Health | पीरियड्स दरम्यान ब्लोटिंग होत असेल तर या आरोग्यदायी पदार्थांचा आहारात समावेश करा
मासिक पाळी दरम्यान भरपूर पाणी प्या. हे ब्लोटिंगच्या समस्येपासून आराम देण्याचे काम करते. दिवसातून सुमारे 7 ते 8 ग्लास पाणी प्या. पुरेसे पाणी प्यायल्याने फुगण्याच्या समस्येपासून तर आराम मिळतोच शिवाय हायड्रेटही राहते.
मुंबई : अनेक महिलांना मासिक पाळी (Menstrual cycle) दरम्यान समस्यांचा सामना करावा लागतो. त्यामुळे पोटात दुखणे आणि पेटके येऊ लागतात. अशा परिस्थितीत, ज्या महिला मासिक पाळीच्या दरम्यान ब्लोटिंगच्या समस्येने त्रस्त असतात त्यांनी त्यांच्या आहारात अनेक प्रकारचे आरोग्यदायी पदार्थ (Healthy foods) समाविष्ट करू शकतात. विशेष म्हणजे या आरोग्यदायी घटकांचा आहारात समावेश केल्या तर मासिक पाळीदरम्यानच्या समस्या दूर होण्यास मदत होते. चला जाणून घेऊया महिला कोणत्या पदार्थांचा आहारात समावेश करून मासिक पाळीदरम्यानच्या ब्लोटिंगचा (Bloating) त्रास दूर करू शकतात.
किवी
किवीमध्ये अॅसिटिनिडिन हे एन्झाइम असते. त्यामुळे पचनसंस्था निरोगी राहण्यास मदत होते. हे मासिक पाळी दरम्यान होणार्‍या ब्लोटिंगपासून मुक्त होण्याचे काम करते. यामध्ये फायबर मुबलक प्रमाणात असते. त्यात पाणीही असते. मासिक पाळी दरम्यान होणारी ब्लोटिंग कमी करण्यासाठी हे उपयुक्त आहे.
शिमला मिरची
शिमला मिरचीमध्ये फायबर देखील भरपूर असते. त्यामुळे पचनसंस्था निरोगी राहण्यास मदत होते. त्यात पोटॅशियम असते. हे फुगण्यापासून आराम देण्याचे काम करते. मासिक पाळीच्या दरम्यान ब्लोटिंग येत असेल तर महिला आहारात आपण शिमला मिरचीचा समावेश करायला हवा. शिमला मिरचीची भाजी आपण आहारात घेऊ शकतो.
पाणी
मासिक पाळी दरम्यान भरपूर पाणी प्या. हे ब्लोटिंगच्या समस्येपासून आराम देण्याचे काम करते. दिवसातून सुमारे 7 ते 8 ग्लास पाणी प्या. पुरेसे पाणी प्यायल्याने फुगण्याच्या समस्येपासून तर आराम मिळतोच शिवाय हायड्रेटही राहते. यामुळेच मासिक पाळीदरम्यान जास्तीत जास्त पाणी पिण्याचा प्रयत्न करा.
हिरव्या भाज्या
मासिक पाळीच्या वेळी ब्लोटिंग त्रास होत असेल तर पालेभाज्या खा. त्यांचा आहारात समावेश करा. त्यांचे सेवन केल्याने पचनसंस्था निरोगी राहण्यास मदत होते. यामुळे मासिक पाळीच्या दरम्यान सूज दूर होते. आपण हिरव्या भाज्यांचे रस देखील आहारात घेऊ शकतो.
