Iran Attacks Israel Live Updates: इराण पाठोपाठ पुन्हा एकदा इस्रायलवर क्रूझ मिसाइलने हल्ला
Iran Attacks Israel : लेबनानमध्ये ग्राऊंड ऑपरेशननंतर इराणने इस्रायलवर मोठा हल्ला केला आहे. इराणने इस्रायलमधील 100 पेक्षा जास्त ठिकाणी 200 बॅलेस्टिक मिसाइल्स डागले. मोसाद हेडक्वार्टर आणि 20 F-35 फाइटर जेट्सचा खात्मा केल्याचा दावा इराणने केला आहे. इस्रायलने इराणचे अनेक मिसाइल्स हवेतच पाडले.
LIVE NEWS & UPDATES
-
Iran Attacks Israel live : इराण पाठोपाठ पुन्हा एकदा इस्रायलवर क्रूझ मिसाइलने हल्ला
इस्रायलच्या आत खोलवर क्रूझ मिसाइलने हल्ला केल्यााच दावा हुती बंडखोरांनी केला आहे. हुती ही येमेनमधील बंडखोर संघटना आहे. त्यांना इराणच समर्थन प्राप्त आहे. हुती बंडखोरांनी याआधी सुद्धा इस्रायलवर हल्ले केले आहेत. इस्रायलने ताज्या हल्ल्याची अजून पृष्टी केलेली नाही.
-
Iran Attacks Israel live : भारतीय विमान कंपन्यांसाठी एडवायजरी जारी होणार का?
इराण-इस्रायलमध्ये युद्धाची स्थिती लक्षात घेऊन केंद्र सरकार भारतीय विमान कंपन्यांसाठी एडवायजरी जारी करु शकते. एअर इंडियाच्या दोन्ही देशातून विमान वाहतुकीवर प्रतिबंध घातला जाऊ शकतो. एअर इंडिया सुद्धा आपला रुट बदलण्याचा विचार करत आहे.
-
-
मंत्री हसन मुश्रीफ यांचा रोहित पवारांवर हल्लबोल
कोल्हापूर- मंत्री हसन मुश्रीफ यांनी रोहित पवारांवर हल्लबोल केला. “रोहित पवार अजित पवारांची स्पेस घेण्याचा प्रयत्न करत आहेत. मात्र असं स्थान मिळण्यासाठी खूप खस्ता खाव्या लागतात. रोहित पवारांनी आपल्या वयाचं भान ठेऊन बोलावं,” असा सल्ला हसन मुश्रीफ यांनी दिला.
-
Iran Attacks Israel live : इराण-इस्रायल संघर्षाच्या पार्श्वभूमीवर भारतीयांना महत्त्वाची सूचना
इराणमध्ये जाऊ नका असं भारत सरकारकडून सांगण्यात आलय. “आमचं या भागातील परिस्थितीवर लक्ष आहे. भारतीय नागरिकांना इराणचा दौरा न करण्याचा सल्ला देण्यात आला आहे. सध्या इराणमध्ये असलेल्या भारतीय नागरिकांना सर्तक राहण्याच्या सूचना करण्यात आल्या आहेत. तेहरानमधील भारतीय दूतावासाच्या संपर्कात राहण्यास सांगितलं आहे”
MEA says, “We are closely monitoring the recent escalation in security situation in the region. Indian nationals are advised to avoid all non-essential travel to Iran. Those currently residing in Iran are requested to remain vigilant and stay in contact with the Indian Embassy in… pic.twitter.com/uh1wZb4e4v
— ANI (@ANI) October 2, 2024
-
Iran Attack Israel : ‘या’ देशाच्या ग्रीन सिग्नलनंतरच इराणचा इस्रायलवर हल्ला
इराणने इस्रायलवर केलेल्या हल्ल्याासंदर्भात महत्त्वाची बातमी समोर आली आहे. इराणचा हल्ला रोखण्यासाठी इस्रायली पंतप्रधान बेंजामिन नेतन्याहू यांनी एक फोन कॉल केला होता. पण समोरुन तो फोन उचलला नाही. वाचा सविस्तर….
