Sign In

By signing in or creating an account, you agree with Associated Broadcasting Company's Terms & Conditions and Privacy Policy.

बॉयफ्रेंडकडून विनयभंग, अंडरवर्ल्डकडून धमक्या, माफियाविरोधातही लढली.. कोण आहे ही टॉप बॉलिवूड स्टार?

एकेकाळी बॉलिवूड गाजवणारी ही अभिनेत्री आज आयपीएलमध्ये एका क्रिकेट संघाची मालकीण आहे. या अभिनेत्रीचा प्रवास अनेकांसाठी प्रेरणादायी आहे. करिअरच्या सुरुवातीच्या काळात ती माफियाविरोधातही गेली होती.

बॉयफ्रेंडकडून विनयभंग, अंडरवर्ल्डकडून धमक्या, माफियाविरोधातही लढली.. कोण आहे ही टॉप बॉलिवूड स्टार?
बॉलिवूड अभिनेत्रीImage Credit source: Instagram
Follow us
| Updated on: Oct 16, 2024 | 10:37 AM

संघर्ष हा लोकांना आणखी ताकदवान आणि संयमी बनवतो. आयुष्यातील आव्हानांना सामोरं जाताना अनेक गोष्टी शिकायला मिळतात आणि त्यातूनच माणूस घडत जातो. बॉलिवूड अभिनेत्री प्रिती झिंटासुद्धा याचंच एक उदाहरण आहे. एका मध्यमवर्गीय कुटुंबातील सर्वसामान्य मुलगी ते ‘पंजाब किंग्स’ या क्रिकेट संघाची मालकीण बनण्यापर्यंतचा तिचा प्रवास काही सोपा नव्हता. या प्रवासात तिला अनेक अडचणींचा सामना करावा लागला होता. वयाच्या अवघ्या 13 व्या वर्षी प्रितीने तिच्या वडिलांना गमावलं होतं. एका कार अपघातात त्यांचं निधन झालं होतं.

प्रितीचा जन्म 31 जानेवारी 1975 रोजी झाला. तिचे वडील दुर्गानंद झिंट हे भारतीय सैन्य अधिकारी होते. एका कार अपघातात त्यांचं निधन झालं होतं. यात अपघातात प्रितीची आई निलप्रभा गंभीर जखमी झाली होती. अपघातानंतर जवळपास दोन वर्षांपर्यंत त्या बेडवरच खिळून राहिल्या होत्या. या घटनेनंतर प्रितीचं संपूर्ण आयुष्यच बदललं होतं. प्रितीला दीपांकर आणि मनिष असे दोन भाऊ आहेत. 1996 मध्ये प्रितीने मॉडेलिंगला सुरुवात केली. पर्क चॉकलेट्सच्या जाहिरातीत ती पहिल्यांदा झळकली होती.

हे सुद्धा वाचा

2003 मध्ये प्रिती झिंटा वादाच्या भोवऱ्यात सापडली होती. भरत शाह प्रकरणात तिने माफियांविरुद्ध साक्ष दिली होती. ‘चोरी चोरी चुपके चुपके’ या चित्रपटात गुंतवणूक करणाऱ्या भरत शाहला अंडरवर्ल्ड बॉस छोटा शकीलशी संबंध असल्याच्या आरोप अटक करण्यात आली होती. सलमान खान, शाहरुख खान यांसारख्या साक्षीदारांनी त्यांचा जबाब वारंवार बदलला होता. मात्र प्रिती तिच्या जबाबावर ठाम होती. याबद्दल दोन महिन्यांसाठी तिला साक्षीदार संरक्षण देण्यात आलं होतं. तिच्या धाडसाची सर्वत्र प्रशंसा झाली होती. गॉडफ्रे यांच्या ‘माइंड ऑफ स्टील’ पुरस्कार जिंकणारी ती पहिली ठरली होती. 2006 पासून ती गॉडफ्रे फिलिप्स ब्रेव्हरी अवॉर्ड्सची ब्रँड ॲम्बेसेडर आहे.

प्रिती झिंटा फेब्रुवारी 2005 पासून मे 2009 पर्यंत बिझनेसमन नेस वाडियासोबत रिलेशनशिपमध्ये होती. या दोघांचं नातं सतत माध्यमांमध्ये चर्चेत होतं. इतकंच नव्हे तर हे दोघं साखरपुडा करणार असल्याचंही म्हटलं जात होतं. मात्र 2014 मध्ये प्रितीने नेस वाडियावर विनयभंग, धमक्या आणि वानखेडेवरील आयपीएल मॅचदरम्यान गैरवर्तन केल्याचा आरोप केला. प्रितीने नेस वाडियाविरोधात अधिकृत तक्रारसुद्धा दाखल केली होती.

प्रितीने 2016 मध्ये अमेरिकन बिझनेसमन जीन गुडइनफशी लग्न केलं. 2021 मध्ये प्रितीला सरोगसीच्या माध्यमातून जुळी मुलं झाली. यावर्षी या दोघांच्या लग्नाला आठ वर्षे पूर्ण झाली आहेत.

खोक्याच्या बायकोने केला मोठा खुलासा, म्हणाली..
खोक्याच्या बायकोने केला मोठा खुलासा, म्हणाली...
'हा विषय आता संपवा'; औरंगजेबाच्या कबरीवर चंद्रकांत खैरे काय म्हणाले?
'हा विषय आता संपवा'; औरंगजेबाच्या कबरीवर चंद्रकांत खैरे काय म्हणाले?.
युवक कॉंग्रेसच्या कार्यकर्त्यांची पोलिसांकडून धरपकड; कार्यकर्ते आक्रमक
युवक कॉंग्रेसच्या कार्यकर्त्यांची पोलिसांकडून धरपकड; कार्यकर्ते आक्रमक.
धनंजय मुंडेंची आमदारकी 100 टक्के जाणारच; करुणा शर्मा यांचा दावा
धनंजय मुंडेंची आमदारकी 100 टक्के जाणारच; करुणा शर्मा यांचा दावा.
वाढत्या उष्णतेने सोलापूरकरांचे हाल बेहाल
वाढत्या उष्णतेने सोलापूरकरांचे हाल बेहाल.
'होळी खेळताना त्यांना माझ्या भावाचे..' - धनंजय देशमुख
'होळी खेळताना त्यांना माझ्या भावाचे..' - धनंजय देशमुख.
खोक्याला बावी गावात आणलं; घटनास्थळावर कसून चौकशी सुरू
खोक्याला बावी गावात आणलं; घटनास्थळावर कसून चौकशी सुरू.
आता घरकुलांना पाच ब्रास मोफत वाळू मिळणार; बावनकुळेंनी दिली माहिती
आता घरकुलांना पाच ब्रास मोफत वाळू मिळणार; बावनकुळेंनी दिली माहिती.
करुणा शर्मा खोक्याला कसं ओळखता? सांगितली 'ती' घटना
करुणा शर्मा खोक्याला कसं ओळखता? सांगितली 'ती' घटना.
राणेंचे जुने व्हिडिओ काढा, हलालचं मटण खाताना दिसतील; वडेट्टीवारा टोला
राणेंचे जुने व्हिडिओ काढा, हलालचं मटण खाताना दिसतील; वडेट्टीवारा टोला.