Dayaben: हे माँ माताजी! दयाबेनची अवस्था पाहून नेटकऱ्यांनी व्यक्त केली काळजी, व्हिडीओ व्हायरल
दिशाचा हा व्हिडीओ पाहून नेटकरी थक्क झाले आहेत. नेमकं तिच्यासोबत काय घडलंय, हेच त्यांना समजत नाहीये. दिशाची अवस्था पाहून चाहते काळजी व्यक्त करत आहेत.
मुंबई: गेल्या काही महिन्यांत ‘तारक मेहता का उल्टा चष्मा’ या लोकप्रिय मालिकेतून बऱ्याच कलाकारांनी निरोप घेतला. काही दिवसांपूर्वीच दिग्दर्शकांनीही या मालिकेला रामराम केला. त्यामुळे छोट्या पडद्यावरच्या या लोकप्रिय मालिकेचा टीआरपी घसरल्याची चर्चा सुरू झाली. ही मालिका पुन्हा रुळावर आणण्यासाठी त्यात नवीन कलाकारांची एण्ट्री होणार असल्याचं कळतंय. त्यात दयाबेनचीही भूमिका पुन्हा मालिकेत येणार असल्याचं समजतंय. या चर्चांदरम्यान मालिकेत दयाबेनची भूमिका साकारून घराघरात पोहोचलेली अभिनेत्री दिशा वकानी हिचा एक व्हिडीओ सोशल मीडियावर व्हायरल होत आहे.
दिशाचा हा व्हिडीओ पाहून नेटकरी थक्क झाले आहेत. नेमकं तिच्यासोबत काय घडलंय, हेच त्यांना समजत नाहीये. दिशाची अवस्था पाहून चाहते काळजी व्यक्त करत आहेत. या व्हायरल व्हिडीओमागचं सत्य काय ते जाणून घेऊयात..
सोशल मीडियावर व्हायरल झालेल्या या व्हिडीओमध्ये दिशा एका लहान बाळाला घेऊन उभी असल्याचं दिसतंय. त्याचसोबत ती तिची दु:खद कहाणी सांगत रडतेय. दिशाच्या या व्हिडीओवर नेटकरी विविध प्रतिक्रिया देत आहेत.
दिशाचा हा व्हिडीओ एका चित्रपटातील आहे. 2008 मध्ये प्रदर्शित झालेल्या ‘सी कंपनी’ या चित्रपटातील हा व्हिडीओ आहे. यामध्ये तुषार कपूर, मिथुन चक्रवर्ती आणि अनुपम खेर यांनी मुख्य भूमिका साकारल्या होत्या. तुषारने यात पत्रकाराची भूमिका साकारली आहे तो दिशाची दु:खद कहाणी सर्वांना सर्वांसमोर आणतोय.
‘तारक मेहता मालिकेत परत ये’ असं एकाने या व्हिडीओच्या कमेंट्समध्ये लिहिलंय. तर ‘हे खरं आहे का’ असा सवाल दुसऱ्या युजरने केला आहे. दिशाने बाळंतपणासाठी मालिकेतून ब्रेक घेतला होता. 2017 मध्ये तिची मालिकेतून एग्झिट झाली, मात्र पुन्हा ती परतलीच नाही. दिशाला मालिकेत परत आणण्यासाठी निर्माते-दिग्दर्शकांनी अनेक प्रयत्न केले. मात्र त्यात त्यांना यश मिळालं नाही.
