल रतनसी ज्वेलर्स आणि व्यापारी आहेत.
View this post on Instagram
झहीर इक्बाल याच्या कुटुंबातं सवमान खान याच्यासोबत फार जवळचं नातं आहे. झहीरची आई गृहिणी आहे, त्याची बहीण एक सेलिब्रिटी स्टायलिस्ट आहे आणि त्याचा धाकटा भाऊ कंप्यूटर इंजीनियर म्हणून काम करतो. सध्या सर्वत्र झहीर याची चर्चा रंगली आहे.
View this post on Instagram
झहीर याच्या सिनेमांबद्दल सांगायचं झालं तर, अभिनेत्याने सलमान निर्मित ‘नोटबूक’ सिनेमातून बॉलिवूडमध्ये पदार्पण केलं. सिनेमात झहीर याच्यासोबत दिवंगत दिग्गज अभिनेत्री नूतन यांची नात प्रनूतन हिने मुख्य भूमिका साकारली होती.
रिपोर्टनुसार, सलमान खान याच्यामुळे झहीर आणि सोनाक्षी यांची ओळख झाली. अखेर पहिल्या ओळखीचं रुपांतर मैत्रीत आणि कालांतराने प्रेमात झालं. दोघांनी ‘डबल एक्सएल’ सिनेमात देखील महत्त्वाची भूमिका साकारली होती. सिनेमात दोघांसोबत अभिनेत्री हुमा कुरेशी देखील होती.
सांगायचं झालं तर, सोनाक्षी हिला डेट करण्यापूर्वी झहीर याने दोन अभिनेत्रींना डेट केलं आहे. अभिनेत्री दिक्षा सेठ आणि सनी सईद दोघींना झहीर याने डेट केलं आहे. आता अभिनेत्री सोनाक्षी सिन्हा हिच्यासोबत लग्न करणार असल्याची माहिती मिळत आहे. पण अभिनेत्रीच्या कुटुंबियांमध्ये लग्नाबद्दल नाराजी असल्याचं चित्र दिसून येत आहे.
