Vidya Balan: पार्टीत विद्या बालनचा पदर कोणी खेचला? व्हिडीओ पाहून नाराज झाले चाहते
रेड कार्पेटवर खेचला गेला विद्या बालनचा पदर; Oops मूमेंटचा शिकार होता होता वाचली अभिनेत्री
मुंबई: अभिनेत्री विद्या बालनसोबत नुकतीच अशी घटना घडली, ज्यामुळे ती ‘Oops’ मूमेंटची शिकार झाली असती. गुनीत मोंगा आणि सनी कपूर यांच्या प्री-वेडिंग पार्टीमध्ये विद्या तिच्या पतीसोबत पोहोचली होती. रेड कार्पेटवर येताना अचानक तिच्या साडीचा पदर एका व्यक्तीच्या हातात अडकला. मात्र त्यानंतर लगेचच विद्याने परिस्थिती हाताळली आणि पापाराझींना फोटोसाठी पोझ दिले.
गुनीत आणि सनीच्या प्री-वेडिंग पार्टीला विद्याने फ्लोरल साडी नेसली होती. पती सिद्धार्थ रॉय कपूरसोबत तिने रेड कार्पेटवर हजेरी लावली. मात्र त्याच वेळी तिच्यासमोरून जाणाऱ्या एका व्यक्तीच्या हातात तिच्या साडीचा पदर अडकला. विद्याने लगेचच तिचा पदर घेतला आणि स्वत:ला सावरून घेतलं. त्यानंतर तिने हसत पापाराझींसमोर पोझ दिले.
पहा व्हिडीओ-
एकीकडे चाहते विद्याचं कौतुक करत आहेत. तिने ज्या पद्धतीने परिस्थितीला हाताळलं, ते कौतुकास्पद आहे, असं नेटकरी म्हणतायत. तर दुसरीकडे तिच्या पतीवर टीका केली जातेय. पत्नीचा पदर अडकला असताना सिद्धार्थ स्वत:च्याच धुंदीत होता, असं नेटकरी म्हणाले. ‘पतीला काहीच फरक पडला नाही. तो इतका कूल कसा काय वागू शकतो’, असं एकाने लिहिलं. तर ‘पती तर वेगळ्याच दुनियेत आहे’, असं दुसऱ्या युजरने म्हटलं.
विद्या आणि सिद्धार्थशिवाय या पार्टीला बॉलिवूडमधल्या इतरही सेलिब्रिटींनी हजेरी लावली होती. निर्माता दिग्दर्शक करण जोहर, विशाल भारद्वाज, एकता कपूर, सोनाली बेंद्रे आणि नेहा धुपिया यांसारख्या कलाकारांची मांदियाळी या पार्टीत पहायला मिळाली.