-
-
अजित पवार समर्थक आमदार देवेंद्र भुयार यांचं महिलांसंदर्भात वादग्रस्त वक्तव्य
अमरावती- अजित पवार समर्थक आमदार देवेंद्र भुयार यांनी महिलांसंदर्भात वादग्रस्त वक्तव्य केलंय. “मुलगी जर पाहायला चांगली असेल तर ती तुमच्या माझ्यासारख्याले भेटणं नाही, ती नोकरीवाल्या मुलाला भेटते. दोन नंबरची मुलगी डोंबली मुलगी पानटपरी वाल्याला किराणा दुकानदाराला भेटते. तीन नंबरचा गाळ जो राहला सूहला हेबडली हाबडली जी पोरगी आहे ती शेतकऱ्याच्या पोट्टला भेटते. म्हणजे शेतकऱ्याच्या पोराचं खरं राहलं नाही. जन्माला येणार जे लेकरू आहे ते हेबाळ निघत राहते..माय इल्लू पिल्लू त्याच्या पोटी वाणराचे पिल्लू असाच कार्यक्रम आहे सगळा,” असं ते म्हणाले.
-
कांदा अनुदानापासून वंचित असलेल्या शेतकऱ्यांचा राज्य सरकारला इशारा
नाशिक- कांदा अनुदानापासून वंचित असलेल्या शेतकऱ्यांनी राज्य सरकारला इशारा दिला आहे. राज्य सरकारने घोषित केलेल्या कांदा अनुदानापासून शेतकरी वंचित आहे. राज्यात तेरा हजार शेतकऱ्यांना अद्यापपर्यंत अनुदानाचा एकही रुपया मिळाला नाही, असं कांदा उत्पादक संघटनेनं म्हटलंय. विधानसभा निवडणुकीची आचारसंहिता लागण्यापूर्वी शेतकऱ्यांच्या खात्यात अनुदानाची रक्कम जमा करावी अशी मागणी भारत दिघोळे यांनी केली. लोकसभेप्रमाणे विधानसभेतही कांदा उत्पादक शेतकरी सत्ताधाऱ्यांना मतदानातून उत्तर देईल, असा इशारा भारत दिघोळे यांनी दिला.
-
-
महाराष्ट्रात वाचाळवीरांना तर फारच बरे दिवस आलेत- राज ठाकरे
‘आज महात्मा गांधींची जयंती. ‘बोलणं हे मौनापेक्षा अधिक प्रभावी ठरणार असेल तर जरूर बोला’, असं गांधीजी म्हणायचे. त्यांच्या या म्हणण्यातला ‘मौनापेक्षा अधिक प्रभावी ठरणार असेल तर….’ याचा खोल अर्थ मात्र हल्ली समजेनासा झाला आहे. प्रत्येक क्षणाला, प्रत्येक गोष्टीवर कुठलाही विचार पूर्ण व्हायच्या आत व्यक्त व्हायचं,हे सध्या सुरु आहे. आणि महाराष्ट्रात वाचाळवीरांना तर फारच बरे दिवस आलेत. काहीही बोललं, कितीही बेताल वक्तव्य केली तरी प्रसिद्धी मिळते हे माहित झाल्यामुळे, असल्यांचा सुळसुळाट झाला आहे. आणि हे होतंय कारण माध्यमं यांना प्रसिद्धी देतात. आणि त्यात भर पुन्हा सोशल मीडियाची,’ असं ट्विट करत राज ठाकरेंनी टोला लगावला आहे.
-
धुळे महानगरपालिकेच्या भ्रष्ट कारभाराविरोधात शिवसेना ठाकरे गट आक्रमक
धुळे महानगरपालिकेच्या भ्रष्ट कारभाराविरोधात शिवसेना ठाकरे गट आक्रमक झाली आहे. उबाठा शिवसेनेच्या वतीने धुळे महानगरपालिकेवर मोर्चा काढण्यात आला. अकराशे कोटींच्या निधीमध्ये भ्रष्टाचार केल्याच्या आरोप करत ठाकरे गटाच्या शिवसैनिकांनी श्राद्ध घातलंय. धुळे महापालिकेतील सत्ताधारी भाजप नेत्यांचं श्राद्ध घालण्यात आलंय. महापालिकेत विविध योजनांमध्ये भ्रष्टाचार करून भाजपची विधानसभेची तयारी सुरू, असा आरोप संतप्त शिवसैनिकांनी केला आहे.
-
Iran Attacks Israel live : अमेरिकेची शक्तीशाली युूद्धनौका इस्रायलच्या मदतीसाठी निघाली
इराण विरुद्ध संघर्षात इस्रायलला अमेरिकेची साथ आहे. पेन्टागॉनने त्यांच्या अण्वस्त्र सज्ज विमानवाहू युद्धनौकेला तिथेच थांबण्याचे आदेश दिले आहेत. दुसरी युद्धनौका इस्रायलच्या मदतीसाठी तिथे येण्यास निघाली आहे. इराणने इस्रायलवर बॅलेस्टिक मिसाइलने हल्ला केल्यामुळे या प्रदेशात तणाव टोकाला पोहोचला आहे.
