सलमान-कतरिनाच्या ‘टायगर 3’ची बंपर ओपनिंग; मोडला सनी देओलच्या ‘गदर 2’चा विक्रम

मुंबई : 13 नोव्हेंबर 2023 | सलमान खान आणि कतरिना कैफ यांचा बहुप्रतिक्षित आणि बहुचर्चित ‘टायगर 3’ हा चित्रपट दिवाळीच्या मुहूर्तावर 12 नोव्हेंबर रोजी थिएटरमध्ये प्रदर्शित झाला. लक्ष्मीपूजन असतानाही या चित्रपटाने पहिल्याच दिवशी धमाकेदार कमाई केली. बॉक्स ऑफिसवर या चित्रपटाला प्रेक्षकांकडून खूप चांगला प्रतिसाद मिळतोय. सुरुवातीपासूनच ‘टायगर 3’ या चित्रपटाची प्रेक्षकांमध्ये उत्सुकता होती. ‘एक था टायगर’ आणि ‘टायगर जिंदा है’ हे पहिले दोन्ही भाग बॉक्स ऑफिसवर यशस्वी ठरले होते. त्यामुळे तिसऱ्या भागाकडून प्रेक्षकांना बऱ्याच अपेक्षा होत्या. म्हणूनच पहिल्या दिवसापासून प्रेक्षकांनी थिएटरमध्ये गर्दी केली आहे.

सलमान आणि कतरिनाची मुख्य भूमिका असलेल्या या चित्रपटाने पहिल्या दिवशी तब्बल 44.5 कोटी रुपयांची बक्कळ कमाई केली. हिंदी भाषेत जवळपास 43 कोटी रुपये आणि तेलुगू भाषेत जवळपास 1.15 कोटी रुपयांची कमाई झाली. तर तमिळ भाषेत या चित्रपटाने 15 लाख रुपयांचा गल्ला जमवला आहे. टायगर 3 या चित्रपटाने पहिल्याच दिवसाच्या कमाईने सनी देओलच्या ‘गदर 2’चा विक्रम मोडला आहे. ‘गदर 2’ने पहिल्या दिवशी 40.10 कोटी रुपयांचा गल्ला जमवला होता. तर सलमानच्या ‘टायगर 3’ने पहिल्या दिवशी 44.5 कोटी रुपयांची कमाई केली. सोमवारी कमाईत आणखी वाढ होण्याची शक्यता आहे. सलमानचा हा चित्रपट आगामी दिवसांत जवान, पठाण या चित्रपटांचेही विक्रम मोडू शकतो.

हे सुद्धा वाचा

लोक पाहतच बसले.. इतक्या कोटींच्या कारमधून श्रद्धा कपूर पोहोचली दिवाळी पार्टीत

जणू तो तिहेरी विस्फोट होता.. अपयशी लग्न, आरोग्याच्या समस्यांबद्दल समंथा मोकळेपणे व्यक्त

तिला दिलेले महागडे हिरे, भेटवस्तू विसरून..; सिद्धार्थ माल्याचा दीपिका पादुकोणवर गंभीर आरोप

नीता अंबानी यांचा आलिशान मेकअप रुम; पहिल्यांदाच समोर आला अँटिलियामधील खास व्हिडीओ

#OneWordReview…#Tiger3: SMASH-HIT. Rating: ⭐️⭐️⭐️⭐️ The roar is back… #Tiger3 is the biggest dhamaka you can expect this #Diwali… Excellent second half, solid action pieces, superb cameos and of course, a ferocious #SalmanKhan. #Tiger3Review

2023 marks the comeback of… pic.twitter.com/SfH4NoKUGG

— taran adarsh (@taran_adarsh) November 12, 2023

मनिष शर्मा दिग्दर्शत ‘टायगर 3’ हा चित्रपट सलमान खानचा सर्वांत मोठा ‘ओपनर’ ठरला आहे. 2019 मध्ये प्रदर्शित झालेल्या अली अब्बास जफरच्या ‘भारत’ आणि त्याआधी 2015 मध्ये प्रदर्शित झालेल्या सूरज बडजात्याच्या ‘प्रेम रतन धन पायो’ या चित्रपटांना ‘टायगर 3’ने मात दिली आहे. हे दोन्ही चित्रपट दिवाळीच्या मुहूर्तावर प्रदर्शित झाले होते. ‘भारत’ने 42.30 कोटी रुपये आणि ‘प्रेम रतन धन पायो’ने 40.35 कोटी रुपये कमावले होते. ‘टायगर 3’ या चित्रपटात सलमान आणि कतरिनासोबतच इमरान हाश्मीची मुख्य भूमिका आहे. तर शाहरुख यामध्ये पाहुण्या कलाकाराच्या भूमिकेत आहे.