निर्मात्याकडून सूरज चव्हाणला महागडं गिफ्ट, त्याला वस्तूचं नाव उच्चारता देखील येईना, व्हिडीओ तुफान व्हायरल
suraj chavan: सूरज चव्हाणला मिळालेल्या महागड्या गिफ्टचं नावही उच्चारता येईना, 'बिग बॉस' विजेत्याचा व्हिडीओ तुफान व्हायरल... सध्या सर्वत्र सूरजच्या व्हिडीओची चर्चा...
suraj chavan: ‘बिग बॉस मराठी’ सीझन 5 चा विजेता झाल्यानंतर सूरज चव्हाणचं आयुष्य पूर्णपणे बदललं आहे. सूरजच्या चाहत्यांची संख्या देखील वाढली आहे. एवढंच नाहीतर अनेक ठिकाणी सूरज याला प्रमुख पाहुणा म्हणून देखील बोलवण्यात येतं. शिवाय सूरजला अनेक भेटवस्तू देखील मिळतात. आता देखील सूरज चव्हाण याला महागडी भेटवस्तू मिळाली आहे. ‘राजा राणी’ चित्रपटाच्या दिग्दर्शक शिवाजी दोलताडे आणि गोवर्धन दोलताडे यांनी सूरजला अ‍ॅप्पल कंपनीचा महागडा मोबाइल दिला आहे. सिनेमात सूरज याने महत्त्वाची भूमिका देखील साकारली आहे.
सूरज याला मोबाईल दिल्याचा व्हिडीओ सध्या सोशल मीडियावर तुफान व्हायरल होत आहे. सूरजला भेटवसून देत शिवाजी दोलताडे आणि गोवर्धन दोलताडे म्हणतात, “सूरजला आमच्याकडून हे खास गिफ्ट देत आहोत. हे गिफ्ट त्याच्या आवडीचं आहे”.
View this post on Instagram
भेटवस्तू दिल्यानंतर सूरज म्हणतो, ”मनापासून मी तुम्हा सर्वांचा आभारी आहे… तुम्ही मला पाठिंबा दिला… मला फार चांगलं वाटलं…’ पुढे सूरज गिफ्ट उघडतो पण त्याला मोबाईलचं नाव उच्चारता येत नसल्यामुळे त्याची फजिती झाली… सूरजचा विनोदी अंदाजातील व्हिडीओ सध्या सोशल मीडियावर तुफान व्हायरल होत आहे.
सूरज याच्याबद्दल सांगायचं झालं तर, . बारामतीच्या छोट्याश्या गावातून आलेल्या सूरजने आपल्या साध्याभोळ्या स्वभावाने महाराष्ट्रातील सर्वच प्रेक्षकांच्या मनावर राज्य केलं. सूरजचा साधा स्वभाव आणि त्याच्या हटके स्टाईलला चाहत्यांनी डोक्यावर घेतलं.
View this post on Instagram
आपल्या झापूक झूपूक अंदाजाने त्याने सर्वांना वेड लावलं… आजही सूरजचे अनेक व्हिडीओ सोशल मीडियावर व्हायरल होत असतात. ‘बिग बॉस’ जिंकल्यानंतर सूरज याला 14 लाख रुपये मिळाले आहेत. याशिवाय त्याला इलेक्ट्रिक स्कूटर आणि आकर्षक ज्वेलरीही देखील मिळाली आहे.