-
Iran Attacks Israel live : इराण- इस्रायलमध्ये भारताचा खास कोण? आपल्याला कोणाची जास्त गरज?
Iran vs Israel : इस्रायलची भारताला जितकी गरज आहे, तितकीच इराणची सुद्धा आहे. पण या दोन देशांपैकी जास्त कोण खास? हा प्रश्न येतो. वाचा सविस्तर….
-
Iran Attacks Israel live : डेन्मार्कमध्ये इस्रायली दूतावासाजवळ दोन बॉम्बस्फोट
डेन्मार्कमध्ये इस्रायली दूतावासाजवळ दोन बॉम्बस्फोट झाल्याची माहिती आहे. त्यामुळे एकच खळबळ उडाली आहे. बुधवारी इस्रायली दूतावासाजवळ झालेल्या या दोन बॉम्बस्फोटांचा तपास सुरु आहे असं कोपेनहेगन पोलिसांनी सांगितलं.
-
Iran Attacks Israel live : इराणसारखे पाकिस्तानने एकाचवेळी हजारो रॉकेट डागले तर भारताची तयारी काय?
चीन-पाकिस्तान भरोशाचे शेजारी नाही. उद्या त्यांनी इराणसारखा हल्ला केला, एकाचवेळी हजारो रॉकेट्स डागले तर भारताची तयारी काय आहे? आपण त्यांचा रॉकेट हल्ला परतवून लावण्यासाठी सक्षम आहोत का? आपली तयारी काय आहे? ते जाणून घ्या. वाचा सविस्तर….
-
Iran Attacks Israel live : इराण-इस्रायल संघर्ष युद्धात बदलला तर भारताचं काय नुकसान होईल?
Iran-Israel War Impact : इराणच्या इस्रायलवरील हल्ल्यामुळे टेन्शन वाढलं आहे. दोन्ही देशांसोबत भारताचे चांगले मैत्रीपूर्ण संबंध आहेत. हे दोन्ही देश भारतावर किती प्रमाणत आणि भारत त्यांच्यावर किती प्रमाणात अवलंबून आहे ते जाणून घ्या. हा संघर्ष युद्धात बदलला तर भारताच काय नुकसान होईल? वाचा सविस्तर…
-
Maharashtra News: महात्मा गांधी जयंती निमित्ताने सामूहिक सूत कताईचा उपक्रम
छत्रपती संभाजीनगरच्या एमजीएम विद्यापीठत आगळावेगळा उपक्रम… शेकडो विद्यार्थ्यांनकडून सामूहिक सूत कताई सुरू… पारंपरिक ते आधुनिक मशीनच्या साह्याने सूतकताई सुरू… एमजीएम विद्यापीठातील शेकडो विद्यार्थी सूतकताई कार्यक्रमात सहभागी…
-
Maharashtra News: धुळे जिल्ह्यात अनेक शेतामध्ये सोयाबीन पिकावर येलो मोझॅक रोगाचा प्रादुर्भाव…
धुळे जिल्ह्यात अनेक शेतामध्ये सोयाबीन पिकावर येलो मोझॅक रोगाचा प्रादुर्भाव… अती पावसामुळे रोगराई… सोयाबीनची पाने पडू लागली पिवळी… रोगामुळे उत्पन्न घटन्याची शक्यता… यंदा सोयाबीनचे क्षेत्र वाढलेला असताना दुसरीकडे मात्र सोयाबीनवर रोगराई… कृषी खात्याने मार्गदर्शन करण्याची शेतकऱ्यांची मागणी…
-
Maharashtra News: 2029 आधी सरकार राहणार की नाही, ते बघा – संजय राऊत
अमित शाहांना स्वप्नदो झालाय… 2029 आधी सरकार राहणार की नाही, ते बघा…, चोऱ्या – माऱ्या करून तुम्ही यावेळी निवडणूक जिंकली… भाजप जमिनीवरून पूर्णपणे नष्ट झालाय… असं वक्तव्य देखील संजय राऊत यांनी केलं आहे.
-
Maharashtra News: सुनील तटकरे यात हेलिकॉप्टरने प्रवास करणार होते
सुनील तटकरे यात हेलिकॉप्टरने प्रवास करणार होते… मुंबईतून सुतारवाडीसाठी यात हेलिकॉप्टरने तटकरे प्रवास करणार होते… हेलिकॉप्टर कोसळून 3 जणांचा मृत्यू
-
Iran Attacks Israel live : इराणने इस्रायल विरोधात कुठली अत्याधुनिक मिसाइल वापरली?
