Suicide | ‘या’ प्रसिद्ध अभिनेत्रीने केली आत्महत्या, कारण अद्याप अस्पष्ट, वाचा काय घडले?

मुंबई : साऊथ फिल्म इंडस्ट्रीतील अभिनेत्री दीपा (Deepa) हीच्या आत्महत्येनंतर सर्वांनाच मोठा धक्का बसलांय. दीपाचे खरे नाव पॉलिना जेसिका असे आहे. 29 वर्षीय दीपाने चेन्नईतील (Chennai) तिच्या राहत्या घरी आत्महत्या केलीये. पंख्याला लटकलेल्या अवस्थेत दीपाचा मृतदेह आढळून आलांय. दीपाच्या आत्महत्येनंतर अनेक चर्चांना उधाण आले आहे. रिपोर्टनुसार पोलिसांनी (Police) दीपाच्या रूममधून एक डायरी जप्त केलीये. या डायरीमध्ये दीपाने काही महत्वाची माहिती लिहिली असल्याचे कळते आहे.

पोलिसांना सापडली डायरीमध्ये अत्यंत महत्वाची माहिती

पोलिसांना दीपाच्या रूममध्ये सापडलेल्या डायरीमध्ये लिहिले आहे की, माझ्यासोबत कोणीही नाहीये किंवा मला कोणीही साथ देत नाहीये. मला माझे जीवन आवडत नाही, असे या डायरीमध्ये लिहिल्याचे कळते आहे. अशी एक चर्चा सुरू आहे की, दीपा तिच्या खासगी आयुष्यामध्ये अडचणीत सापडली होती. इतकेच नाही तर तिच्या लव्ह लाईफमध्येही सर्वकाही अलबेल नव्हते. यामुळेच तिने हे टोकाचे पाऊल उचलले आहे.

अभिनेत्रीचा मृतदेह पोस्टमॉर्टमसाठी पाठवण्यात आला

दीपाच्या आत्महत्येनंतर पोलिसांना एक सुसाईट नोटही सापडलीये. पोलिसांनी आता पुढील तपास करण्यास सुरूवात केली असून पोलिसांकडून काही महत्वाचे खुलासे देखील केले जाऊ शकतात. दीपाचा मृतदेह पोस्टमॉर्टमसाठी पाठवण्यात आला आहे. प्राथमिक अंदाजानुसार मृत्यूचे कारण आत्महत्या असल्याचे सांगितले जात असले तरीही पोलिसांनी आपला तपास सुरू केलाय.