Detox Drinks: लवकर वजन कमी करायचे असेल; तर, या ‘डिटॉक्स ड्रिंक्स’ तुम्हाला फॅट कमी करण्यात करतील मदत!

वजन कमी करण्यासाठी नियमित व्यायाम आणि सकस आहार (A healthy diet) महत्त्वाचा आहे. तुम्ही तुमच्या आहारात विविध प्रकारच्या डिटॉक्स ड्रिंक्सचाही समावेश करू शकता. ते तुमच्या शरीरातील विषारी पदार्थ (Toxic substances) काढून टाकण्याचे काम करतात. ते तुमची चयापचय गती वाढवतात. हे पेय प्यायल्यानंतरही आपल्याला बराच वेळ पोट भरल्या सारखे वाटते. हे डिटॉक्स पेय वजन कमी करण्यास मदत करतात. ते पचनसंस्था निरोगी ठेवण्याचे काम करतात. वजन कमी करण्यासाठी तुम्ही तुमच्या आहारात कोणते हेल्दी ड्रिंक्स समाविष्ट करू शकता याबाबत तुम्हाला माहिती हवी. एबीसी डिटॉक्स ड्रिंक (ABC Detox Drink) म्हणजेच, तुम्ही सफरचंद, बीट आणि गाजर वापरून डिटॉक्स ड्रिंक बनवू शकता. हे तिन्ही एकत्र करून तुम्ही एक उत्तम पेय बनते. या डिटॉक्स ड्रिंकमध्ये फायबरचे प्रमाण जास्त असते. त्यात कॅलरीजचे प्रमाणही खूप कमी असते. हे खराब कोलेस्ट्रॉल बाहेर काढण्याचे काम करते. यामुळे पचनसंस्था निरोगी राहते.

संत्रा आणि गाजर डिटॉक्स पेय

संत्रा आणि गाजर हे अतिशय चवदार अन्न आहे. त्यामध्ये व्हिटॅमिन सी भरपूर प्रमाणात असते. तुम्ही हे दोन्ही एकत्र करून उत्तम पेय बनवू शकता. हे पेय आपल्याला हायड्रेटेड ठेवण्यास मदत करेल परंतु आपल्या शरीरातील हानिकारक विषारी पदार्थ देखील बाहेर काढेल.

हे सुद्धा वाचा

Pune MNS : अक्षय्य तृतीयेला होणारी महाआरती स्थगित! काय म्हणाले, मनसेचे योगेश खैरे? वाचा

Rajendra Pawar : राज्यपालांच्या हस्ते पुरस्कार स्वीकारण्यास राजेंद्र पवार यांचा नकार; डॉ. पंजाबराव देशमुख कृषिरत्न पुरस्कार सोहळ्याला अनुपस्थित

Dilip Walse Patil on Raj Thackeray: राज ठाकरेंनी साधी बालवाडीही चालवली नाही, भोंग्याचा निर्णय त्यांनी घ्यायचा नाहीये; दिलीप वळसे पाटलांनी सुनावले

काकडी आणि पुदीना डिटॉक्स पेय

काकडी आणि पुदीना हे दोन थंड पदार्थ उन्हाळ्यासाठी उत्तम आहेत. ते तुमचे शरीर थंड ठेवण्यास आणि तुम्हाला ऊर्जावान ठेवण्यास मदत करतात. काकडीमध्ये भरपूर पाणी असते. हे शरीराला हायड्रेट ठेवण्यास मदत करते, तुम्ही या दोन गोष्टींचे मिश्रण करून डिटॉक्स ड्रिंक बनवू शकता. हे पेय प्यायल्याने पचनक्रियाही निरोगी राहते. या दोन्ही गोष्टी ब्लेंडरमध्ये मिसळून प्यायल्या जाऊ शकतात.

दालचिनी डिटॉक्स पेय

एका भांड्यात सफरचंदाचे तुकडे, पुदिन्याची पाने, लिंबाचे तुकडे, आल्याचे तुकडे आणि दालचिनीचे तुकडे टाका. आता त्यात पाणी घाला. ते चांगले मिसळा. 6 ते 7 तास बाजूला ठेवा. नंतर गाळून घ्या. मध घाला. हे पेय, रिकाम्या पोटी प्यायल्याने वजन कमी होण्यास मदत होते.

मेथीपासून बनवलेले डिटॉक्स पेय

हे पेय बनवायला खूप सोपे आहे. यासाठी एक चमचा मेथी दाणे रात्रभर पाण्यात भिजत ठेवा. दुसऱ्या दिवशी सकाळी गाळून घ्या. लिंबाचा रस घाला. पुन्हा घ्या रिकाम्या पोटी याचे सेवन केल्यास वजन झपाट्याने कमी होण्यास मदत होते.