इराणने पहिल्यांदाच इस्रायल विरोधात त्यांची अत्याधुनिक मिसाइल्स वापरली. यामध्ये Fattah मिसाइल सुद्धा आहे. एक्सपर्ट्सनुसार, इस्रायलने पहिल्यांदाच या मिसाइलचा वापर केला. IRGC ने सुद्धा याला दुजोरा दिला आहे.
-
Iran Attacks Israel live : इराणची मिसाइल जॉर्डनमध्ये कोसळून किती जखमी?
इराणने मंगळवारी रात्री इस्रायलवर मिसाइल हल्ला केला. यावेळी काही मिसाइल्स जॉर्डनमध्ये कोसळले. रिपोर्ट्सनुसार यामध्ये तीन लोक जखमी झाले आहेत.
-
Iran Attacks Israel live : हल्ल्यानंतर इराणचा मोठा दावा, तेहरानमध्ये सेलिब्रेशन
यावर्षी एप्रिल महिन्यातही इराणने इस्रायलवर अशाच प्रकारचा हल्ला केला होता. हा हल्ला त्यापेक्षाही मोठा आणि अचूक होता असा इराणचा दावा आहे. इराणी मिसाइल्स इस्रायलमध्ये पोहोचण्याआधीच नष्ट केली जातात. पण इराणचा दावा आहे की, त्यांची….इथे क्लिक करुन वाचा
-
Iran Attacks Israel live : भयानक, इराणकडून हायपरसोनिक मिसाइल हल्ला, त्यामुळे काय नुकसान?
इराणने इस्रायलवर 180 पेक्षा जास्त बॅलेस्टिक मिसाइल्स डागले. यातील बहुतांश मिसाइल्स एअर डिफेन्स सिस्टिमने हवेतच नष्ट केले. पण इराणने हायपरसोनिक मिसाइल्सही डागली. ती इस्रायल, अमेरिकेला रोखता आली नाहीत. इस्रायलच्या तीन एअर बेसचा या मिसाइल्समुळे नुकसान झालय.
-
Iran Attacks Israel live : मिडल ईस्टमधल्या संकटावर जयशंकर काय बोलले?
परराष्ट्र एस. जयशंकर यांनी मिडल ईस्टमधल्या परिस्थितीवर चिंता व्यक्त केली आहे. इस्रायल आणि इराणमधल्या या कठीण काळात भारत समन्वयकाच्या भूमिकेसाठी तयार आहे असं म्हटलं आहे. त्याचवेळी 7 ऑक्टोबरला हमासने दक्षिण इस्रायलमध्ये केलेल्या हल्ल्याला भारत दहशतवादी हल्लाच मानतो हे जयशंकर यांनी स्पष्ट केलं. जयशंकर सध्या अमेरिका दौऱ्यावर आहेत. कुठल्याही देशाने प्रत्युत्तर देताना आंतरराष्ट्रीय मानवी कायदे लक्षात घ्यावेत असं सुद्धा जयशंकर म्हणाले. सामान्य नागरिकांना कुठलीही इजा होणार नाही याची काळजी घ्यावी असं जयशंकर म्हणाले.
हिज्बुल्लाह चीफ हसन नसरल्लाहच्या मृत्यूनंतर मिडल ईस्टमध्ये तणाव मोठ्या प्रमाणात वाढला आहे. इस्रायली सैन्याची लेबनानमध्ये कारवाई सुरु असतानाच इराणने इस्रायलवर मिसाईल हल्ला केला आहे. इराणकडून 180 पेक्षा जास्त मिसाइल डागण्यात आली. काही हल्ले सेंट्रल इस्रायलमध्ये तर काही दक्षिण इस्रायलमध्ये करण्यात आले. जास्तीत जास्त मिसाइल पाडण्यात इस्रायलला यश आलं. इराणच्या हल्ल्यानंतर युद्ध आणखी भडकण्याची शक्यता आहे. आता मिडिल ईस्टमध्ये महाविनाश रोखणं कठीण आहे. इराणला याची किंमत चुकवावी लागेल असा इशारा इस्रायलने दिला आहे. इराणच्या हल्ल्यानंतर इस्रायली सैन्य पलटवार करण्याच्या तयारीत आहे. इस्रायलकडे योजना तयार आहे. हल्ला कसा करायचा, कुठे करायचा आणि वेळ काय असेल? हे आम्ही ठरवू असं आयडीएफ प्रवक्त्याने म्हटलं आहे.
Published On - Oct 02,2024 8:51 AM