Happy Birthday Disha Vakani | ‘दयाबेन’ का सतत म्हणायची ‘टप्पू के पापा’? उत्तर देताना दिशा वाकाणी म्हणाली…

मुंबई : अभिनेत्री दिशा वाकाणी या नावाने बरेच लोक त्यांना ओळखत नसतील, पण जर ‘दया बेन’ म्हटले तर लोक त्याला पटकन ओळखतील. ‘तारक मेहता का उल्टा चष्मा’च्या दया बेनच्या व्यक्तिरेखेमुळे घरोघरी प्रसिद्ध असलेल्या दिशा वाकाणीचा आज वाढदिवस आहे. 17 ऑगस्ट 1978 रोजी जन्मलेली दिशा आज आपला 43वा वाढदिवस साजरा करत आहे. दिशा वाकाणीने ऐश्वर्या राय बच्चन आणि शाहरुख खान सारख्या कलाकारांसोबत स्क्रीन शेअर केली आहे, पण तिला खरी ओळख मिळाली ती ‘दया बेन’च्या पात्रामुळे…

अनेक ‘बी ग्रेड’ चित्रपटांमध्ये काम केलेल्या दिशाने 2009 ते 2018 पर्यंत ‘तारक मेहता का उल्टा चष्मा’द्वारे प्रेक्षकांचे भरपूर मनोरंजन केले. दया बेनच्या पात्रात दिशाची बोलण्याची शैली सर्वांना आवडली. विशेषतः, जेव्हा ती ‘टप्पू के पापा’ म्हणायची. दिशा ‘तारक मेहता का उल्टा चष्मा’ या शोमधून निघून गेल्यापासून, तिच्या चाहत्यांना तिच्या तोंडून ‘टप्पू के पापा’ ऐकण्याची इच्छा होती. दिशा पुन्हा या शोचा भाग बनेल की, नाही हे कोणालाही माहित नाही. परंतु, प्रेक्षक तिच्या जागी दुसरी कोणतीही अभिनेत्री क्वचितच पाहू शकतील.

दिशा वाकानी जेठालालला ‘टप्पू के पापा’ का म्हणायची?

याक्षणी, दिशा वाकाणीच्या वाढदिवसाच्या विशेष प्रसंगी, आम्ही तुम्हाला तिच्या एका जुन्या गोष्टीची आठवून करून देऊ. तेव्हा दिशा शोचा भाग होती आणि एका पोर्टलला दिलेल्या मुलाखतीत तिने खुलासा केला की, ती शोचा एक भाग आहे. त्याच्या प्रसिद्ध ओळीवर बोलताना ‘टप्पू के पापा’ फेम दया बेन उर्फ ​​दिशा वाकाणी म्हणाली होती, ‘गुजराती कुटुंबांमध्ये ही एक प्रथा आहे की, पत्नी तिच्या पतीला त्याच्या नावाने हाक मारत नाही. असे मानले जाते की, जर तिने असे केले तर तिच्या पतीचे आयुष्य कमी होईल. म्हणूनच ती त्याला आपल्या मुलाचे वडील म्हणून संबोधते किंवा तुम्ही ऐकताय का?, असं विचारते.’

शोमध्ये दिसायची साधी-भोळी

सध्या दिशा वाकाणी या मालिकेत दिसत नसली तरी तिची फॅन फॉलोविंग अजिबात कमी झालेली नाही. बाळाच्या संगोपनासाठी दिशा या शोपासून दूर झाली होती. मात्र, तिचे चाहते आजही तिच्या बाबतील अपडेट मिळवण्याचे प्रयत्न करत असतात.

‘तारक मेहता का उल्टा चष्मा’ या शोमध्ये दिशा वाकानी एका आदर्श पत्नी, सून आणि आईच्या भूमिकेत दिसली आहे. या शोमध्ये ती नेहमी साडी नेसून, लांब वेणी किंवा आंबाडा अशा सध्या-सोज्वळ वेशात दिसली होती. तथापि, अलिकडच्या काळात तिने हा शो आणि टीव्हीच्या जगापासूनच अंतर राखले आहे.

हेही वाचा :

‘देवमाणूस’ मालिकेचा दुसरा सीझन येणार? पाहा निर्माती श्वेता शिंदे काय म्हणाली…

डेव्हिड धवन आणि गोविंदाची 20 वर्षांची सुपरहिट जोडी का तुटली?, जाणून घ्या मोठं कारण