Tea Bag : या’ लोकांनी कधीही ‘टी बॅग’ सोबत चहा घेऊ नये; अन्यथा होऊ शकते नुकसान!
तुम्हीही टी बॅग चा चहा रोज पिता का? पंरतु काही लोकांना या टी बॅग चहाचे मोठे नूकसान सोसावे लागू शकते. जाणून घ्या, कोणत्या लोकांनी टी बॅग्ज असलेला चहा पिऊ नये आणि तो पिताना कोणत्या गोष्टी लक्षात ठेवाव्यात.
आपल्यापैकी बरेच जण व्यस्त असल्यामुळे आपल्या आहाराकडे लक्ष देत नाहीत. बिघडलेल्या जीवनशैलीमुळे आजार होऊ लागतात. आहार आणि दिनचर्या (Diet and routine) व्यतिरिक्त, लोक अशा काही चुका करतात, ज्यामुळे त्यांच्या आरोग्यावर विपरीत परिणाम होतो. सोशल मीडिया आणि जाहिराती पाहून लोक आपल्या दिनचर्येत अशा गोष्टींचा समावेश करतात, ज्यामुळे त्यांना फायदा होण्याऐवजी नुकसान होते. यापैकी एक म्हणजे टी बॅग चहा आहे. वजन कमी करण्याच्या, तंदुरुस्त आणि निरोगी (Fit and healthy) राहण्याच्या प्रयत्नात तरुण ते वृद्ध अशा प्रकारचा चहा पिण्यास सुरुवात करतात. काही लोकांना त्याचा फायदा झालाही असेल परंतु, त्याबाबत संपूर्ण माहिती असल्यास अशा प्रकारच्या चहाचे सेवन करणे टाळले पाहिजे. बाजारात अनेक ब्रँड्सच्या टी बॅग्स (Many brands of tea bags) उपलब्ध आहेत, ज्यातून सर्वोत्तम परिणामांचे दावे केले जातात. तुम्हीही टी बॅग चा दिनक्रम फॉलो करता का? तर, जाणून घ्या, कोणत्या लोकांनी टी बॅग्ज असलेला चहा पिऊ नये आणि तो पिताना कोणत्या गोष्टी लक्षात ठेवाव्यात.
या लोकांनी हा चहा पिऊ नये
मधुमेहाच्या रुग्णांनी सेवन करू नये : मधुमेहाच्या रुग्णांनी टी बॅग चा चहा घेऊ नये. तज्ज्ञांच्या मते, त्यात कॅफिनचे प्रमाण जास्त असते आणि त्यामुळे ग्लुकोजची पातळी बिघडते. जास्त कॅफिन असलेल्या चहाच्या पिशव्या मधुमेही रुग्णाच्या आरोग्याला अधिक हानी पोहोचवतात. जर तुम्ही साखरेचे रुग्ण असाल आणि तुम्ही टी बॅगचा चहा प्यायला आवडत असेल तर, तुम्ही डॉक्टरांचा सल्ला घ्यावा.
झोप न येण्याची समस्या असणारे : कॅफिनमुळे झोप येत नाही. ज्या लोकांना झोप न येण्याची समस्या आहे, त्यांनीही जास्त कॅफिन असलेल्या टी बॅगचे सेवन करू नये. वास्तविक, कॅफिनच्या अतिसेवनामुळे निद्रानाश होतो. असेही दिसून आले आहे की, लहान वयात मुलाचे वजन वाढले की पालक त्याला टी बॅग चहा प्यायला लावतात. मुलाचे वजन कमी होऊ शकते. परंतु, सल्ल्याशिवाय ही युक्ती करून पाहणे त्याच्या आरोग्यास हानी पोहोचवू शकते.
या गोष्टी लक्षात ठेवा: जर तुम्हाला हर्बल चहाचा नित्यक्रमात समावेश करायचा असेल तर तो नेहमी उकळवून प्या. उकळल्याने, त्यातील आवश्यक घटक पाण्यात मिसळतात. तुम्ही ग्रीन टी प्या किंवा ब्लॅक टी, चहाची पाने नेहमी पाण्यात उकळा.
(या लेखात दिलेली माहिती सामान्य गृहितकांवर आधारित आहे. TV9 मराठी याची पुष्टी करत नाही. तज्ञांचा सल्ला घेतल्यानंतरच याचे अनुसरण करा.)
