सुपर फिट असणारी सुष्मिता सेन, मग हृदयविकाराचा झटका? वाचा काय म्हणाले डॉक्टर

सुपर फिट सुष्मिता सेनच्या वयाचा अंदाज आजही कोणीही लावू शकत नाही. 47 वर्षीय अभिनेत्रीला काही दिवसांपूर्वी हृदयविकाराचा झटका आला होता. सिनेमा इंडस्ट्रीमध्ये अजूनही त्याची चर्चा सुरू आहे. बॉलिवूड क्वीन सुष्मिता सेन दररोज योगा आणि व्यायामासह आपल्या डाएटची पूर्ण काळजी घेते आणि हेच तिच्या फिटनेसचे रहस्य देखील आहे, पण तिच्यासोबत आणखी एक मोठी समस्या म्हणजे सुष्मिता सेन बराच वेळ धूम्रपान करते. आज बॉलिवूड सेलिब्रिटींची स्ट्रेस लेव्हल कोणापासून लपून राहिलेली नाही.

‘या’ कारणांमुळे होतो हार्ट अटॅकचा धोका

डॉक्टरांच्या मते फिट दिसणं आणि हृदय निरोगी असणं यात खूप फरक आहे. तुम्ही योगा आणि व्यायाम करता, पण जर तुम्हाला यापैकी कसलंही व्यसन असेल तर तुम्हाला हृदयरोग आणि हृदयविकाराचा झटका येऊ शकतो. जर तुम्हाला धूम्रपान आणि मद्यपान करण्याची सवय असेल तर तुम्हाला हार्ट अटॅकच्या समस्येला सामोरे जावे लागते.

अनेकदा हृदयाच्या समस्या वाढण्यात तणावाची मोठी भूमिका असते. याशिवाय कुटुंबातील एखाद्याला, विशेषत: पालकांना हृदयविकार असेल तर तो मुलामध्येही होऊ शकतो. तसेच मधुमेह, उच्च रक्तदाब आणि लठ्ठपणामुळेही हृदयाशी संबंधित आजार होतात.

दिल्लीतील एस्कॉर्ट्स हॉस्पिटलचे हृदयरोगतज्ज्ञ डॉ. अतुल माथूर यांच्या मते, हृदयाच्या आरोग्याची काळजी घेण्यासाठी काही महत्त्वाच्या चाचण्या आहेत आणि या चाचण्या वयाच्या 35 व्या वर्षानंतर केल्या पाहिजेत. हृदय निरोगी ठेवायचे असेल तर आधी हे आजार ओळखायला शिका.

इलेक्ट्रो-कार्डिओ-ग्रॅम चाचणी हृदयाची स्थिती सांगते. याला थोडक्यात ईसीजी असेही म्हणतात. ईसीजीमध्ये हृदयाचे ठोके पाहिले जाऊ शकतात आणि या लहरींद्वारे हृदयरोगाचा शोध लावला जातो. याशिवाय तुम्ही इको-कार्डिओ-ग्रॅम टेस्टही करून घेऊ शकता. याला आपण इको टेस्ट म्हणूनही ओळखतो.

यामध्ये हाय फ्रिक्वेन्सी ध्वनी लहरी आपल्या हृदयाच्या व्हॉल्व्ह आणि चेंबर्सचे चित्र तयार करतात आणि आपल्या हृदयाची काम करण्याची क्षमता दर्शवतात. हृदयासाठी ट्रेडमिल चाचणी देखील केली जाते. त्यासाठी पेशंटला ट्रेडमिलवर धावावे लागते किंवा चालत जावे लागते यात शारीरिक श्रमादरम्यान आपल्या हृदयावर होणाऱ्या ताणतणावाचा परिणाम नोंदवला जातो.

या तिन्ही मूलभूत चाचण्या आहेत. हे चाचणी डेटा आपल्या हृदयाबद्दल महत्त्वपूर्ण माहिती प्रदान करतात. या चाचण्यांमध्ये अडचण आल्यास पुढे आणखी चाचण्या कराव्या लागतात. वयाच्या 35 ते 40 व्या वर्षानंतर या सर्व तपासण्या वर्षातून एकदा करून घ्याव्यात. जर तुम्ही लठ्ठपणाने त्रस्त असाल आणि तुमचा रक्तदाब नॉर्मलपेक्षा जास्त किंवा कमी असेल किंवा तुमच्या शरीरात कोलेस्टेरॉलची पातळीही जास्त असेल तर तुम्ही वयाच्या 35 व्या वर्षापूर्वीच तुमची हृदय तपासणी करून घेऊ शकता. जर आपले आई-वडील किंवा आपल्या कुटुंबातील इतर कोणत्याही नातेवाईकाला हृदयरोग असेल किंवा जर त्यांना हृदयविकाराचा झटका आला असेल तर आपण अधिक सावध गिरी बाळगणे आवश्यक आहे.