कपिल शर्माच्या शोमधून सुमोना चक्रवर्तीला काढून टाकलं होतं? अभिनेत्रीने सांगितलं सत्य
'द कपिल शर्मा शो'मध्ये कपिलच्या पत्नीच्या भूमिकेत दिसणारी अभिनेत्री सुमोना चक्रवर्ती अचानक शोमधून गायब झाल्याने विविध चर्चांना उधाण आलं होतं. कपिलने तिला शोमधून काढून टाकल्याच्याही चर्चा होत्या. त्यावर अखेर तिने मौन सोडलं आहे.
![कपिल शर्माच्या शोमधून सुमोना चक्रवर्तीला काढून टाकलं होतं? अभिनेत्रीने सांगितलं सत्य कपिल शर्माच्या शोमधून सुमोना चक्रवर्तीला काढून टाकलं होतं? अभिनेत्रीने सांगितलं सत्य](https://images.tv9marathi.com/wp-content/uploads/2024/07/sumona-chakravarti.jpg?w=1280)
अभिनेत्री सुमोना चक्रवर्तीला ‘द कपिल शर्मा शो’मुळे बरीच लोकप्रियता मिळाली. या शोमध्ये ती कॉमेडियन कपिल शर्माच्या पत्नीच्या भूमिकेत दिसली होती. मात्र नंतर तिने हा शो सोडला होता. मध्यंतरीच्या काळात सुमोनाविषयी अशा चर्चा होत्या की तिला ‘द कपिल शर्मा शो’मधून काढून टाकण्यात आलं होतं. या चर्चांवर अखेर सुमोनाने मौन सोडलं आहे. नुकत्याच दिलेल्या एका मुलाखतीत ती याविषयी मोकळेपणे व्यक्त झाली. त्याचसोबत तिने कपिलच्या नेटफ्लिक्सवरील नव्या शोबद्दलही तिने प्रतिक्रिया दिली आहे.
‘न्यूज 18’ला दिलेल्या मुलाखतीत सुमोना म्हणाली, “हे फारच विचित्र आहे. कारण काही दिवसांपूर्वीच मी एक मुलाखत दिली होती आणि त्यात या चर्चांच्या उलट मी सगळं काही म्हटलं होतं. पण दोन दिवसांनंतर दुसऱ्या मीडिया हाऊसने माझ्याबद्दल वेगळंच काहीतरी लिहिलं होतं. त्यावेळी मी काहीच बोलू शकले नाही, कारण तेव्हा मी रोमानियामध्ये होते.” कपिलच्या शोमधील सुमोनाच्या भूमिकेला प्रेक्षकांचा चांगला प्रतिसाद मिळत होता. मात्र तरीही तिला शोमधून का काढण्यात आलं, असे प्रश्न चाहत्यांच्या मनात उपस्थित झाले होते. मात्र स्वत:हूनच शोमधून बाहेर पडल्याचं सुमोनाने स्पष्ट केलं.
![Image](https://images.tv9marathi.com/wp-content/uploads/2024/07/Raqesh-Bapat-and-Vallari-Londhe.jpg)
![Image](https://images.tv9marathi.com/wp-content/uploads/2024/07/Shiv-Thakare.jpg)
![Image](https://images.tv9marathi.com/wp-content/uploads/2024/07/Payal-and-Armaan-Malik.jpg)
![Image](https://images.tv9marathi.com/wp-content/uploads/2024/07/Jaya-and-Aishwarya-Bachchan.jpg)
View this post on Instagram
याच वर्षी नेटफ्लिक्स या ओटीटी प्लॅटफॉर्मवर ‘द ग्रेट इंडियन कपिल शो’ सुरू झाला होता. यामध्येही सुमोना दिसली नव्हती. त्याविषयी सुमोनाने पुढे सांगितलं, “मी हे वारंवार सांगत आलेय की मी ज्या शोचा भाग होती, तो गेल्या वर्षी जुलैमध्ये संपला होता. मी तो शो मध्येच सोडला नव्हता किंवा मला त्यातून काढून टाकण्यात आलं नव्हतं. तो शो जुलैमध्ये संपला होता आणि त्यानंतर आम्ही सगळे कलाकार आपापल्या आयुष्यात पुढे निघालो. कपिल शर्मा आणि माझ्या नात्यात काहीच वितुष्ट आलं नाही. मी सध्या खतरों के खिलाडी हा शो करतेय. कपिलवर मी कशाला नाराज असेन? आम्ही दोघांनी याआधीही एकत्र काम केलंय.”
सुमोनाने 1999 मध्ये आमिर खानच्या ‘मन’ या चित्रपटातून बालकलाकार म्हणून तिच्या करिअरची सुरुवात केली होती. वयाच्या 11 व्या वर्षी ती पहिल्यांदा रुपेरी पडद्यावर झळकली होती. ‘मन’ हा चित्रपट सुपरहिट ठरला होता पण त्यानंतर सुमोनाने इतर कोणत्याही चित्रपटात काम न करता तिचं शिक्षण पूर्ण केलं. शिक्षण पूर्ण केल्यानंतर तिने टीव्ही इंडस्ट्रीत काम करण्यास सुरुवात केली.