Tomato fever : भारतातही झपाट्याने पसरतोय ‘टॉमेटो फिव्हर’ जाणून घ्या, काय आहेत लक्षणे? कोणाला आहे सर्वाधिक धोका!

जगासोबतच भारतही गेल्या काही वर्षांपासून कोरोना या महामारीशी लढा देत आहे. कोरोना महामारीनंतर जगभरातील वैद्यकीय संशोधन क्षेत्राची म्युकर मायकॉसीस (Muker mycosis) ने चिंता वाढवली. हे कमी म्हणून की काय, नंतर मंकीपॉक्सची दहशत वाढली, आता आणखीन एका नवीन आजाराने दार ठोठावले आहे. हँड फूट माउथ डिसीज (HFMD), ज्याला टोमॅटो फिव्हर असेही म्हणतात, हा आरोग्य तज्ज्ञांसाठी चिंतेचा विषय बनला आहे. कारण तो लहान मुलांमध्ये झपाट्याने पसरतो हे विशेष. लॅन्सेट रेस्पिरेटरी जर्नलमधील अभ्यासानुसार, केरळमध्ये 6 मे 2022 रोजी टोमॅटो फ्लूचा (Tomato flu) पहिला रुग्ण आढळला होता आणि आतापर्यंत 82 प्रकरणे नोंदवली गेली आहेत. हा ताप एक ते पाच वर्षे वयोगटातील मुले आणि रोगप्रतिकारशक्ती कमकुवत (Weak immunity) असलेल्या प्रौढांना आपल्या कचाट्यात ओढतो.

82 प्रकरणे नोंदवली

नवीन अभ्यासात असे म्हटले आहे की, “आपण कोविड-19 च्या चौथ्या लाटेच्या संभाव्य धोक्याचा सामना करत असताना, टोमॅटो फ्लू म्हणून ओळखला जाणारा एक नवीन विषाणू भारतातील केरळ राज्यात 5 वर्षांपासून अस्तित्वात असल्याचे लहान मुलांमध्ये दिसून आले. आतापर्यंत 82 प्रकरणे नोंदवली गेली आहेत.” आता अशा परिस्थितीत टोमॅटोच्या तापापासून दूर राहण्यासाठी टोमॅटो-फ्लू किंवा टोमॅटो फिव्हर म्हणजे काय हे जाणून घेणे अत्यंत आवश्यक आहे? त्याचा प्रसार कसा होतो? लक्षणे कोणती आहेत आणि ते कसे टाळता येईल?

टोमॅटो फ्लू म्हणजे काय?

इंडिया टूडेच्या मते, लॅन्सेट अभ्यासात असे म्हटले आहे. की, टोमॅटो फ्लूची लक्षणे कोविड-19 व्हायरससारखीच आहेत. परंतु हा विषाणू SARS-CoV-2 शी संबंधित नाही, तो पूर्णपणे वेगळा आहे. चिकुनगुनिया किंवा डेंग्यू तापानंतर मुलांमध्ये टोमॅटो-फ्लू होऊ शकतो. या फ्लूचे नाव टोमॅटो-फ्लू आहे कारण यामुळे संपूर्ण शरीरावर लाल आणि वेदनादायक फोड येतात. या फोडांचा आकार टोमॅटो एवढाही असू शकतो.

हे सुद्धा वाचा

Nagpur Library : समाजाने LGBT समूहास स्वतःत सामावून घ्यावे, सारथी संस्थेचे CEO निकुंज जोशी यांचे आवाहन

Gondia accident : गोंदियात गवत आणण्यासाठी शेतात गेला, विजेच्या धक्क्याने 62 वर्षीय शेतकऱ्याचा मृत्यू

Gondia accident : गोंदियात स्कूल बस 30 फूट खोल कोसळली, चालक जखमी, विद्यार्थ्यांना सोडून परतताना अपघात

Agriculture Minister : कृषीमंत्री अब्दुल सत्तार उतरले बांधावर, वारंगा येथील नुकसानग्रस्त शेतीची पाहणी

टोमॅटो फ्लूचा धोका कोणाला आहे?

“लहान मुलांना टोमॅटो फ्लूचा धोका अधिक असतो कारण विषाणूजन्य संसर्ग या वयात मुलांपेक्षा जास्त होतो,” असे लॅन्सेट अहवालात म्हटले आहे. पाच वर्षांखालील मुलांना या अवस्थेचा सर्वाधिक फटका बसत असल्याचा इशारा डॉक्टरांनी दिला आहे. विशेषतः टोमॅटो फ्लू, अत्यंत संसर्गजन्य असूनही, जिवाला धोका नाही.

टोमॅटो-फ्लूची लक्षणे काय आहेत?

टोमॅटो-फ्लू असलेल्या मुलांमध्ये दिसणारी प्राथमिक लक्षणे चिकुनगुनिया किंवा डेंग्यू तापासारखीच असतात. लक्षणांमध्ये उच्च ताप, पुरळ, सूजलेले सांधे, मळमळ, अतिसार, डिहायड्रेशन(निर्जलीकरण), तीव्र सांधेदुखी यांचा समावेश होतो. शरीर दुखणे, ताप आणि थकवा ही इतर लक्षणे कोविड-19 रुग्णांनी अनुभवली आहेत. काही प्रकरणांमध्ये, रुग्णांच्या त्वचेवर फोडांचा आकार लक्षणीय वाढला होता.

टोमॅटो फ्लूचे कारण

टोमॅटो फ्लूचे विशिष्ट कारण शोधण्यासाठी शास्त्रज्ञ अजूनही संशोधन करत आहेत, परंतु सध्या हा विषाणू संसर्गाचा एक प्रकार मानला जात आहे. डेंग्यू किंवा चिकुनगुनियाचा हा दुष्परिणाम असू शकतो, असेही काहींनी सुचवले आहे. शास्त्रांच्या म्हणण्यानुसार, त्याचा स्रोत हा व्हायरस आहे, परंतु तो कोणत्या विषाणूंमुळे पसरत आहे किंवा कोणत्या विषाणूशी संबंधित आहे याबद्दल अद्याप माहिती समोर आलेली नाही?

टोमॅटो फ्लू उपचार

टोमॅटो फ्लूपासून दूर राहण्यासाठी डॉक्टर स्वच्छ राहण्याचा सल्ला देतात. हा विषाणू पाच वर्षांखालील मुलांसाठी अधिक घातक असल्याचे मानले जाते. तुमच्या मुलामध्ये वरीलपैकी कोणतीही लक्षणे दिसल्यास, लवकरात लवकर डॉक्टरांशी संपर्क साधा. लहान मुले किंवा ज्या लोकांना संसर्ग झाला आहे त्यांनी फोड फोडणे आणि खाजवणे टाळावे. जास्त पाणी प्या.