ही तर हद्दच झाली; टॉपलेस होऊन उर्फी जावेदने दिल्या दिवाळीच्या शुभेच्छा
दिवाळीच्या शुभेच्छा देताना उर्फीने ओलांडल्या मर्यादा; संतप्त नेटकरी म्हणाले..
मुंबई- चित्रविचित्र फॅशन आणि उर्फी जावेद (Urfi Javed) हे जणू समिकरणच बनलं आहे. अभिनेत्री उर्फी तिच्या वेगवेगळ्या फॅशनमुळे सतत सोशल मीडियावर चर्चेत राहते. पब्लिसिटी स्टंटसाठी ती असे कपडे परिधान करत असल्याचं काहीजण म्हणतात, तर काही तिच्या अनोख्या फॅशन (Fashion) सेन्सचं कौतुक करताना दिसतात. सोशल मीडियावर सर्वाधिक चर्चेत असलेल्या उर्फीचा दिवाळीचा एका व्हिडीओ सध्या तुफान चर्चेत आला आहे. या व्हिडीओत ती चाहत्यांना दिवाळीच्या शुभेच्छा (Diwali Wishes) देताना दिसतेय.
देशभरात दिवाळीचा उत्साह पहायला मिळतोय. बॉलिवूड सेलिब्रिटींकडून ग्लॅमरस पार्ट्यांचं आयोजन केलं जातंय. अशातच उर्फीने चक्क टॉपलेस व्हिडीओ पोस्ट करत चाहत्यांना दिवाळीच्या शुभेच्छा दिल्या आहेत. मात्र या व्हिडीओमुळे तिला चांगलंच ट्रोल करण्यात आलंय.
‘हद्दच झाली’, असं एका युजरने म्हटलंय. तर ‘अरे दिवाळीत तरी काही चांगलं कर’, असा सल्ला दुसऱ्या नेटकऱ्याने दिला. काहींनी तर उर्फीच्या अकाऊंटला रिपोर्ट करण्यास सुरुवात केली आहे. ‘दिवाळीची खिल्लीच उडवली आहे’, अशा शब्दांत नेटकऱ्यांनी नाराजी व्यक्त केली.
View this post on Instagram
“प्रत्येकाला विविध फॅशनचे कपडे घालणं, मेकअप करणं आणि सर्वोत्कृष्ट दिसणं आवडतं. मी जे काही करते, ते मी माझ्यासाठी करते. कारण चांगलं दिसणं कोणाला आवडत नाही? जर माझा एखादा ड्रेस लोकांना आवडत नसेल तर ती त्यांची समस्या आहे. त्यांना मानसिकता बदलण्याची गरज आहे,” असं उर्फी एका मुलाखतीत म्हणाली होती.
उर्फीचे कपडे डिझाइन करण्यासाठी तिच्याकडे एक टीम आहे. ही टीम एकत्र बसते आणि विविध डिझाइन्सवर चर्चा करते. “मला लहानपणापासून ड्रेस अपची खूप आवड आहे. मला नेहमी इतरांपेक्षा काहीतरी वेगळं करायचं होतं. बाहेर जाण्याआधी मी माझ्या लूकची व्यवस्थित प्लॅनिंग करायचे आणि आताही मला ते करायला आवडतं. मी लहानपणापासून अशीच आहे आणि त्यात काहीही चूक नाही”, असं उर्फी म्हणाली.
