Corona Cases In India | देशात नव्या कोरोनाग्रस्तांचा आकडा 13 हजारांवर, 230 दिवसातील नीचांक

नवी दिल्ली : देशात कोरोनाग्रस्तांच्या रुग्णसंख्येत (Corona Cases In India) चढउतार पाहायला मिळत आहेत. गेले काही दिवस नव्या कोरोनाग्रस्तांच्या संख्येत वाढ होताना दिसत होती, मात्र आता पुन्हा एकदा रुग्णसंख्या घटताना दिसत आहे. गेल्या 24 तासात आदल्या दिवसाच्या तुलनेत नव्या कोरोना बाधितांच्या संख्येत जवळपास 1 हजारांनी घट झाली. कालच्या दिवसात देशात 13 हजार 596 नवीन कोरोनाबाधित रुग्णांची नोंद झाली. गेल्या 230 दिवसातील ही एका दिवसात सापडलेली सर्वात कमी कोरोनाग्रस्तांची रुग्णसंख्या आहे. तर 166 कोरोनाग्रस्तांना एका दिवसात प्राण गमवावे लागले. कोरोनातून बरे होणाऱ्या रुग्णांची संख्या वाढत असल्याने त्यातल्या त्यात दिलासा मानला जात आहे. देशातील सक्रिया कोरोनाग्रस्त रुग्णसंख्या आता दोन लाखांच्या आत आहे.

24 तासातील आकडेवारी

गेल्या 24 तासात भारतात 13 हजार 596 नव्या कोरोनाबाधित रुग्णांची नोंद झाली आहे. तर 166  कोरोनाग्रस्त रुग्णांना प्राण गमवावे लागले. कालच्या दिवसात देशात 19 हजार 582 जण कोरोनामुक्त होऊन घरी परतले.

आतापर्यंतची आकडेवारी

भारतातील एकूण कोरोनाग्रस्तांचा आकडा आता 3 कोटी 40 लाख 81 हजार 315 वर गेला आहे. देशात आतापर्यंत 3 कोटी 34 लाख 39 हजार 331 रुग्ण बरे झाले आहेत. तर 4 लाख 52 हजार 290 रुग्णांनी आतापर्यंत कोरोनामुळे प्राण गमावले आहेत. 1 लाख 89 हजार 694 इतके सध्याच्या घडीला सक्रिय कोरोनाग्रस्त रुग्ण आहेत.

आतापर्यंत कोरोना लसीकरण झालेल्या देशातील नागरिकांची संख्या 97 कोटी 79 लाख 47 हजार 783 इतकी असल्याची माहिती केंद्रीय आरोग्य मंत्रालयाने दिली आहे.

देशातील कोरोना रुग्ण आकडेवारी

देशात 24 तासात नवे रुग्ण – 13,596

देशात 24 तासात डिस्चार्ज – 19,582

देशात 24 तासात मृत्यू – 166

एकूण रूग्ण – 3,40,81,315

एकूण अॅक्टिव्ह रुग्ण – 1,89,694

एकूण डिस्चार्ज (रिकव्हरी) – 3,34,39,331

एकूण मृत्यू  – 4,52,290

आतापर्यंत लसीकरण झालेली संख्या – 97,79,47,783

गेल्या 24 तासातील लसीकरण – 

भारत में पिछले 24 घंटों में कोरोना वायरस के 13,596 नए मामले आए, 19,582 रिकवरी हुईं और 166 लोगों की कोरोना से मौत हुई। #COVID19

कुल मामले: 3,40,81,315 सक्रिय मामले: 1,89,694 कुल रिकवरी: 3,34,39,331 कुल मौतें: 4,52,290 कुल वैक्सीनेशन: 97,79,47,783 pic.twitter.com/SeSjPe6fLW

— ANI_HindiNews (@AHindinews) October 18, 2021

संबंधित बातम्या :

मुंबईकरांसाठी आजच दसरा दिवाळी, एकाही कोरोना मृत्यूची नोंद नाही, संक्रमणाचा रेटही घटला