जपानी महिला इतक्या स्लिम फिट कशा? त्यांची जीवनशैली वाचा, आवडल्यास फॉलो करा!

Japnese woman secret

मुंबई: कोणाच्याही सौंदर्याचे निश्चित मोजमाप नसते, तरीही काही लोकांना स्लिम आणि फिट मुली जास्त आवडतात. स्लिम मुलींबद्दल बोलायचं झालं तर बोलायचे झाले तर जपानचे नाव अग्रस्थानी घेतले जाते. आशियातील या देशातील मुलींना फिटनेस फ्रीक तर मानले जातेच, पण त्या 100 वर्षे सहज पणे जगू शकतात. चला तर मग जाणून घेऊया जपानी मुलींचे शरीर का स्लिम फिट कसे असते.

जपानमधील लोकांना कमी प्रमाणात खाणे आवडते, ज्यामुळे ते कमी प्रमाणात खातात. ही पद्धत वजन कमी करण्यासाठी उपयुक्त आहे, तसेच या देशातील लोक लहान आकाराच्या प्लेट्समध्ये खातात, जेणेकरून जास्त खाणं टाळलं जातं.

जगातील अनेक भागांत ग्रीन टी चे सेवन केले जाते. जपानच्या लोकांना ते खूप आवडते, या देशात याला ‘माचा’ म्हणतात. हे पेय दूध आणि साखरेच्या चहापेक्षा जास्त आरोग्यदायी मानले जाते. यामध्ये अँटीऑक्सिडंट्स मुबलक प्रमाणात आढळतात, तसेच ते फ्री रॅडिकल्सपासून आपले संरक्षण करते. ग्रीन टी प्यायल्याने वजन तर कमी होतेच, शिवाय वाढत्या वय सुद्धा फारसं दिसत नाही.

जपानमधील लोकांना दही, लस्सी, किमची, कोंबुचा, नट्टो अशा आंबवलेल्या गोष्टी खायला आवडतात. अशा पदार्थांमध्ये व्हिटॅमिन बी, एंजाइम, ओमेगा -3 फॅटी ॲसिड आणि प्रोबायोटिक्स असतात, जे केवळ शरीर निरोगी ठेवत नाहीत तर चरबी देखील जमा होऊ देत नाहीत.

सीफूड लाल मांसापेक्षा प्रथिनांचा चांगला स्रोत मानला जातो, कारण यामुळे मधुमेह, उच्च कोलेस्ट्रॉल, लठ्ठपणा आणि हृदयरोगाचा धोका कमी होतो. जपानमधील लोकांना सॅल्मन, टुना आणि लॉबस्टर खायला आवडते. ते आरोग्यासाठी चांगले मानले जाणारे आहे.

जपानमधले लोक जेव्हा जेवतात तेव्हा त्यांचं संपूर्ण लक्ष खाण्यावर असतं, टीव्ही पाहणं, मोबाईल चालवणं, वर्तमानपत्र वाचणं अशा इतर कुठल्याही कामात ते गुंतलेले नसतात. ते चॉपस्टिकने हळूहळू खातात जेणेकरून अन्न पचण्यास त्रास होणार नाही.

जपानच्या लोकांना चालणे खूप आवडते, यामुळे फिटनेस तर टिकतोच, शिवाय हृदयाचे आरोग्यही सुधारते, हे तणाव दूर करण्याचे काम करते आणि लोक बराच काळ तरुण दिसतात.

(डिस्क्लेमर: येथे दिलेली माहिती घरगुती उपचार आणि सामान्य माहितीवर आधारित आहे. आम्ही याला दुजोरा देत नाही.)